Á skammverudeild

Sagt er að stórslasaður lögreglumaður sé á skammverudeil. Hvað er það? Deild fyrir þá sem útskrifast innan sólahrings? Nema að fólk sé skammað á þessari deild!

Skrítnar fréttir

Mér finnst þessar fréttir undarlegar í ljósi þess að stemmingin var friðsöm og jákvæð þegar ég var í bænum kl. ellefu. Hvorki var ofbeldi né læti og lögreglan í jaðrinum. Svo virðist vera að mótmælin hafi flust niður á Austurvöll og þar orðið læti. Lögreglan beitti táragasi og einhverjir köstuðu steinum en ekki hefur komið fram hvort það hafi verið hvítliðar.

Væri ekki skynsamlegt að þessi spillta og ofbeldisfulla ríkisstjórn ásamt skósveinum tæki bara pokann sinn og leyfi siðuðu fólki að lifa hér í friði?

Ríkisstjórnin hefur rétt til þess að verja það sem hún er að gera segir Björn Bjarnason. Skyldi ein leiðin vera að senda Óla Klemm á vettvang?

Ég bendi á bloggið hennar Heiðu sem segir frá því að mótmælendur hafi reynt að verja lögregluna fyrir einhverju óróaseggjum sem þarna voru í boði sjálfs sín eða annarra.

Lögreglumaður enn á sjúkrahúsi

Athugasemdir

[Heimir Lárusson Fjeldsted, 22.1.2009 kl. 08:45]

Mér finnst þetta alvarlegt mál og ekki hafandi í flimtingum.

[Jakobína Ingunn Ólafsdóttir, 22.1.2009 kl. 08:53]

Spurning hverstu alvarlegt. Ég tek fréttum með fyrirvara. Það er líka alvarlegt mál þegar lögreglan slasar fólk en það fær minni upphrópanir í fréttum.

[Jakobína Ingunn Ólafsdóttir, 22.1.2009 kl. 08:54]

Af hverju er lögreglumaður með alvarlegan höfuð áverka ekki á gjörgæsludeild?

[Svartagall, 22.1.2009 kl. 08:54]

mbl.is segir tvo lögreglumenn "alvarlega slasaða". Það hlýtur að vera illa komið fyrir heilbrigðiskerfinu ef annar þessara alvarlega slösuðu lögreglumanna hefur verið sendur heim og hinn settur á "skammverudeild til eftirlits". Reyndar hafði RUV eftir vakthafandi lækni að meiðsli lögreglumannanna væru ekki alvarleg, en hver tekur mark á RUV.

[Jakobína Ingunn Ólafsdóttir, 22.1.2009 kl. 08:55]

Eða í það minnsta á einhverri sérfræðideild?

[Heimir Lárusson Fjeldsted, 22.1.2009 kl. 09:03]

Hártogun frú Jakobína.

[Ragnheiður J. Sverrisdóttir (IP-tala skráð) 22.1.2009 kl. 09:17]

Ekki ætla ég að dæma um hversu slasaðir þessi lögreglumenn eru eða hversu slasað fólk þarf að vera til að leggjast á gjörgæsludeild. En það er á hreinu að það er háalvarlegt ef fólk fær höfuðáverka og ólíðandi að fólk sé slasað við vinnu sínu, fái höfuðhögg og þetta er ekki í fyrsta skiptið eftir að þessi mótmæli hófust. Höfuðhögg geta valdið fólki ómældum skaða þó það hafi aldrei þurft að leggjast inn á spítala.

[Jakobína Ingunn Ólafsdóttir, 22.1.2009 kl. 09:24]

Það er alveg rétt og stjórnvöld bera mikla ábyrgð á þessari atburðarrás. Fólk er líka slasað eftir kylfur lögreglunar en það þykir minna fréttnæmt.

Grundvallaratriði er þó að þetta voru ekki venjulegir mótmælendur að verki. Fólk sem er markvisst að mæta á mótmæli beitir ekki svona aðferðum

Ráðherrar t.d. Björn Bjarnason hvetja til óróa.

[Heimir Lárusson Fjeldsted, 22.1.2009 kl. 09:54]

"Ráðherrar t.d. Björn Bjarnason hvetja til óróa. "

Er ekki allt í lagi frú Jakobína?

[Guðmundur Jónsson, 22.1.2009 kl. 09:57]

Ég lít svo á að Þeir einu sem geta borið ábyrgð á þessum mótmælum og þeim afleiðingum sem þau hafa til góðs eða ills, eru þeir sem til þeirra stofna. Að halda öðru fram eru bara útúrsnúningur og sú afneitun ábyrðar sem nú á sér stað í hópi mótmælenda er af sama toga og sú afneitun ábyrgðar sem þeir saka stjórnvöld um.

[Óli Sveinbjörnss, 22.1.2009 kl. 10:20]

Ég frétti líka að einn Logreglumaðurinn hefði fengið flís af kylfunni sinni og blöðru á puttann af úðabrúsanum. Svona öllu gamni sleppt þá er ég sammála þér Jakobína að mogginn er að reyna gera mikið úr þessum meiðslum Lögreglumanna enda undir sterkum áhrifum þeirra sem bera raunverulega ábyrgð á ástandinu nefnilega ríkistjórnin. Það er eina sem getur lagað ástandið er að hún segi af sér. Ef ekki þá versnar ástandið bara og moggin þarf ekki að ýkja fréttir um meiðsli á fólki.

[Jakobína Ingunn Ólafsdóttir, 22.1.2009 kl. 10:21]

Yfirvöld hafa með ránum sínum og rupli gagnvart almenningi stofnað þessa atburðarrás.

[Jón (IP-tala skráð) 22.1.2009 kl. 13:48]

Ég er nátengdur hinum slasaða og ég get alveg sagt þér það að það er ekki verið ýkja  um  áverka hans og þið teljið líklega að læknirinn sem sagði að það eina sem að hefði bjargað honum var hjálmurinn því annars væri hann líklega ekki á meðal vor í dag, en það eru náttúrulega ýkjur líka Jakobína og Óli? Og læknirinn er bara með í samsærinu, og Þetta finnst ykkur jákvætt að það sér ráðist að vinnandi mönnum og reynt að vinna þeim mein, svo eruð þið tjá ykkur eins og kjánar, þið ættuð að skammast ykkar.

[Jakobína Ingunn Ólafsdóttir, 22.1.2009 kl. 13:56]

Jón þú ert ekki með á nótunum. Ríkisstjónin sendi frænda þinn af stað og legt hann standa vígklæddan og ögrandi innan um fólk sem er að verða skuldugir öreigar vegna aðgerða ríkisstjórnarinnar.

Hvers vegna heldur þú að hann hafi verið látinn vera með hjálm.

Væri ekki nær að Björn Bjarnason og Geir Haarde færu bara sjálfir með hjálma og vígbúnir niður á Austurvöll heldur en að senda saklausa lögreglumenn í þetta öngþveiti sem þeir sjálfir hafa skapað.

[Jakobína Ingunn Ólafsdóttir, 22.1.2009 kl. 14:06]

Heimir L Fjelsted ég sé að þú er á móti ríkisstjórninni og fyrirlítur Björn Bjarnason og Geir Haarde fyrir að senda saklausa lögreglumenn vígbúna og ögrandi í í mannþröng sem er að mótmæla ránum og skattaofbeldi ríkisstjórnarinnar.

Þú værir kannski til í að safna undirskriftum undir texta sem hvetur Björn Bjarnason og Geir Haarde til þess að taka skítverkin að sér sjálfir.

[Heimir Lárusson Fjeldsted, 22.1.2009 kl. 14:54]

Þú gerir þér grein fyrir því frú Jakobína að í þjóðfélaginu ríkir verkaskipting, sem ekki verður hliðrað til með þrátt fyrir ofstæki þitt eða þinna líka

[Jakobína Ingunn Ólafsdóttir, 22.1.2009 kl. 15:01]

Merkilegt hvernig sumt fólk kann ekki önnur úrræði en að uppnefna fólk og nota gífuryrði. Frekar máttlaust.

[Heimir Lárusson Fjeldsted, 22.1.2009 kl. 15:01]

Við erum með striti okkar að kosta nám frú Jakobínu við HÍ. Vegni þér vel og njóttu.

[Jakobína Ingunn Ólafsdóttir, 22.1.2009 kl. 15:07]

Ég vona að sú þekking sem ég afla mér í mínu námi eigi eftir að gagnast við uppbyggingu þessa lands.

Ég er í doktorsnámi og reikna með að skólagjöldin sem ég borga sjálf standi nokkurn veginn undir kostnaði við. Námið felst fyrst og fremst í sjálfstæðu framlagi mínu eins og er, þ.e. ég þarf ekki að sækja námsskeið.

[Alexander Kristófer Gústafsson, 22.1.2009 kl. 23:02]

Er alveg sammála þér Jakobína , það er eitthvað mjög furðulegt  við þessa frétt

[Heimir Lárusson Fjeldsted, 22.1.2009 kl. 23:09]

"Væri ekki skynsamlegt að þessi spillta og ofbeldisfulla ríkisstjórn ásamt skósveinum tæki bara pokann sinn og leyfi siðuðu fólki að lifa hér í friði?"

Ofbeldisfull ríkisstjórn? Og spillt?

Frú Jakobína hvar hefur þú alið manninn undanfarin misseri?