Frábær samstaða

Ég var að koma neðan úr bæ og loftið var magnþrungið. Taktfastur trumbustláttur og fréttir bárust úr af fundi Reykjavíkurdeild samfylkingar í þjóðleikshúskjallaranum að hún styddi ekki viðvarandi samstarf ríkisstjórnar.

Fjöldi fólks var samankomið, ungt og gamalt að mótmæla óréttlætinu. Ég dáist af þessari þjóð. Þjóðin er að sýna á sér hlið sem lá dulin undir hulu græðgisvæðingarinnar.

"Mikil fagnaðarlæti brutust út meðal mótmælenda þegar þeir fréttu að ákveðið hafi verið að samþykkja ríkisstjórnarslit. Slagorðið „Vanhæf ríkisstjórn!“ breyttist þá í „Áfram Ísland!

Áfram Ísland

Samþykktu ályktun um stjórnarslit

Athugasemdir

[hilmar jónsson, 21.1.2009 kl. 23:59]

Flottustu mótmælin til þessa. Samstilling-samstaða.

[Offari, 22.1.2009 kl. 00:02]

Nú er bara að vona að þessum hluta björgunaraðgerðana sé lokið. Næst er að finna hæft fólk til að stjórna og endurreisa landið.

[Arinbjörn Kúld, 22.1.2009 kl. 00:06]

Ég get ekki lýst stolti mínu í dag í samstöðumótmælunum á Akureyri. Svi mér þá ef andaflautan mín virkaði bara ekki!

[Jakobína Ingunn Ólafsdóttir, 22.1.2009 kl. 00:13]

Gott Ari að þú hafðir not fyrir andaflautuna

[Vilborg Traustadóttir, 22.1.2009 kl. 00:24]

Pældu íðí skilanefndir bankanna hafa fengið 150 milljónir á síðasta ári. Að vísu er þar innifalin kostanaður til fyrirtækja sem vinna fyrir þá en sama þetta er svívirða!

Við lifum á sögulegum tímum en það er ekki nóg að koma Samfylkingunni í sæng með VG.

Við viljum nýtt lýðveldi og ekkert minna.

Nú er hættan sú að það gleymist!

Eða?

[hilmar jónsson, 22.1.2009 kl. 00:33]

Mæltu heil Vilborg.

[Sigrún Jónsdóttir, 22.1.2009 kl. 00:48]

Nýtt lýðveldi og byrjum með utanþingsstjórn.