Breyttir taktar í ofbeldi yfirvalda

Í tíð sjálfsstæðisflokksins var líkamlegu ofbeldi beitt og fólk pyntað með efnavopnum. Við því er hægt að bregðast því flestir hafa óbeit á slíku framferði þótt fjölmiðlar hafi svo sannarlega lagt sitt á vogskálarnar til þess að slá ryki í augu almennings um alvarleika málsins.

Nú er ný ríkisstjórn tekin við og ofbeldið hefur tekið á sig nýja mynd. Andlegt ofbeldi hefur tekið við af líkamlegu ofbeldi og skýrist það kannski af því að vægi kvenna hefur aukist í ríkisstjórn. Þöggun hefur einnig aukist. Ekki má gagnrýna nýja ríkisstjórn eða nýjan foringja hennar Jóhönnu Sigurðardóttir.

Ný ríkisstjórn beitir sér fyrir því að þaggað sé niður í búsáhaldabyltingunni. Fyrsta tilraunin fólst í því að kallað var eftir vopnunum (búsáhöldunum) á safn og með því send út skilaboð að búsáhaldabyltingunni væri lokið (takk fyrir í boði ríkisstjórnarinnar). Í dag var síðan mótmælendum tilkynnt að ekki væri leyfilegt að berja áhöld á almannafæri og lúðrar gerðir upptækir.

Já, þessir ágæta ríkisstjórn vill þæga mótmælendur, þæga kjósendur og skilasama skattgreiðendur en virðist gefa skít í þjóðina.

 

Stjórnlaus banki og útfararsálmur

Athugasemdir

[Arinbjörn Kúld, 11.2.2009 kl. 22:22]

Ég verð að viðurkenna það að mér fannst þessi sussun undarleg en kannski skiljanleg í ljósi þess að seðlabankinn er grafhýsi og útfararstofnun.

[Katrín Snæhólm Baldursdóttir, 11.2.2009 kl. 22:29]

ARG...... hVAÐAN NÁKVÆMLEGA KOMA ÞESSAR HLJÓÐLÁTU REGLUR??

[Hákon Jóhannesson (IP-tala skráð) 11.2.2009 kl. 22:45]

Þú átt m.a. við þennan gjörning lögreglu þegar úðað var á ljósmyndara til að gera hann óstarfhæfan og taka þar með úr umferð.

Það sér það hver heilvita maður að þetta var algjörlega óþarfi og var gert af annarlegum hvötum.

Varðandi eituráhrif þessarra efna tel ég að þau séu stórskaðleg slímhimnu augnanna og öndunarvegar og að þetta eigi að banna hér.

[Heidi Strand, 11.2.2009 kl. 23:06]

Pipargas er stórhættulegt efni. Viðkvæmt fólki BNA hafa dáið af völdum þess. löggan er heldur ekki að biðja um læknisvottorð áður en hún bunar þessi óþverra yfir fólk.

Varðandi hávaðann þá læt ég ekki neinn þagga niður í mér. Þessi tilmæli í morgun kom örugglega frá Hans hátign psykopaten.

[Jakobína Ingunn Ólafsdóttir, 11.2.2009 kl. 23:18]

Hvert skref núsitjandi ríkisstjórnar er drifið af tannhjólum kosningarmaskínunnar. Þeir halda áfram í fari fyrri ríkisstjórna við að steypa þjóðinni í verðbólguskítin til þess að bjarga fjármagnseigendum. Vinstri stjórn my ass (fyrirgefið orðbragðið)

[Hólmfríður Bjarnadóttir, 11.2.2009 kl. 23:19]

Mér finnst þetta með Árbæjarsafnið ansi langsótt. Lúðurinn var víst full hávær og sennilega líka fyrir mótmælendur.

[Heidi Strand, 11.2.2009 kl. 23:31]

Þetta heyrðist  alveg upp í Þingholtunum, en hvað er ekki hægt að leggja á sér fyrir byltinguna?

[Jakobína Ingunn Ólafsdóttir, 11.2.2009 kl. 23:44]

Nei þetta með Árbæjarsafnið er ekkert langsótt. Síðan hvenær hefur Árbæjarsafn umboð til þess að ákveða hvenær byltingunni lýkur.

Já það verður Heidi það verður að öskra á þennan fjanda sem valdhafar, þ.m.t. Jóhanna Sigurðar hefur leitt yfir þjóðina.

[Árni Gunnarsson, 12.2.2009 kl. 00:12]

Þegar ég rölti niður á Austurvöll tvívegis til að mótmæka þá mótmælti ég Seðlabankaliðinu, Fjármálaftirlitinu og ríkisstjórninni allri. Ég ætlaðist ekki til að mín mótmæli yrðu sett í einhverja síu sem skildi Samfylkinguna frá og gæfi henni einhvern sjálfskipaðan frest, hvað þá umboð til að endurnýja sig með einhverju nýju siðbótarívafi. Ég skal þó viðurkenna að mér hugnast þessi ríkisstjórn skár en sú fyrri og þar kemur tvennt til. Annað er forysta Jóhönnu Sigurðardóttur sem ég treysti þó best þessara sitjandi alþingismanna og hitt er auðvitað sú kærkomna landhreinsun sem varð við brotthvarf auðhyggjuskelfingarinnar og glórulausrar valdníðslu Flokksins. Ég átti mér reyndar einn ráðherra í gömlu stjórninni sem var Þórunn umhverfisráðherra. Og mér "slær niður" þegar ég sé sperrilegginn Össur ennþá sitjandi á ráðherrabekknum.

Að öðru: Það er þyngra en tárum taki að sjá hinn gamla leiðtoga þjóðarinnar Davíð Oddsson vera orðinn að einhverskonar grátbroslegu viðundri í stjórnsýslunni. Þar situr hann innikróaður í eigin valdhroka, þó enginn taki mark á honum lengur og hann hætti sér ekki lengur út á meðal fólks. Lafhræddur skýst hann inn í spítala og lýgur því að hann sé að fara í rannsókn. Skýst að vörmu spori út bakdyramegin og er á leið út í bíl sem bíður hans þegar hann sér fráttamann og snýr þá til baka í hendingskasti. Og svo endurtekur leikurinn sig við Seðlabankann þar sem hann bjargast naumlega undan því að verða króaður af. Hann minnir á melrakkann sem grenjaskyttan reynir að króa af eða svæla út úr greninu.

Mér finnst þetta ekki broslegt: Þetta er mannlegur harmleikur!

[Steingrímur Helgason, 12.2.2009 kl. 00:37]

Nákvæmilega mín upplifun líka Jakobína Ingunn, tók þessa umræðu upp við eldhúzborðið við minn bæjarstjóra í dag yfir kaffi.

Það hefur nefnilega & nákvæmilega ekkert gerzt.

& svo náttla er ég eiginlega sammála Árna nema um Þuríðarblætið.

[Sigurður Haraldsson (IP-tala skráð) 12.2.2009 kl. 01:17]

Það er einmitt hávaðinn sem skiptir máli! Því meiri því betra, að taka lúðrana af Sturlu er skammarlegt hvað næst verða pottarnir hljóðprófaðir og ef einhver pottur glymur hátt þá verður hann umsvifalaust tekin úr umferð af lögreglu og eins ef einhvern liggur hátt rómurinn þá veður hann fluttur í burtu af lögreglu og væntanlega sleppt lausum með plástur fyrir munninum. Þarna gekk lögreglan of langt. Aldrei að hætta lifi byltingin. Það sem lítur að Davíð þá er hann veruleikafirrtur.

[Hlédís, 12.2.2009 kl. 09:30]

Ég er tol með að gefa nýju stjórninni aðeins lengri tíma til að gera gagn. Það eru að verða 2 vikur síðan hún tók við.  Vinnufriður hefur ekki verið uppá hið besta eins og hinn ágæti varaþingmaður Frjálslyndra benti á í gær. Þar fer kona að skapi okkar sauðsvartra!   

Nú ætti ekki að eyða meirri orku í Davíð Oddsson. Hann getur falið sig hvar sem er þangað til ný, bætt lög um Seðlabanka fjarlægja hann sjálfkrafa úr sæti sem enginn vankunnandi gæðingur úr stjórnmálaflokki né annarri klíku á að sitja í.

Tiltrú mín á nýju stjórninni dofnar að vísu með hverjum deginum sem heyri ekki að til standi að losa landið við 30 ára VERÐTRYGGINGAR-lögin. Lög þessi hafa alltaf verið til óþurftar og eru nú að setja fjölda fólks á vergang.  Lánastofnanir - þar á meðal ríkisbankar - með okurvexti - ræna og rupla í skjóli laganna - en stjórnin bögglast við að "aðlaga" fólk og fyrirtæki ráninu!

Lögreglu-reglugerð er bannar LÆTI á almannafæri er hláleg   Er þá bannað drembi-læti? stærilæti? Von að DO haldi sig af almannafæri! Er mót-læti bannað líka! þar Kemur ástæða fyrir marga að flýja land.  Fróðlegt væri að heyra hvaða mannvitsbrekka gróf plaggið upp.

[Jakobína Ingunn Ólafsdóttir, 12.2.2009 kl. 13:39]

Þetta er í stíl við samfylkingarmannvitsbrekku..

[Jakobína Ingunn Ólafsdóttir, 12.2.2009 kl. 15:22]

Hlédís það hafa ekki komið neinar yfirlýsingar frá ríkisstjórninni sem benda til þess að hún vilji gera gagn. Gleymum ekki að samfylkingin er enn við völd og að þetta er sama samfylking og tók þátt í að koma hér öllu í skítinn og fjármögnuð af hagsmunaaðilum í atvinnulífinu.

Allir fjóri flokkarnir eru kostaðir af hagsmunaaðilum í atvinnulífinu.