Rugluð ríkisstjórn

Hér er allt í kalda kolum, heimilin stefna í þrot og krónan er ónýt. Erlendir aðilar líta á ríkisstjórnin sem samansafn trúða og nú situr ríkisstjórnin að einkasamtölum og ræðir hvort reka eigi Davíð Oddsson sem reka hefði átt í byrjun október.

Það er ekki skrítið þótt þessi ríkisstjórn komi engu í verk, föst í þjarki sem löngu hefði átt að vera búið að leysa.

Þjóðin situr föst í klóm fólks sem bullar bara um einskisverða hluti og fjölmiðlar taka þátt í þessum darraðardansi.

Niðurstaða á morgun

Athugasemdir

[Offari, 25.1.2009 kl. 18:31]

Ég hef verið að velta því fyrir mér hvernig stendur á því að stjórnin heldur nánast eingöngu á formansvaldinu? Ingibjörg er sú eina í samfylkinguni sem vill ekki missa dampinn. En Geir hefur þó enn einhverja sjálfstæðismenn með sér.

Hvaða ofurvald hafa þessir formenn?

[Jakobína Ingunn Ólafsdóttir, 25.1.2009 kl. 18:34]

Já þetta fólk er búið að gleyma hvað orðið "lýðræði" þýðir.

[Björgvin R. Leifsson, 25.1.2009 kl. 18:39]

Ein Volk, ein Reich, ein ...

[Rut Sumarliðadóttir, 25.1.2009 kl. 18:57]

Það á ekki að setja gamla pólitíkusa í opinber embætti, hann átti aldrei að fara þarna inn. Það er vitað fyrir hverjum þeir hygla. Minnir að einhver hagfræðingnum hafi þótt þetta skrítið. Hann var samt ekki Klemensson.

[Reynir (IP-tala skráð) 26.1.2009 kl. 02:07]

Titanic var látin sökkva... 

Lesið þingsályktunartillögu sem Vinstri Græn lögðu fram í upphafi þings 2005:

“(5. mál á 132. löggjafarþingi, þskj. 5.)

Með hliðsjón af mikilvægi þess að:
a. verðbólga náist sem fyrst niður fyrir viðmiðunarmörk Seðlabankans,
b. stöðugleiki haldist á vinnumarkaði og kaupmáttur launa verði varðveittur,
c. sjálfbær þróun verði leiðarljós í orku- og atvinnumálum og þróun þjóðlífsins almennt,
d. tryggja útflutnings- og samkeppnisgreinum viðunandi starfsskilyrði,
e. bæta skilyrði til nýsköpunar í atvinnulífinu og til uppbyggingar sprotafyrirtækja,
f. draga úr viðskiptahalla og erlendri skuldasöfnun,
g. viðhalda stöðugleika í fjármálakerfinu og halda aftur af skuldasöfnun heimilanna,
h. jafnvægi náist á nýjan leik í þjóðarbúskapnum almennt,

ályktar Alþingi að fela ríkisstjórninni að grípa til eftirfarandi aðgerða:

1. Gefa út formlega yfirlýsingu um að hvorki verði af hálfu opinberra aðila stuðlað að né veitt leyfi fyrir frekari stórvirkjunum né uppbyggingu meiri orkufrekrar stóriðju en þegar er í byggingu, a.m.k. til ársloka 2012. Áhersla verði þess í stað lögð á fjölbreytta smáa og meðalstóra iðnaðarkosti af viðráðanlegri stærð fyrir hagkerfið og aðstæður viðkomandi byggðarlaga.

2. Beina þeim tilmælum til Fjármálaeftirlitsins að hugað verði vandlega að áhættumati í bankakerfinu, svo sem hvað varðar áhrif af snöggri gengislækkun krónunnar eða lækkun fasteignaverðs. Markmiðið verði að hraður vöxtur útlána að undanförnu skapi ekki hættu fyrir efnahagslífið og farið verði yfir eiginfjárlágmörk og áhættugrunn fjármálastofnana í því ljósi.

3. Beina þeim tilmælum til Seðlabanka Íslands að íhuga vandlega að beita aukinni bindiskyldu hjá innlánsstofnunum, a.m.k. tímabundið, til að draga úr þenslu á peningamarkaði og huga að öðrum aðgerðum sem stutt geta viðleitni stjórnvalda til að endurheimta efnahagslegan stöðugleika, sbr. 2. mgr. 3. gr. laga um Seðlabanka Íslands, nr. 36/2001.

4. Yfirfara aðferðir við mælingar á þróun verðlags og athuga sérstaklega hvernig vænlegast sé að meta húsnæðiskostnað í vísitölu neysluverðs.

5. Tryggja aðhald í ríkisfjármálum og slá á þenslu með því að leggja fyrir Alþingi nú í haust árið 2005 tillögur um að falla frá eða fresta eftir atvikum a.m.k. hluta þeirra almennu skattalækkana sem lögfestar voru fram í tímann í desember 2004. Í staðinn komi aðgerðir til að bæta stöðu tekjulægstu hópa samfélagsins og barnafjölskyldna.

6. Efna til víðtæks samstarfs við aðila vinnumarkaðarins, samtök bænda, neytenda, öryrkja, og aldraðra, og aðra þá aðila sem efni standa til um aðgerðir þessar og þátttöku í að tryggja á nýjan leik efnahagslegan og félagslegan stöðugleika.