Skref í rétta átt

En við sitjum enn uppi með óhæfa valdhafa. Björgvin, fjármálaeftirlitið og stjórn þess er bara byrjunin. Hreinsa þarf allt kerfið og koma hæfu fólki að.

Þeir sem velja sífellt óhæft fólk til starfa þurfa snarlega að víkja.

Fjölmiðlar taka þátt í darraðardansi stjórnmálamanna.

Fréttatilkynning

Björgvin segir af sér

Athugasemdir

[Offari, 25.1.2009 kl. 12:35]

Það er gott að Björgvin gat losað sig úr siðblinduni.

[hilmar jónsson, 25.1.2009 kl. 13:25]

Björgvin flýr sökkvandi skip og gerir sér vonir um að fá plús í kladdann.

Full seint í rassinn gripið, fyrir minn smekk.

[Offari, 25.1.2009 kl. 13:36]

Það má vel vera Hilmar en ef góðum fréttum er endalaust illa tekið hætta góðu fréttirnar að koma.

[Haraldur Davíðsson, 25.1.2009 kl. 13:47]

Ég er nú eeki viss um að það sé siðferðiskenndin sem fékk hann af stað....hann segir t.d. að enginn hafi þrýst á sig og að ekki hafi verið um þetta rætt í samfélaginu undanfarnar vikur..ha?

Hvað með mörg þúsund manns sem eru búin að vera að krefjast afsagnar hans undan farnar vikur ? Er Björgvin að segja að það hafi ekkert verið rætt um afsögn hans úti í þjóðfélaginu...??? Það hefur verið rætt frá fyrsta degi, en hvar er Björgvin búinn að vera ?

 Nei það er sko ekki siðferðisskenndin..... vissulega eru þetta góðar fréttir, en við skulum ekkert vera að missa okkur, það eru ennþá sömu öflin við völd, pappírstætararnir eru enn að, og enn er komið fram við okkur af fullkominni ósvífni.

[hilmar jónsson, 25.1.2009 kl. 13:53]

Ég er ekki að taka þessari frétt illa, skil ekki hvernig þú færð það út.

Ég er einungis að benda á þá augljósu staðreynd, að sjórnin og þmt Björgvin hefðu löngu átt að vera búin að axla þessa ábyrgð.

Það væri lítið vit í því ef maður gleddist ekki við  fréttir sem þessa, ekki síst þegar maður er búin að standa í mótmælum  og taka þátt í aðgerðum sem skila árangri sem þessum. Nei þú ert eitthvað að misskilja mig Offari.

[Offari, 25.1.2009 kl. 14:21]

Fyrirgefð misskilninginn Hilmar. Þessi orð voru sögð í hita leiksins og bið ég þig afsökunar á því að hafa dæmt þig ranglega.

Ég er þér sammála að þessi afsögn átti að koma miklu fyrr. Ég er þeirrar skoðunar að ákvörðun Björgvins hafi verið rétt ég ég met hvern þann sem tekur réttar ákvarðanir með því að fara eftir vilja fólksins mikils.

 Það verður vonandi áframhald þessum af stórsigrum þjóðarinar sem aðrar þjóðir eru nú farnar að horfa öfundaraugum til.  Mikilvægi þess að þakka mönnum fyrir að taka réttar ákvarðanir, setja þjóðarhag ofar en eigin eða flokkshagsmuni er aðkallandi því með því móti geta þeir verið fyrirmynd annara.

[hilmar jónsson, 25.1.2009 kl. 14:31]

Sammála offi. ekkert að fyrirgefa.

[hilmar jónsson, 25.1.2009 kl. 15:46]

Hefði gjarnan vilja heyra einhvern skarpari en Bubba eiga við kauða.

[Haraldur Davíðsson, 25.1.2009 kl. 15:56]

Já Óskar, það verður fróðlegt. Og ég tek undir með Hilmari, það mætti vera einhver örlítið skarpari.

En þetta er ótrúlegur skrípaleikur, nú þykist Björgvin hvítþveginn. Engin afsökunarbeiðni, engin iðrun, enginn sómi.

[Hólmfríður Bjarnadóttir, 25.1.2009 kl. 16:08]

Þú ert víst ekki sagnfræðingur Jakobína svo þú hefur ekki áttað þig á því að afsögn Björgvins G Sigurðssonar viðskiftaráðherra er sögulegur atburður á Íslandi. Þetta með hæfnina þýðir ekkert að ræða við þig og læt ég það því ógert.

Afsagnar BGS veður mynnst sem fyrstu afsagnar ráðherra á Íslandi sem tekin er af honum sjálfum og hann viðurkennir mistök með skýrri yfirlýsingu um leið. BGS hefur alla tíð talað skýrt og verið heiðarlegur í framgöngu. Hann fer líka fram á afsögn Fjármálaeftirlitsins og afsalar sér biðlaunum.

Þessu ber að halda til haga og er það gert hér. Ég er engan að verja og engan að berja, bara að tala um atburðarás í sögulegu samhengi og af mannvirðingu.

[Haraldur Davíðsson, 25.1.2009 kl. 16:21]

Þetta kann að vera rétt Hólmfríður, en þú verður að muna að hans verður líka minnst sem viðskiptaráðherrans sem var annaðhvort, vanhæfur frá byrjun ef hann vissi ekkert og var algjörlega í myrkrinu, eða, (þar sem honum finnst hann hvítþveginn og ætlar ótrauður að halda áfram í pólitík), lýsandi dæmi um hroka á þann biblíulega mælikvarða sem íslenskir stjórnmálamenn hafa sett.

Hvort heldur þú?

[Sveinbjörn Hermann Pálsson, 25.1.2009 kl. 18:30]

Ég fílaði hann alltaf betur þegar hann var í tímaflakki á sportbílnum með ruglaða prófessórnum. Vonandi byrjar hann aftur á því núna þegar hann þarf ekki lengur að vera ráðherra.