Vilja að við greiðum skuldir glæpamanna

Hvað varðar opinber fjármál segir Flanagan að áætlun sjóðsins geri ráð fyrir því að árið 2010 verði íslenska ríkið að hagræða í rekstri sínum og að möguleikar til þess hafi verið ræddir við íslensk stjórnvöld núna. Ekki hafi verið teknar ákvarðanir um hvaða leið verði farin til að rétta af rekstur ríkissjóðs, en þær verði væntanlega teknar síðar á þessu ári. Blóðugur niðurskurður heitir það. Treystið þið sjálfstæðisflokki eða framsókn fyrir þessu verkefni?

Flanagan á næstunni mun áhersla aukast á endurskipulagningu opinberra fjármála. Þá segir hann að koma verði bankakerfinu á réttan kjöl sem first og að létta verði á peningastefnu Seðlabankans sem fyrst.

Þetta geti annað hvort komið fram í afléttingu gjaldeyrishafta eða lækkun stýrivaxta. Ef gjaldeyrishöft eru afnumin mun gjaldeyrisvaraforðinn taka á rás úr landinu.

Aðspurður segist Flanagan telja að skuldastaða íslenska ríkisins sé ekki það mikil að ríkið geti ekki staðið við skuldbindingar. Skuldir ríkisins séu vissulega háar, en mat sjóðsins sé að ríkið geti staðið í skilum. Hafa beri í huga að á móti skuldum ríkisins komi einnig töluverðar eignir, innlendar og erlendar.

Það sem átt er við með þessu er að með því að rústa velferðarkerfinu og skattpína almenning sé hægt að borga skuldir glæpamanna sem stóðu í skjóli fyrri ríkisstjórnar í viðskiptum sínum við útlenska aðila.

Segir hann að íslensk stjórnvöld hafi komið fram við kröfuhafa bankanna á réttan hátt og ekki mismunað erlendum kröfuhöfum.  Hvað er átt við með "á réttan hátt"? Er rétt að almenningur greiði skuldir Björgólfs Thors?

Svigrúm til stýrivaxtalækkana

Athugasemdir

[Birna (IP-tala skráð) 13.3.2009 kl. 14:03]

Algerlega sammála þér

[Arinbjörn Kúld, 13.3.2009 kl. 14:53]

Sammála, við eigum ekki að borga skuldir bankana. Þeir voru einkafyrirtæki, nutu sjálfir gróðans meðan hann varði og eiga sjálfir að bera tapið eins og önnur einkafyrirtæki.

[Ómar Geirsson, 13.3.2009 kl. 15:57]

Önnur snilld.

Takk fyrir.

Kveðja, Ómar.