Áróður og blekkingar valdhafanna

Samfylkingin hefur í engu sýnt að hún standi fyrir jöfnuði í ríkisstjórn en vill nú fá uppreisn æru vegna máttlausrar viðveru sinnar í stjórnarráðinu.

Og hvaða leið er heppilegust til þess. Jú samfylkingin ætlar að skilgreina sig inn í framtíðina. Hún segir að hún skilji að endurvekja þurfi traust og að hún viti hvernig á að fara að því.

þýðir þetta að samfylkingin ætli að berja traustið inn í hausinn á þessari vitlausu þjóð?

Prúðbúin ungmenni stíga fram og segja að þau viti hvað þarf til, til þess að endurvekja traust þjóðarinnar. Þeir ætla að setja strik undir hrakfarir undanfarinna mánuða. Hvað þýðir þetta strik.

Þetta strik þýðir einfaldlega að samfylkingin ætlar ekki, venju fremur, að læra af mistökum sínum.

Það eru engin strik í tilverunni heldur flæðir hún áfram strikalaust og fortíðin hangir á okkur inn í framtíðina.

Ímynduð strik gera ekkert gagn heldur þarf nýjan lærdóm til þess að takast á við framtíð sem er ólík því sem við eigum að venjast.

 

Samfylkingin hefur náð frumkvæði