Eyðing RÉTTARRÍKISINS

Vafasamar mannaráðningar í hæstarétt og önnur dómstig hafa verið umdeildar. En hvað þýðir það þegar að einn stjórnmálaflokkur skipar markvisst pólitíska vildarvini sína í dómarasæti? Jú réttarríkið er brotið niður og dómstólarnir verða pólitískir. Það er ekki lengur hægt að treysta á réttláta meðferð fyrir dómstólum. Geta hátt settir valdamenn kúgað einstaklinga í skjóli þess að þeir eiga greiðan aðgang að dómsvaldinu? Slíkar spurningar vakna óneitanlega og traust á dómsvaldinu er rúið.

Það er búið að eyðileggja réttarríkið og leikreglurnar eru skrípaleikur einn.

Eva Joly sagði í dag að líkurnar á því að Íslendingar lendi í sömu stöðu og Simbabve séu að nokkru háðar því að við höfum gott dómskerfi.

Skyldi hún vita hvernig málum hefur verið háttað hér við stöðuveitingar? Skyldi hún vita hvernig stjórnsýslan er gegnumsýrð af vanhæfni og spillingu? Nei ég held að hún viti það ekki.

Hún veit það ekki vegna þess að valdhafar hér á landi eru annað hvort of samdauna þessu ástandi eða þá að þeir skammast sín of mikið fyrir að hafa láta þetta viðgangast til þess að geta sagt frá því. Skammast sín fyrir lágkúruna.

Valdhafarnir þeir verða að taka þátt í skrípaleiknum. Þeir stíla sína sjálfsmynd upp á að þeir hafi komist sjálfir áfram á eigin verðleikum en ekki klíkuskap og spillingu. Klíkuskapurinn og spillingin lentu þeim í störfum sem þau ráða misvel við en leikreglurnar sem byggt er á eru leikreglur hins spillta samfélags.

Við búum ekki í réttarríki eða velferðarríki. Við búum í landi með vanþróaða stjórnsýslu og vanþróað réttarkerfi. Þetta er það sem sjálfstæðisflokkur og framsókn þróuðu í sinni valdatíð.

Stofnanamenning lágkúrunnar þar sem fagmennska er hunsuð.

Takk fyrir

Ég held satt að segja að íslenskir lögfræðingar og íslenski stjórnmálamenn hafi lítinn skilning á orðinu mannréttindi

Athugasemdir

[Árni Gunnarsson, 11.3.2009 kl. 00:33]

Sjálfstæðisflokkur í ríkisstjórn á Íslandi er krónisk inflúensa í samfélaginu. Flokkurinn er svo gegnsýrður af spillingu og siðblindu að það hlýtur að vera einsdæmi í vestrænu lýðræðisríki. Og þjóðin er orðin svo dofin eftir áratuga valdaskeið þessa pólitíska skrímslis að þeim helst uppi að vinna hvaða óhæfuverk sem er fyrir opnum tjöldum.

Það er bein skylda vinstri flokkanna að ganga til kosninga með fyrirheit um samstarf í ríkisstjórn. Þeir flokkar eru ekki nógu góðir en þeir eru það skársta sem nú er í boði og við þurfum á þeim að halda til að vera laus við Sjálfstæðisflokkinn.

Ef þessir vinstri flokkar hefðu vit á að boða róttæka breytingu á kvótakerfinu held ég að það ætti að tryggja þeim í það minnsta 45 þingmenn í kosningunum í vor.

[Kristín Magdalena Ágústsdóttir, 11.3.2009 kl. 08:04]

Þetta er nú bara mín skoðun líka Árni!!!

Ég spyr bara, hvað getum við gert?????

[Arinbjörn Kúld, 11.3.2009 kl. 10:48]

uuuu borgarahreyfinguna?

[Kristín Magdalena Ágústsdóttir, 11.3.2009 kl. 10:56]

Það verður spennandi að sjá hvað þið getið sem hinum hefur mistekist. Þú fyrirgefur, það eru svo margir með falleg fyrirheit og enda síðan bara í sama sumblinu og allir hinir.

Ég vona að þið komist áfram líkt og L-listinn, ég held að það þurfi mikla viðspyrnu við því ástandi sem í dag er. 

Og koma lögum yfir fjárhættuspilara og glæpamenn sem setja upp englasvip og tár og kenna Davíð Oddsyni um að vera að spilla fyrir þeim (Baugur og þeirra leppar og fleiri).

Kíkið á þetta, þetta er ógnvekjandi

http://www.youtube.com/watch?v=_rXmX4Cbh8s&feature=channel