Kreppuruslatunnur

Innihald ruslatunna geima vitnisburð um lífsstíl.

Þegar ég var í Ungverjalandi í fyrra vakti það athygli mína að ruslatunnur voru fáar við fjölbýlishús. Skýringin er að Ungverjar hafa sniðið lífstíl sinn að fátækt og lítil neysla þar á einnota varningi.

Ruslatunnurnar á Íslandi eru farnar að finna fyrir kreppunni og fyllast mun hægar en áður.

Það er þó vert að vekja athygli á því að ekki er jöfnuður í þessum efnum. Gera má ráð fyrir að ruslatunnur fjármagnseigenda fyllist sem aldrei fyrr enda þeir tryggðir í bak og fyrir með verðtryggingu og háum vöxtum.

Benda má á að sorphirðugjald er skattur sem tekur ekki mið af tekjum fólks heldur fjölskyldustærð og kemur harðast niður á stórum efnalitlum fjölskyldum.

Grænar sorptunnur uppseldar

Athugasemdir

[Helga (IP-tala skráð) 11.2.2009 kl. 18:00]

Ég held að sorphirðugjald sé hlutfall af stærð íbúðarhúsnæðis en ekki fjölskyldustærð. Með öðrum orðum, að þeir borga mest sem búa einir í stóru húsnæði.

En hún er skemmtileg þessi hlið sem þú dregur hérna fram. Ruslahaugar frá fornum tíma eru meðal mestu upplýsingaveitna fornleifafræðinga. Rusl hefur lengi geymt mikla sögu. Áhugavert!

[Jakobína Ingunn Ólafsdóttir, 11.2.2009 kl. 19:22]

Það er tekið ruslatunnugjald per ruslatunnu. Stórar fjölskyldur með margar ruslatunnur borga því hluta af föstum kostnaði fyrir hina sem eru með fáar ruslatunnur. Ergo eins og alltaf nýðst á barnafjölskyldum.