Hið eiginlega lýðræði

Lýðræði verður einungis virkt ef einstaklingar vita hvað þeir eru að kjósa. Helsta lýðræðishindrun á Íslandi í dag er gengdarlaus áróður, laumuspil yfirvalda og blekkingar.

Hugmynd framsóknarmanna um stjórnlagaþing er nýjasta dæmi um blekkingaleik stjórnmálamanna. Eins og stjórnarskrá okkar Íslending er úr garði gerð í dag getur almenningur ekki haft áhrif á breytingar á henni nema að stjórnmálamenn breyti stjórnarskránni fyrst.

Stjórnarskráin á að veita valdhöfum aðhald. Stjórnarskráin eins og hún er núna veitir valdhöfum lítið aðhald og lítil von er til þess að sá meirihluti sem ræður á þingi í dag samþykki breytingar þar á.

Stjórnlagaþing getur í mesta lagi verið umræðuvettvangur sem hefur ekkert vald til breytinga.

Stjórnarskránni verður ekki breytt nema inn á þing setjist einstaklingar sem hafa velferð þjóðarinnar í huga.

Athugasemdir

[Hólmfríður Bjarnadóttir, 21.2.2009 kl. 01:45]

Þarna ert þú því miður ekki nægilega vel upplýst um málið að mínu mati. Ég skora á þig að fara inn á www.nyttlydveldi.is og lesa þér vel til um málið. 

[Jakobína Ingunn Ólafsdóttir, 21.2.2009 kl. 02:23]

Elsku Hólmfríður ég er mjög vel upplýst um málið. Líðræði er margþætt og einungis hluti þess er vönduð stjórnarskrá.

[Hólmfríður Bjarnadóttir, 21.2.2009 kl. 06:28]

Nokkuð stór hluti geri ég ráð fyrir,  sjá TÍMAMÓTAPLAGG