Ég nenni varla að tala um þessa vaxtalækkun ríkisstjórnarinnar (Alþjóðagjaldeyrisjóðsins)

Hún hefði átt að vera löngu komin til framkvæmda

Við verðum víst að lifa með því að sjálfstæðisflokkurinn framseldi ákvörðunarvaldið til Alþjóðagjaldeyrissjóðsins og völd ríkisstjórnarinnar eru nánast sýndarmennska ein.

Því verða vextir lækkaðir þegar Alþjóðagjaldeyrissjóðurinn ákveður að þeir verði lækkaðir.

Athugasemdir

[Hilmar Gunnlaugsson, 9.3.2009 kl. 22:00]

Það verður áhugavert að fylgjast með framvindu mála Jakobína mín.

[Arinbjörn Kúld, 9.3.2009 kl. 22:04]

Erum við ekki alveg búin að gera okkur grein fyrir að við misstum okkar efnahagslega sjálfstæði þann 6 okt 2008? Heldur fólk að við ráðum einhverju um hag okkar lengur? En það eru spennandi og skemmtilegir tímar framundan eins og einhver sagði.

[Jakobína Ingunn Ólafsdóttir, 9.3.2009 kl. 22:09]

Já hjá sjálfstæðisflokknum sem þráir að vera leppur Alþjóðagjaldeyrissjóðsins

[Baldur Fjölnisson, 9.3.2009 kl. 22:38]

Vaxtamálin eru sem fyrr afar vandræðaleg og snúast í rauninni mest um bókhaldsfiff. Gengi skuldabréfa og ávöxtunarkrafa þeirra hreyfast jú í gagnstæðar áttir, möo. þegar vextir lækka þá hækkar gengi skuldabréfa og bókhaldsleg staða skuldaranna versnar þá sem því nemur. Þar af leiðir að sex prósentustiga stýrivaxtahækkun AGS í haust var fyrst og fremst ætlað að reyna að dylja algjört gjaldþrot þjóðarbúsins enda sjóðurinn með ýmis mjög stór væntanleg þjóðargjaldþrot á sinni könnu og sjálfur því augljóslega í raun alveg fallít.

[Jakobína Ingunn Ólafsdóttir, 9.3.2009 kl. 22:54]

Já því er spáð að Alþjóðagjaldeyrissjóðurinn verði gjaldþrota.

[Toni (IP-tala skráð) 10.3.2009 kl. 00:10]

það er hægt að treysta því að Baldur skefur ekki af hlutunum, enda engin ástæða til. IMF kannski gjaldþrota? ætli þeir muni kenna sub-prime fasteignavafningunum Bandarísku um, eða það er fólkið en ekki stefnan sem brást :)

Þeir hafa leitað til olíuríkjana í austri eftir fjármagni. Kannski Sigurður Einars komi inn um bakdyrnar á Íslandi ásamt Lýbísku vinum sínum með aðstoð IMF þegar landið fer á uppboð sjóðsins vegna vanskila.

Lokað fyrir Straum í morgun og við sett á ábyrgð fyrir innistæðum 20 aðila upp á 60 milljarða.

Okkur er ekki einu sinni sýnd lágmarks kurteisi og upplýst um hvaða fyrirtæki og stofnanir þetta eru og hvaða einstaklingar standa þar að baki. 

[Ómar Geirsson, 10.3.2009 kl. 00:15]

Blessaður Baldur.

Þetta er aumasta skýring á vaxtahremmingum Íslensku þjóðarinnar sem ég hef lesið í háa herrans tíð.  Ef þetta snerti ekki svo marga svo illa, þá væri hægt að hlæja af henni.

En Jakobína.  Vextir lækka kannski fyrir kosningar en hin svokallað veðbólga mælist fyrst og fremst vegna gengisbreytinga.  Þór Saari útskýrði það hjá Agli að gengisstyrkingin er handaflsaðgerð framkvæmd með láni frá IFM.  Talaði Þór ekki um 140 milljarða.  Með öðrum orðum þá dugar IFM lánið í 4-6 mánuði í viðbót, í besta falli. 

Skýringin er sú að útflutningur er að dragast saman því sjávarafurðir seljast ekki.  Loðnuafurðir sem koma inn með gjaldeyri á þessum tíma eru eðli málsins vegna ekki til.  Þorskurinn hreyfist ekki og svona mætti lengi áfram telja.  Þegar þetta gerist getur ekkert komið í veg fyrir gengisfall nema erlent lán.  Og hvað vanda leysir það annað en að pissa í skóinn?  Gengið fellur aftur í vor og þá hækka vextir á meðan IfM ræður hér málum.  

kveðja að austan.

[Baldur Fjölnisson, 10.3.2009 kl. 15:07]

Ómar, þetta er allsendis eina raunhæfa skýringin á því að hér er haldið uppi okurvöxtum á sama tíma og velta í hagkerfinu er að hrynja, atvinnulíf og heimili og raunar þjóðarbúið allt vita fallít og fjöldaatvinnuleysi blasir við. Um allan heim hafa menn verið í paník að keyra vexti niður í núll til að vinna gegn verðhjöðnun sem óhjákvæmilega fylgir því þegar skulda- og eignabólur springa en hérna ríkja greinilega aðrir hagsmunir og ég held sem sagt að þeir séu aðallega bókhaldslegs eðlis, verið að reyna að þvinga fram áróðurspunkta sem sýni þetta hagkerfi heldur minna fallít en það í rauninni er. Athugaðu að vaxtahækkun úr 12 í 18 prósentustig er hækkun um 50% og hefur gríðarleg áhrif á gengi skuldabréfa. Þetta er áreiðanlega spurning um amk. mörg hundruð milljarða  fyrir hið opinbera og aðra stóra þrotaaðila.

[Jakobína Ingunn Ólafsdóttir, 10.3.2009 kl. 21:12]

Ég hef verið að velta þessu aðeins fyrir mér. Ég myndi ætla að gengi skuldabréfa með föstum vöxtum lækki þegar vextir hækka.

Þetta vekur hjá mér tvær spurningar:

Draga háir vextir þá ekki úr verðmætum eignasafns banka og Íbl

Hefur þetta nokkur áhrif á bókhaldið, þ.e.a.s. eru skuldabréf ekki metin á nafnvirði í bókhaldi?

[Baldur Fjölnisson, 10.3.2009 kl. 22:07]

Þau hljóta að vera bókfærð á gengi.

[Jakobína Ingunn Ólafsdóttir, 10.3.2009 kl. 22:21]

Í eðlilegu bókhaldi ætti þetta ekki að koma fram í efnahagsreikningi heldur einungis í rekstri. Maður veit þó aldrei hver venjan er hér á Íslandi. Það virðist vera ýmsum kúnstum beitt.

[Baldur Fjölnisson, 10.3.2009 kl. 23:04]

Á hlutabréfamarkaðnum sáluga var gengishagnaður miskunnarlaust færður til tekna og sýndi það lengi vel gífurlegan "hagnað" sem aftur spennti gengið enn meira upp osfrv. Til að skapa falskt öryggi tönnluðust einhverjar skækjur í sýndareftirlitsstofnunum á því að þessi sápukúla stæðist "álagspróf" og héldu almenningi þannig sofandi og frá að selja þessa sýndarpappíra þangað til búið var að hreinsa innan úr draslinu og kominn tími til að dömpa því á skattgreiðendur. Síðan á náttúrlega að vera pólitískt korrekt að kóa með þessu helv. mafíuhyski og opinberum aftaníossum þess en ég er á öðru máli og skal glaður finna alla peningana og jafnframt selja þetta tíuþúsund manns í gúanó til Afríku fyrir skitinn milljarð. En þetta sértilboð gildir aðeins til mánaðamóta.

[Jakobína Ingunn Ólafsdóttir, 10.3.2009 kl. 23:33]

Þú tekur hraustlega til orða Baldur. Ég get látið mér detta í hug að bókhaldsreglurnar hér séu ekki upp á marga fiska en það sem verra er að endurskoðendur séu margir hverjir ekki sérlega heiðvirðir í sínum vinnubrögðum.

En ég tek undir það að þeir sem stóðu fyrir þessum voða eiga að svara til saka og mér þætti ágætt að sjá langa, langa, langa fangavist fyrir suma þeirra. Nei andskoti djöfulli langa.

Mér sýnist þó að þrýstingur sé aðeins farin að bíta á yfirvöld. Þeir tala alla vega ekki eins mikið um mannréttindi glæpahyskisins

[Baldur Fjölnisson, 11.3.2009 kl. 00:21]

Ég er búinn að vera að halda beisíkallí þessa sömu tölu ad ennui forever á mínum vinnustað og er fyrir löngu orðinn illræmdur kjaftaskur þar og það svo að yfirstjórnin fattaði um aldamótin að heppilegast væri að sleppa mér við alla fundasetu. En við skulum nú ekki fara nánar út í það að svo stöddu.