Hugmynd um upptöku evru heimskuleg

Hugmynd um upptöku evru er heimskuleg vegna þess að með því er verið að festa fall krónunnar í sessi og vonlaust að ná til baka því gengistapi sem þjóðarbúið hefur orðið fyrir vegna krónunnar.

Mun skynsamlegra er að taka upp gjaldmiðil sem einnig hefur fallið gagnvart evrunni og vonast síðan til að hífast einhvern tímann upp með þeim gjaldmiðli og vinna þá til baka eitthvað af tapinu. Þetta má lesa í orð Davids Hannah sem situr Evrópuþingið. Ekki er laust við að þetta hljómi skynsamlega.

Allt tal um inngöngu í ESB á meðan þjóðin er í áfalli er mjög heimskulegt. Samningstaða Íslands er afleit um þessar mundir og því væri það stórkostlega vanhugsað að huga að inngöngu nú.

Ísland ætti að taka upp breska pundið

Athugasemdir

[Guðmundur (IP-tala skráð) 15.2.2009 kl. 22:08]

Ekki heimskulegri en svo þó að svo til allir hagfræðingar, innlendir og erlendir, leggja þetta til, og stór hluti atvinnurekenda og verkalýðsforkólfa einnig. Einnkennilegt hve mikið er til af heimsku fólki ...

[Hjörtur J. Guðmundsson, 15.2.2009 kl. 22:16]

Guðmundur:
Og eru þessir aðilar óskeikulir?

[Jakobína Ingunn Ólafsdóttir, 15.2.2009 kl. 22:18]

Já Guðmundur það sýna furðulega margir af sér heimsku í þessu máli.

[Guðmundur (IP-tala skráð) 15.2.2009 kl. 22:23]

Það er reyndar rétt. T.d. hefur seðlabankastjórinn okkar ekki staðið sig sem best, og fjármála/forsætisráðherrann harði tæplega heldur. En þeir eru víst báðir á móti evrunni ... Mér sýnast allir þeir hagfræðingar sem spáðu fyrir hrunið, sem voru hreint ekki svo fáir, ráðleggi okkur nú að taka upp evru, svo ég held ég trúi þeim nú frekar en DO og GHH sem leiddu okkur út í skítinn.

[Jakobína Ingunn Ólafsdóttir, 15.2.2009 kl. 22:31]

Ég hef litlar mætur á DO og GHH en ég held nú samt að upptaka evru sé heimskuleg.

Ég er haldinn þeim eiginleika elta ekki í blindni það sem aðrir segja um málefni eða að skipta mér í lið. Ég er einfaldlega á móti því að taka upp evruna vegna þess að ég get ekki séð að það leysi neinn vanda umfram upptöku annarar myntar.

Hinsvegar getur innganga í ESB orðið okkur mjög dýrkeypt við svo óhagstæðar aðstæður.

[Hjörtur J. Guðmundsson, 15.2.2009 kl. 22:48]

Hér tjáði einn virtur hagfræðingur sig nýlega um evruna:
http://www.voxeu.org/index.php?q=node/2867

Og hér annar:
http://www.telegraph.co.uk/finance/globalbusiness/4285331/Help-Ireland-or-it-will-exit-euro-economist-warns.html

Hér er síðan nýjasta fréttin af svo ótal mörgum undanfarna mánuði um það í hversu "góðum" málum blessað evrusvæðið er:
http://www.telegraph.co.uk/finance/financetopics/financialcrisis/4590512/European-banks-may-need-16.3-trillion-bail-out-EC-dcoument-warns.html

[Hjörtur J. Guðmundsson, 15.2.2009 kl. 22:49]

Guðmundur, það er annars þriðji mörguleikinn í stöðunni: Kynna sér málin sjálfur!

[Valsól (IP-tala skráð) 16.2.2009 kl. 00:47]

Já og sumir opinbera heimskuna með því að hlusta á þennan ruglukoll sem hefur haldið fram mörgum fáránlegum hugmyndum um Evrópusambandið. Ég segi það sama og Guðmundur hér að ofan, allir hagfræðingar og erlendir ráðgjafar hafa sagt að þetta sé eina og besta leiðin fyrir okkur og þess vegna spyr ég þig hvort það sért ekki þú sem sýnir heimsku í þessu máli, eða ert þú ein af þeim sem heldur því fram að allir aðrir en þú séu hemiskir? Þannig fólki tek ég ekki mark á og ætla ég mín væna að biðja þig að lesa skýrslu Jóns Daníelssonar og Gylfa Zoega sem segja allt sem segja þarf, bæði um einhliða upptöku annars gjaldmiðils og að halda krónunni áfram. Viljum við verða útnári og bláfátækur í þokkabót? Sennilega mun það verða niðurstaðan ef fólk með þínar hugmyndir fær að ráða.

Hvað er svona skelfilegt við það að fara í aðildarviðræður og sjá hvernig samningur kæmi út úr því? Við höfnum honum einfaldlega ef hann verður slæmur, það er bara ekkert mál, og ég skal koma með þér í þann slag. Við hvað eruð þið hrædd sem eruð á móti, ég bara skil þetta ekki? Förum bara í viðræðurnar og kjósum svo bara, eða ert þú hrædd um að það komi eitthvað sem fólki myndi líka við og það myndi kjósa ,,já"?

[Jakobína Ingunn Ólafsdóttir, 16.2.2009 kl. 01:13]

Það er aldrei heimskulegt að taka sjálfstæða afstöðu í máli.

Valsól þú veist ekki hvað ALLIR erlendir ráðgjafar segja og sennilega heyrist hæst í áróðurstólum samfylkingar.

Þú segir: Viljum við verða útnári og bláfátækur í þokkabót? Við erum því miður bláfátækur útnári í dag en það urðum við í boði sjálfstæðisflokks og samfylkingar.

Þjóðin er í áfalli eftir meðferð undangengina ríkisstjórna og ekki í nokkru ástandi til þess að fara að takast á við aðildarviðræður meðan allt er hér í upplausn.

[Hólmfríður Bjarnadóttir, 16.2.2009 kl. 01:31]

Innganga okkar í ESB er klárlega vænlegasti kosturinn í stöðunni. Þangað til þykir mér líklegast að farin verði sú leið að tengja krónuna við evru eins og mér skilst að danið geri og rætt hafur verið um að bretar séu jafnvel að hugleiða.

Það er alveg ljóst að fara verður í sértækar aðgerðir gagnvart þeim sem skulda í erlendri mynt og einnig gagnvart þeim sem skulda í íslenskum krónum. Það er í mínum huga borin von að gengisbreytingar eða almennar aðgerir á peningamarkaður komi þessu fólki til bjargar.

Stjórnvöld gera sér fyllilega grein fyrir þessu og það er örugglega verið að vinna baki brotnu við að finna leiðir í þessum málum. Ég er ekki að slíta mér út á því að finna þessar leiðir, það er annanrra.

Ég er hins vegar að vinna að því að vekja athygli á undirskiftasöfnun á vefsíðunni www.nyttlydveldi.is og tel afar brýnt að skapa jákvæðann þrýsting í þeim efnum.

Þar er ég að hugsa um komandi kynslóðir sem munu byggja þetta land.

[Jakobína Ingunn Ólafsdóttir, 16.2.2009 kl. 02:16]

Hólmfríður ég bendi þér á góðan pistil um ESB

Það var ekki fjarvera ESB heldur arfavitlaus peningastefna sjálfstæðisflokks, framsóknar og samfylkingar sem leiddi hörmungar yfir þjóðina sem við erum varla farin að sjá ennþá.

[Sævar Einarsson, 16.2.2009 kl. 11:14]

Þetta er frábær refskák ! ég rakst á þessa vefsíðu http://uk.abuse.is/ og þar eru linkar á 2 greinar eftir hann, þetta væri snilldar útspil þrátt fyrir að maður sé hundfúll út í breta og Icesave málið og Jón Frímann, Evran rýir okkar efnahag um 30%, ertu búinn að taka það með inní reiknilíkanið ?

[Jakobína Ingunn Ólafsdóttir, 16.2.2009 kl. 11:59]

Jón Frímann þetta er frekar einföld úttek hjá þér. Ef við tökum upp Evru núna þurfum við að gera það á miklu hallærisgengi. Ef við göngum í ESB þurfum við að gera það á afarkostum.

[Jón Valur Jensson, 16.2.2009 kl. 12:20]

Góð skrif hjá þér, Jakobína Ingunn, – og þá á ég við þín skrif og þinna samherja.