Innstæður á Icesave-reikningum Landsbankans, 1.338 milljarðar króna.

Tryggvi Þór Herbertson fullyrðir að brúttóskuldir vegn innistæðutrygginga, m.a. Icesave séu um 540 milljarðar. Í fréttum mbl segir að innistæður á Icesave reikningum bankans sé 1.338 milljarðar króna.

Gagnvart bankanum eru þetta forgangskröfur.

Afskrifa 1.500 milljarða

Athugasemdir

[Árni Gunnarsson, 21.2.2009 kl. 13:48]

Hafi málflutningur Tryggva Þórs við einhver haldbær rök að styðjast er staða okkar í alþjóðlegri umræðu öll hið undarlegasta mál.

Svona hóflegar skuldir eins og útreikningar hans sýna ættu ekki að verða okkur mikill fjötur um fót við að reisa við blómlegt atvinnulíf og skapa hagsæld í samfélaginu.

Ég held að klókur og öflugur forsætisráðherra ætti að geta komið því í framkvæmd á svona klukkutíma og korteri og skellt sér í ræktina að því loknu!

[Vilhjálmur Þorsteinsson, 21.2.2009 kl. 16:15]

1.338 milljarða króna talan er öll innlán Landsbankans, innanlands og utan.  Icesave eru aðeins útlán í Bretlandi og Hollandi og eru brúttó tæpir 3 milljarðar punda, en upphæðin í krónum sveiflast náttúrulega með gengi pundsins (og evru).

Eins og blogghöfundur eflaust veit, en sér ekki ástæðu til að líta til í málflutningi sínum, hefur skilanefnd Landsbankans gefið út það mat að hlutur Tryggingasjóðs innstæðueigenda vegna innistæðutryggingar Landsbankans (Icesave) verði um 72 milljarðar.  Skilanefndin hefur enga hagsmuni af því að gefa út aðra tölu en þá sem hún telur besta mat miðað við fyrirliggjandi upplýsingar.

[Jakobína Ingunn Ólafsdóttir, 21.2.2009 kl. 22:21]

Vilhjálmur eru það ekki 72,395.894.873. Áróður skíthrædds sjálfstæðisflokks í sinni tærustu mynd. 16.000 atvinnulausir. Hvað kostar það. 153 milljarða fjárlagahalli. Niðurskurður sem skilur fólk eftir í örvæntingu. Það er von að þú gleðjist Vilhjálmur og viljir hjálpa þessu liði áfram við að rústa samfélaginu.

[Jakobína Ingunn Ólafsdóttir, 21.2.2009 kl. 22:22]

Hvaða bull er þetta í þér Vilhjálmur það segir skýrum stöfum "INNISTÆÐUR Á ICESAVEREIKNINGUM.

[Vilhjálmur Þorsteinsson, 22.2.2009 kl. 17:50]

Ónákvæmni hjá blaðamanni Moggans, og ekki sá fyrsti.  Ef þú skoðar fyrri frétt Moggans um sama mál sérðu að talað er um innistæður þar á meðal Icesave.

Brúttótala Icesave hefur legið fyrir lengi í umræðunni, hún liggur á bilinu 580-650 milljarðar eftir gengi pundsins. Það tekur 10 sekúndur að glöggva (gúgla) þetta.

Ég er ekkert að "gleðjast" yfir þessu, hvað þá að ég vilji "hjálpa þessu liði".  Vil bara hafa það sem sannara reynist.  Mér finnst upphrópana- og æsingaumræða, þar sem farið er rangt með staðreyndir, frekar vera hluti af vandamálinu en lausninni.

[Jakobína Ingunn Ólafsdóttir, 22.2.2009 kl. 18:26]

Vilhjálmur ég held að þú ættir að hætta að tjá þig um hagfræðileg málefni af ástæðum sem ég ætla ekki að tiltaka hér. Brúttótala Icesave hefur aldrei legið fyrir vegna þess að verðgildi íslensku krónunar frá falli bankanna hefur ekki legið fyrir. Upphæðin gæti allt eins verið 2000 milljarðar þegar upp er staðið.

Það er fáránleiki veruleikans sem er hrópandi en ekki þeir sem tala um hann af einhverju raunsæi.

[Vilhjálmur Þorsteinsson, 23.2.2009 kl. 01:18]

Skiptir ekki máli hvaða gengi þú notar, inntakið í bloggfærslunni um samanburð á því sem Tryggvi sagði og því sem stóð í Morgunblaðinu er rangt, vegna þess að frétt Moggans var ónákvæmt orðuð.  Það er bara það sem ég er að benda á.