Dæmigert fyrir fáránleikann í samtímanum

Í ofþenslubrjálæðinu höfum við alið krakkana okkar upp við fáránlegar kröfur um lífsgæði. Krakkar á Akureyri telja það vera sjálfsagðan rétt sinn að hafa upphitaðnn og flóðlýstan sparkvöll. Þetta er réttur þeirra vegna þess að kreppan er ekki þeim að kenna segja þau.

Nei krakkar mínir kreppan er ekki ykkur að kenna heldur þeim sem hafa bruðlað með almannafé í fáfengilega hlutið og látið ykkur skrifa undir víxilinn. Fullorðna fólkið sem átti að ala ykkur upp í hófsemi og ást á félagslegum gildum það brást.

„Kreppan er ekki okkur að kenna“

Athugasemdir

[Theódór Norðkvist (IP-tala skráð) 12.2.2009 kl. 16:17]

Já, börnunum hefur verið spillt af dekri og óhófi. Þess vegna þolir það enga bið að hér verði skapað þjóðfélag þar sem forgangsraðað verður öðruvísi.

Ég er á því að góðir knattspyrnuvellir séu eitthvað sem skilar sér margfalt til baka í heilbrigðari einstaklingum og er forvörn gegn vímuefnum.

Aðalatriðið er að forgangsraða og breyta áherslunum í þjóðfélaginu úr því sem er núna að vargar og úlfar hrifsa til sín bestu bitana, en skilja hina eftir til að hreinsa upp eftir sig skítinn (skuldirnar.)

Það þarf að forgangsraða verkefnunum í þau brýnustu og næst brýnustuog um það verður að vera sátt. Hvar svo sem upphitaðir flóðlýstir sparkvellir lenda í röðinni.

[Jakobína Ingunn Ólafsdóttir, 12.2.2009 kl. 16:47]

Theódór ég verð að taka sjálfstæði þjóðarinnar og það að allir gangi um mettir fram yfir mannvirki af þessum toga, sbr 152% aukning á neyðaraðstoð.

Þegar ég var krakki lékum við okkur og hreifðum okkur árið um kring. Við lékum með bolta og annað á sumrin og skauta, sleða ofl á veturna.

Í þá tíð var offita barna fátíð en virðist nú vera að aukast þrátt fyrir íþróttamannvirkin.

Samfélagið hefur farið alvarlega út af sporinu og því miður eru börnin okkar þau fórnarlömb sem taka mestan skaða.

Framundan eru hrikalegir niðurskurðir í velferðakerfinu og því miður munu skólarnir ekki fara varhluta af því.

[Arinbjörn Kúld, 12.2.2009 kl. 17:03]

Og mig grunar að nokkuð mörgum skólum verði lokað og þeir sem eftir verða starfræktir verði setti á tvískipar vaktir!

[Rakel Sigurgeirsdóttir, 14.2.2009 kl. 03:19]

Hreint út sagt ótrúlega fáránlegt hvar hnífurinn lendir og hverju er hlíft í staðinn!