Peningar ofar mannréttindum í viðskiptum Bandaríkjanna við Kína

Hillary Clinton, utanríkisráðherra Bandaríkjanna, fór í opinbera heimsókn til Kína um síðustu helgi og lét þar þau orð falla að samvinna ríkjanna í öryggis-, loftslags- og efnahagsmálum væri ágreiningi um mannréttindi yfirsterkari.

Þetta virðist vera stefnan í heiminum í dag....auðvaldið ofar mannréttindum. Hvers vegna að vera að hugsa um það þó menn séu pindaðir til að játa á sig glæpi og teknir af lífi án dóms og laga þegar að peningar eru annars vegar? Þetta er s.s. ekkert í ósamræmi hjá bandaríkjamönnum því þeir virða ekki mannslíf þegar þeir þurfa að komast yfir auðlindir eða auðmagn.

Mannréttindum hrakað í Kína

Athugasemdir

[Baldur Gautur Baldursson, 26.2.2009 kl. 07:25]

Það ljóta er að Kinverjar eru ekki þeir einu sem hafa framtíðarsýn sem einkennist einungis af viðskiptasýn og heimsvaldastefnu. Við þekkjum þessa tilburði víða meðal hinna vestrænu landa. Mannréttindabrot, aftökur, pyndingar, misskipting og fullkominn skortur á mál- og stjórnmálafrelsi eru nær daglegt brauð.  Enn ljótari hlutir eru á ferðinni hvað varðar framtíðarsýn þessara landa og hvernig stórveldin, bæði í formi ríkjaheilda og stórmarkaða (hráefnisframleiðendakeðja). Fyrirbærið sem ég kýs að kalla "svarta jörð" er hlutur sem við verðum að sporna fótum við. Í bloggi mínu fjalla ég um "Svarta jörð" sem er það þá er ríkjaheildir eða stórfyrirtæki kaupa eða leigja til 99 ára jarðnæði í Suður Ameríku eða Afríkulöndum til að geta stundað framtíðar rányrkjubúskap þar, þegar skortur verður á mat í heiminum eftir nokkra áratugi.  Þetta er framtíðarmannréttindabrot. Klikkunin er algjör, nú eru löndin farin að undirbúa framtíðar mannréttindabrot. Þetta er alveg "sjúkt"!

[Hákon Jóhannesson (IP-tala skráð) 26.2.2009 kl. 07:50]

Við Íslendingar þurfum ekki að fara yfir hnöttinn til að sjá þetta fyrribæri - græðgisvæðinguna Baldur. 

Græðgisvæðingin snýr bæði að einstaklingum hér - íslendingum sem vilja hagnast á sölu auðlinda okkar  út - svo og erlendum aðilum sem koma hingað betlandi, með báða lófa upp  í von um ódýra vöru og smá aur í vasanum.

Hér er í dag verið að gera áratuga samninga um aðgang að auðlindum til útlendinga s.s. aðgang að neysluvatni.  Samskonar fyrirbæri.

En það er mín skoðun nú að við erum ótrúlega einfeldningslegir þegar kemur að þessum hlutum. Ótrúlegt en satt.

[Villi Asgeirsson, 26.2.2009 kl. 08:21]

Og svo maður haldi sig heima. Falun Gong ævintýrið var alræmt. Þar viðurkenndu íslensk stjórnvöld að peningar væru ofar mannréttindum.

En þetta með 99 ára leiguna. Forkastanlegt að við séum ennþá svo heimsk að láta þetta viðgangast. Mæli með því að fólk sjái heimildamyndina The Corporation. Hún opnar augu sauðsins.