Nota veikindi Geirs gegn Herði Torfa

Hvaða bull er í gangi í fjölmiðlum núna. Er Hörðu Torfa ábyrgur fyrir veikindum Geirs? Blekkingarleikur valdhafanna er óskammfeilinn.

Það er fullkomlega eðlilegt að spyrja að því hvort eðlilegt sé að Geir tilkynni í sömu frétt um komandi kosningar og um einkamál sín.

Geir hefur hvað eftir annað sagt "við skulum ekki persónugera hlutina".

Ég hvet fólk til þess aðgreina einkamál forsætisráðherra og afar slælega framgöngu hans í starfi.

Þjóðin á rétt á styrkri forystu....búið er að ræna vinnu og tekjum komandi kynslóða. 

Í erlendum fjölmiðlum segir blaðafulltrúi Geirs að hann boði ekki til kosninga vegna veikinda sinna.

Ástæðan fyrir kosningum er að þjóðin hafi sýnt mikla óánægju og að ríkisstjórnin sjái sér ekki fært að halda áfram án kosninga.

 

Hænuskref í rétta átt

Athugasemdir

[Rakel Sigurgeirsdóttir, 23.1.2009 kl. 20:08]

Nákvæmlega! Þetta er pólitíks refskák en hana kunna atvinnupólitíkusarnir öllu öðru fremur. Eru snillingar í að beita henni á ögurstundum enda sjáum við viðbrögðin... Það er hægt að finna til með sjúklingnum en það ætti ekki að firra hann ábyrgðinni af brunarústinni sem hann stendur í þegar hann tilkynnir þau.

[hilmar jónsson, 23.1.2009 kl. 20:11]

Nú skal öllu tjaldað til að stöðva skrílinn.

Það var líka athyglisvert hvernig mogginn kom upp með videoklippu af óeirðunum við alþingi aðeins 3 mín eftir að tfirlýsing Geirs birtist á mbl.is.

Lágkúra xd á sér lítil takmörk.

[Björgvin R. Leifsson, 23.1.2009 kl. 20:17]

Vel orðað, Jakobína. Mér fannst satt að segja eins og kosningar hefðu verið ákveðnar bara af því að Geir er veikur.

[Rut Sumarliðadóttir, 23.1.2009 kl. 20:18]

Svo sammála, en mér finnst að Hörður hefði mátt segja þetta á penni hátt. Sorrý. Ég óska Geir persónulega góðum bata en vil ekki sjá hann meira í pólitík. Allt önnur Ella. Það er ekki hægt að hafa veikt fólk í þeim störfum sem bæði Geir og ISG gegna. Það er til fullt að hæfu fólki sem er heilbrigt og getur sinnt þeim jafn vel og eflaust betur en nú er gert.

[Júlíus Björnsson, 23.1.2009 kl. 20:28]

Ég held að Geir hafa sýnt gott fordæmi með að treysta varaformanni sínum [ESB?] og flokksystkinum sínum og í ljósi þess hve tvísýnt er um þessa tegund þá finn ég til með honum og fjölskyldu hans. Hins vegar veit ég og flestir að fá  svipaðar greiningar er gífurlega andlega íþyngjandi fyrir flesta. Lyfjameðferðir og annað geta ekki talist létta undir með því að taka þungar ákvarðanir. Ótrúlegt hvað fylkingin er háð núverandi formanni sem greinilega treystir engum nema sér sjálfri.  Einnig virðast afar fáir vita um eðli skilyrða IMF. Alls ekki VG eða Ólafur Ágúst. Þar sem ég vil alls ekki innlimast ESB eða endurreisa þennan ofurfjármálageira með tilheyrandi kostnaði, þá hlýtur að varða mig, sem skattgreiðenda næstu áratugina hvort þarna  sé eitthvað samhengi á milli.  

[Rósa (IP-tala skráð) 23.1.2009 kl. 20:37]

[Silfur Egils eyjan.is: Páll Baldvin Baldvinsson
23. janúar, 2009 kl. 15.11

Það ber vott um alvarlegan dómgreindarskort ef valdamenn í æðstu stöðum samfélagsins fárveikir á sterkum lyfjum vegna krankleika skuli komast upp með það að sitja áfram í þannig ástandi. Sá dómgreindarskortur er ekki bara þeirra sjálfra heldur líka allra sem í kringum þau eru. Það er ekki ásættanlegt þrátt fyrir fórnfýsi að pólitísk umræða næstu mánaða verði merkt því að tveir forystumenn í ríkistjórn og flokki séu fárveikir og vinna þeirra og allra kringum þau sé merkt þeim veikleika.
Bæði Ingibjörg Sólrún og Geir Haarde eiga að stíga til hliðar meðan þau ná fullri heilsu. það er þeim fyrir bestu. Við þurfum fullfrísktm fólk í leiðtogastörf á þessum tímum. Og sú ábyrgð hvílir á öðrum forystumönnum flokkanna tveggja og henni geta þeir ekki vikist undan.
Hugheilar óskir um að þau nái sér bæði fljótt og vel eru efst í hvers manns hug en til þess þurfa þau veikindafrí eins og annað fólk í landinu þegar það veikist alvarlega.

[TómasHa, 23.1.2009 kl. 20:50]

Það var enginn sem neyddi Hörð Torfason til þess að segja það sem hann sagði. Honum hefði verið í lófa lagt að lýsa því bara yfir að þangað til ríkisstjórnin færi frá völdum yrði mótmælt, án þess að blanda veikindum Geirs inn í þetta mál. Sú gagnrýni stóð alveg mjög vel ein og sér.

Ef menn eru eitthvað að reyna að spindoktora orð Harðar, mæli ég nú bara með því að fólk hlusti á viðtalið. Eftir að einhverjir reyndu að efast um viðtalið varð Mogginn að birta hljóðskránna með viðtalinu, eitthvað sem þeir gera afar sjaldan.

http://www.mbl.is/media/96/1196.wav

[Hörður Már Karlsson (IP-tala skráð) 23.1.2009 kl. 21:00]

 Hörður á bara að skammast sín og láta sig hverfa.

[Ragnar Rúnarsson (IP-tala skráð) 23.1.2009 kl. 21:06]

Hörður Torfason og Raddir fólksins!!!!! Hver eruð þið til að tala fyrir hönd Íslendinga? Ekki talið þið fyrir mína hönd og það sem Hörður sagði segir mest um hann sjálfan og hanns persónu. Maður fer að hafa það á tilfiningunni að það sé komin upp einhver einræðisstjórn hér í landinu sem heitir rödd fólksins og þessi rödd virðist vera alveg gáttuð á því að það skuli ekki allir hlíða því sem þeir eru að fara fram á. Skammist ykkar bara og munið það að þangað til Íslendingar hafa kosið ykkur til að fara með stjórn landsins þá hafið þið ekki mitt umboð né þjóðarinnar til að gera það. Það er alveg hægt að mótmæla án þess að vera að sýna fólki lítisvirðingu og fólk ætti ekki að halda að alþingi sé ekki að reina að laga hlutina það tekur allt sinn tíma ef menn ætla ekki að gera hlutina verri en þegar er búið að gera þá. Gætið ykkar á að vera svo hrokafull að halda að þið vitið allt betur en aðrir.

[Jakobína Ingunn Ólafsdóttir, 23.1.2009 kl. 21:14]

Hafa sjálfstæðismenn enga sómatilfinningu. Ef eitthvað er ósmekklegt í þessari umræðu er það hvernig sjálfstæðismenn nota veikindi ráðherrans til þess að koma höggstað á fólk sem vill ekki spillingu og glæpi.

Ráðherran er vart búin að segja frá veikindum sínum þegar að félagarnir fara að tala í kosningaræðum tilbúnir til þess að hoppa í hans hlutverk.

Hvað varðar raddir fólksins tala þær fyrir sig. Það hefur enn ekki tekist að innleiða hér lög sem hefta málfrelsi og skoðanafrelsi í landinu.

[Ragnar Rúnarsson (IP-tala skráð) 23.1.2009 kl. 21:25]

Ég get bara vorkent fólki sem sér samsæri í því að forsætisráðherra láti vita að hann sé veikur og muni þar af leiðandi ekki starfa áfram.

Bara svo að það sé á hreinu þá er ég ekki flokksbundinn og hef enga hugmynd um hvernig sómatilfining sjálfstæðismanna er.

Hinnsvegar er það ósmekklegt sem Hörður sagði og ef fólk sem er að fara framm á hreinsun í þjóðfélaginu fer þá leið að notast við svona tal þá ætti það að byrja á að skoða hvort það sé sjálft hæft áður en það messar yfir öðrum.

[Jakobína Ingunn Ólafsdóttir, 23.1.2009 kl. 21:27]

Ég tek skýrt fram að Geir, eins og aðrir krabbameinssjúklingar, á samúð mína alla og fjölskylda hans líka. Ég óska honum góðs bata og fjölskyldu hans styrks.

Að sama skapi fagna ég því að hann skuli geta leitað sér viðhlýtandi lækninga og vona að það sama eigi við um aðra sem veikjast í framtíðinni.

[Jakobína Ingunn Ólafsdóttir, 23.1.2009 kl. 21:30]

Ragnar hæft til hvers. Það er ekki til neitt sem heitir óhæft fólk nema fyrir liggji skýringar til hvers það á að vera hæft.

[ragnar Rúnarsson (IP-tala skráð) 23.1.2009 kl. 21:45]

Ég ætla nú ekki að fara út í heimspekilegar umræður um hæfni fólks. Ég læt pólitíkusum eftir að leika sér með svoleiðis. En eitt veit ég . Ef ég fer fram á að aðrir ljúgi ekki þá hlít ég að verða að gera þá kröfu til sjálfs míns líka. Ef ég gagrýni fólk fyrir að vera ekki að sinna starfi sýnu,fyrir að blekkja,fyrir að vera með leikaraskap,eða eithvað annað þá hlít ég að fara fram á að ég sjálfur sé í lagi hvað þetta varðar. Annars er ég ekki hæfur til að gagnrína aðra fyrir þessa hluti. Þetta er aulaskýring til hvers fólk á að vera hæft til að gera þessa hluti.

Ég vona heilshugar að Ísland jafni sig fljótt og að hægt verði að skapa störf fyrir fólk sem hefur mist þau. En það hljóta allir að sjá að það tekur tíma. Ég veit ekki um aðra en síðustu 100 dagar hafa þotið hjá og virka ekki langur tími fyrir mig. Ef þú tekur að þér stórt verkefni þá mun það taka tíma alveg sama hvað aðrir segja. Maður getur unnið hlutina hratt og vonað að ekkert fari framm hjá manni eða maður getur unnið þá vel eins hratt og maður treistir sér til.

Ég vona að stjórnvöld á Íslandi séu að taka síðari kostinn. Fólk hlítur að átta sig á því að ástandið er að bitna á öllu á Íslandi líka þeim sem sitja á Alþingi.

Tinna. ég hef ekki heirt að búið sé að hækka verð vegna skoðunar hjá læknum! en kanski fór það framm hjá mér maður getur jú ekki vitað allt.

[Sigurður Sigurðsson, 23.1.2009 kl. 21:52]

Jakobína, ég er sammála réttinum til að mótmæla, en ekki því að fólk eyðileggi eigur almennings.  T.d. eru föt lögregluþjóna eigur almennings.  Svo ég tali nú ekki um árásir á opinbera starfsmenn.

Og svo pirrar það mig þegar þú heldur því fram að sjálfstæðisfólk hafi ekki sómatilfinningu.  Ég er jafn mikið á móti spillingu og óréttlæti eins og þú og er þó sjálfstæðismaður. 

En ég mótmæli orðum þínum um að ég sé að notfæra mér veikindi Geirs til að koma höggstað á ykkur mótmælendur.

Ég hef hinsvegar rétt á því, eins og þið, að mótmæla því hvernig Hörður Torfason brást við í viðtalinu.  Mér persónulega finnst að hann eigi að skammast sín og biðjast afsökunar. 

Og ég er viss um að þú, með alla þína langskólamenntun, ert sammála mér um það.

[Jakobína Ingunn Ólafsdóttir, 23.1.2009 kl. 21:55]

Fyrirgefðu SISI ég orðaði þetta of almennt ég átti við fólk í forystunni og þá sem berja áfram áróðurinn.

[Jakobína Ingunn Ólafsdóttir, 23.1.2009 kl. 22:01]

SISI ég veit að Hörður vill Geir alls hins besta í einkalífinu en hann er ósáttur eins og ég og margir fleir við frammistöðu hans og sjálfstæðisflokksins í ríkisstjórn síðastliðin sautján ár.

Spillingin hefur náð alvarlegum ítökum í samfélagi sem þessi flokkur og hans foringjar hafa átt ríkan þátt í að móta. Ég sem aldrei hef kosið þennan flokk og einnig margir sem hafa kosið hann erum ekki bara verulega ósátt heldur ævareið yfir því sem þessir valdhafar hafa gert þjóðinni.

[Magnús Sigurðsson, 23.1.2009 kl. 22:26]

Ráðamenn eru settir undir dóm almennings, burt séð frá þeim persónulegu áföllum sem þeir eiga við að glíma.  Ég hef ekki heyrt mótmælendur hallmæla persónunni Geir Hilmar Haarde, sem getur verið þægilegur og glaðvær söngmaður.   En sem forsætisráðherra verður hann hvorki betri né verri við að greinst með alvarlegan sjúkdóm. 

[Haraldur Davíðsson, 23.1.2009 kl. 22:27]

Þetta mál er allt mjög ósmekklegt og óviðeigandi, allt frá tikynningu Geirs til umræðunnar núna, þetta er að taka alla athygli frá því sem við eigum og þurfum að tala um, það bíður okkar að reisa framtíðinni einhvern grunn að byggja áOg það eina sem fólki dettur í hug er að rífast innbyrðis, ala á sundrung og ósætti. Það verður klárlega nóg fyrir okkur öll að kýta um þegar endurreisnin hefst..

Með kveðju, Haraldur Davíðsson.

P.S. Man einhver eftir smjörklípu......?

[Júlíus Björnsson, 23.1.2009 kl. 22:34]

Hjartað eða mistöð heilans er það littli heilinn: cerebellum: The large lobe of the hind brain. Auðþekktur er Hjörturinn á hornunum. Cerval. Blóðpumpan er það hjarta ástarþrælsins.  Hjarta merkir yfirleitt á menntamáli miðstöð.

Hjörtur vísar til Hjart-ar[e].

[Vilborg Traustadóttir, 23.1.2009 kl. 22:38]

Lífið heldur áfram og nú finnst mér að þingheimur eigi að sameinast ríkisstjórninni í þjóðstjórn fram að kosningum.

Þannig er tryggt að aðgerðir ríkisstjórnarinnar verða á allra flokka ábyrgð og enginn flokkur getur notað sparnaðaraðgerðir úr þessu í kosningabaráttu.

Það væri einfaldast og lang happadrýgst fyrir alla.

Hanna Birna virðist stjórna borginni með öllum flokkum. Alla vega í góðri samvinnu allra flokka.

Gerum þá kröfu á stjórnmálamenn í landsmálum nú!

[Heidi Strand, 23.1.2009 kl. 22:40]

http://www.vg.no/nyheter/utenriks/artikkel.php?artid=540212

http://www.dagbladet.no/2009/01/23/nyheter/utenriks/island/politikk/4505930/

http://www.nrk.no/nyheter/utenriks/1.6447283

Hlakka til fundarins á morgun.


Kveðju.

[Jakobína Ingunn Ólafsdóttir, 23.1.2009 kl. 22:51]

[Helga (IP-tala skráð) 23.1.2009 kl. 23:07]

Loksins gaf ég mér tíma til að hlusta á viðtalið við Hörð. Það væri synd að segja að þeir sem gagnrýna Hörð hafi ekki tekist vel upp í að slíta hutina úr samhengi.

Reykbomban sem Hörður talar um er augljóslega tillaga um kosningar þann 9. maí en ekki tilkynningin um veikindi hans.

Eins og Hörður bendir réttilega á þá er ekkert fast í hendi um kosningar í vor og það sannaðist örfáum klukkustundum síðar þegar Ingibjörg kom til landsins og var hvorki tilbúin að staðfesta kosningar 9. maí né heldur að ríkisstjórnin sæti fram að þeim tíma og þá var hún ekki heldur tilbúin að lýsa því yfir að ríkisstjórnin sæti ekki fram á vor. Það er því ekki ofmælt að kalla þetta reykabombu: Tillaga um eitthvað einhvern tíma einhvers staðar!

[Jakobína Ingunn Ólafsdóttir, 23.1.2009 kl. 23:14]

Takk Helga, hér er frekar ósmekkleg áróðurherferð í gangi

[Ómar Geirsson, 23.1.2009 kl. 23:30]

Blessuð Jakobína.

Ég reyndi að höggva á móti íhaldinu á blogginu hjá Agli.  Var búinn að lofa konunni að hætta þessu í bili, en ég gat ekki þagað þegar hommafobían vall útúr skúmaskotum afturhaldsins.

Hvað hefur Hörður Torfason gert þessu fólki fyrst það notar fyrsta tækifæri til að svívirða hann á hinn svæsnasta máta?  Heldur íhaldið virkilega að þjóðin haldi kjafti ef það getur þaggað niðri í Herði?.  Hér væru kanski ekki mótmæli ef maður að nafni Hörður Torfason væri ennþá inní skápnum?  Þessi orðræða eru íhaldinu til skammar og mesta skömmin er sú fyrirlitning sem það sýnir þjóð sinni. 

Það kaus þessi ósköp yfir okkur, það styður leiðtoga sína í blindni þegar þeir kynda eldana og þegar einhver vogar sér að standa upp og segja "ég vil þetta ekki" þá er hann gasaður og svívirtur.

Vissulega orkuðu ummæli Harðar tvímælis, auðvelt var að snúa útúr þeim þó það var augljóst hvað hann meinti.  Ef manni er misboðið, hvað segir maður þá???? Ja t.d. "Hörður minn, svona segir maður ekki".  En mikill verður Vöggur feginn að fá tækifæri til að sýna sitt rétta innræti og ég skil t.d. ekki hvernig Gestur Jón getur í sí og æ verið að tala um ofurbloggarann á Akureyri.  Eiga Akureyringar ekkert skárra til en þetta???

Kveðja að austan.

[Helga (IP-tala skráð) 24.1.2009 kl. 00:00]

Í framhaldi af góðu innleggi Ómars. Hommafóbían er lífseig og bágt eiga þeir sem trúa því að kynhneigð segi eitthvað um manneskjuna sjálfa og vesæll er sá málstaður sem byggir tilvist sína á því að hnýta í fólk vegna kynhneigðar þess. Þið þarna með hommafóbíuna mætið Herði með rökum á málefnalegan hátt.

Annars er ég alveg sammála Herði: Strákar geta verið bæði sexý og sætir!  Og hafið þið það, þið þarna sem þjáist af hommafóbíu.

[Jakobína Ingunn Ólafsdóttir, 24.1.2009 kl. 00:04]

Sammála þér Helga. Ég hugsa að ég væri hommi ef ég væri karlmaður

[Jakobína Ingunn Ólafsdóttir, 24.1.2009 kl. 00:23]

Það er einhver múgæsingur í kringum ummæli Harðar. Það er ekki eins og hann hafi verið að skrifa lærða ritgerð heldur eru viðbrögð hans orð án umhugsunar. Mér sýnist sam að því sem hann sagði sé snúið á hvolf.

Hann sagði að loforð um kosningar væru pólitísk reykbomba. Sé ekker athugavert við það.

[Ómar Geirsson, 24.1.2009 kl. 00:48]

Blessuð Sigurbjörg.

Þú ert í fullum rétti til að hafa þína skoðun.  En mér ofbauð þegar þekktur íhaldsbloggari sagði að Hörður ætti að fara aftur inní skápinn.  Og hinn siðvæddi Moggi sló þessu upp á forsíðu bloggsins.  Síðan fór ég að lesa mér til hvað aðrir íhaldsmenn voru að segja.  Hún Jenný er með ágætis úttekt á orðbragðinu.  Ömurlegast er að þessu fólki finnst alltí lagi að flokkur þess hafi gert þjóðina gjaldþrota en þegar samkynhneigður maður stendur fyrir mótmælum, þá skal hann knésettur.  Þetta er skítlegt eðli og ég er ekki ennþá búinn að finna íhaldsbloggara sem reynir að stoppa þennan kjafthátt.  En þið eruð tilbúin að ráðast á þá sem gagnrýna þessi illmælgi.  Lágkúra á lægsta plani sem því miður hefur of oft einkennt áróður Sjálfstæðisflokksins gegn andstæðingum sínum.

Kveðja að austan.

[Kristján Logason, 24.1.2009 kl. 12:14]

----
Wrong answer 101

Sem blaðamaður þá setur þú viðmælanda inn í málið og spyrð hann spurningar.
Síðan kveikir þú á upptökutækinu og spyrð hann óræðrar spurningar sem engu máli skiptir í raun nema sem framhald af fyrri spurningu.

Viðmælandi þinn sem nú á traust þitt. Svarar samviskulega.

Ef þú vilt láta viðmælanda líta enn ver út skellir þú í miðri ræðu hans spurningu sem hann átti alls ekki vona á að verða spurður.

Með þessu hefur þú séð til þess að viðmælanda vefst tunga um tönn.

Þegar þetta er klippt og birt er breytt um fyrirsögn.

------------


Þetta eru svo augljós vinnubrögð að ég á ekki til orð.
Það er hafið stríð hér á landi sem aldrei fyrr um orð og tjáningarfrelsi.
Allir þeir sem ekki tjá sig með samskonar orð og setningarskipan og valdstjórnin eru úthrópaðir á torgum með fáránlegum svívirðingum sem menn ættu ekki einu sinn að láta út úr sér í einrúmi.

Stjórnvöld gera allt til þess að fólkið í landinu taki ekki af þeim völdin og landið sem þau telja sig ein eiga og geta ráðstafað

Þetta þarf að stöðva



Við erum þjóðin

Landið er okkar

[Óskar Arnórsson, 25.1.2009 kl. 06:02]

Takk fyrir frábæran pistil Jacobina! Miðað við þá munnræpu og steypu sem vellir úr kjaftinum á þeim sem verið að mótmæla, finnst mér talsmáti Harðar eins og kórsöngur við hliðina.

Hvað er málið? Hörður mætti alveg hrauna yfir þetta skítapakk, eins og DO, Geir og fullt af fleira fólki. Sem tala og haga sér eins og svín. Ljótu mistökin af Herði að biðjast afsökunar.

Hvað gera margir þingmenn og ráðherrar það? Ég hef aldrei heyrt neinn af þeim biðjast afsökunar á einu eða neinu.

Ég vona að Geir nái sér, enn hann verður ekki vinnufær ef kann þarf Interferon meðferð. Það er eina lyfið sem hugsanlega getur drepið þennan krabba. Ég er sjálfur búin að fara í 7 krabbauppskurði.

Og það er alltaf jafn óþægilegt.