Úbs það er Ólafur Jóhann Ólafsson sem ætlar að græða á sérþekkingu á sviði virkjunar jarðvarmaorku?

Hverjir starfa fyrir Event Holding og af hverju græða þeir ekki bara sjálfir á sérþekkingu sinni?

Event Holding er dótturfélag Geysis Green Energy sem er m.a. í eigu Glitnis, FL group og fleir sem reyndu að komast yfir orkuveituna. Man ekki betur en Bjarni Ármanns hafi tengst því dæmi.

Geysir Green Energy hefur ásælts jarðvarmann á Íslandi og vill gera sér íslenska sérfærðiþekkingu að virðisauka.  

Geysir Green Energy hefur komist yfir 28% hlut í Hitaveitu Suðurnesja. Ágætt dæmi um einkavinavæðingu sem sjálfstæðismenn í Keflavík FAGNA

Ólafur Jóhann Ólafsson rithöfundur og aðstoðarforstjóri Time Warner fjölmiðla-samsteypunnar og bandaríska fjárfestingarfélagið Wolfensohn & Company eru nýir hluthafar í Geysi Green Energy. Á hluthafafundi sem haldinn var í Reykjanesbæ í dag tóku Ólafur Jóhann Ólafsson og Adam Wolfensohn sæti í stjórn Geysis og var Ólafur Jóhann kjörinn formaður stjórnar. Ásgeir Margeirsson forstjóri félagsins segir mikinn feng í því að fá jafn öfluga og alþjóðlega virta fjárfesta og Ólaf Jóhann og Wolfensohn & Company til liðs við félagið. Þetta kemur fram í tilkynningu frá Geysi Green Energy sem fer hér á eftir.

Og auðlindin seld erlendum auðjöfri:

Adam Wolfensohn, framkvæmdastjóri Wolfensohn & Company, segir að starfsemi Geysis falli mjög vel að þeim áherslum sem fjárfestingastefna þeirra byggi á. Wolfensohn & Company hefur komið að ýmsum verkefnum í orkuiðnaði sem tengjast endurnýjanlegri orku, sérstaklega verkefnum í þriðja heims löndum.

Tugir starfa við hönnun virkjunar

Athugasemdir

[Einar Áskelsson (IP-tala skráð) 4.4.2009 kl. 18:57]

Það eru íslendingar Jakobína sem hafa árum saman þróað sérþekkingu á þessu sviði sem, eins og þú sérð, er á heimsmælikvarða. Þekking sem hefur skapast á íslenskum verkfræðistofum. Það er allt og sumt. En gríðarlega stórt fyrir íslenska verk- og tæknifræðinga.

[Jakobína Ingunn Ólafsdóttir, 4.4.2009 kl. 20:35]

Já og hvers vegna á Bjarni Ármanns að græða á því en ekki bara verkfræði-og tæknifræðingarnir sjálfir?

[Gunnar (IP-tala skráð) 4.4.2009 kl. 21:10]

Hvaða pæling er þetta með hann Bjarna Ármannsson? Ert þú ekki kominn út á einhverja hála braut að tengja þessa frétt við Bjarna Ármannsson. Hans er hvergi getið þarna. Hann á engra hagsmuna að gæta í verkefninu.

Mér sýnist á færslunum hjá þér að þú sért í einhverri herferð gegn vissum einstaklingum. Viltu ekki bara slaka aðeins á?

Er ekki málið að hér er á ferðinni afar jákvæð og góð frétt fyrir íslenskt atvinnulíf. Þær mættu alveg vera fleiri jákvæðar fréttirnar þessa dagana.  Áfram Ísland!

G.

[Jakobína Ingunn Ólafsdóttir, 4.4.2009 kl. 21:21]

Var hann ekki eigandi í Geiser green energy sem er móðurfyrirtæki Event Holding eða er hann búin að selja sinn hluta

[Jakobína Ingunn Ólafsdóttir, 4.4.2009 kl. 21:24]

Ég held að grandvaraleysi okkar Íslendinga hafi ekki beinlínis unnið með okkur í gegn um tíðina. Oft hafa snilldarviðskipti á borð við stofnun Icesave vakið jákvæðar tilfinningar hjá fólki. Það er því eðlilegt að spyrja HVER MUN GRÆÐA Á ÞESSUM VIÐSKIPTUM?

[Gunnar (IP-tala skráð) 4.4.2009 kl. 21:32]

Bjarni Ármannsson er ekki einn eigenda Geysir Green Energy. Hann hefur aldrei átt neitt í Geysi. Viltu ekki bara slaka aðeins á í þessu hatri þínu á Bjarna Ármannssyni? Hvernig væri að kynna sér málin áður en farið er út á ritvöllinn og hraunað yfir einstaklinga.

En fréttin um orkuuppbyggingu á Filippseyjum er afar jákvæð.

G.

[Jakobína Ingunn Ólafsdóttir, 4.4.2009 kl. 21:48]

Ég ber engar tilfinningar til Bjarna aðrar en þær að hann er útrásarvíkingur. Vissulega er frétt um orkuuppbyggingu á Filippseyjum er afar jákvæð en af hverju ertu svona viðkvæmur fyrir því að ég spyrji hver sé að græða á þekki.

Það er gott mál að íslenskir sérfræðingar græði á þekkingu sinni en af hverju á Adam Wolfensohn að græða á þekkingu íslenskra sérfræðinga og af hverju á Adam Wolferson að selja Suðrunesjamönnum orku úr hitaveitu sem þeir hafa sjálfir byggt upp. Sjálfir fjármagnað og sjálfir tekið áhættuna af að fjármagna.

[Jakobína Ingunn Ólafsdóttir, 4.4.2009 kl. 22:02]

Var þetta ekki einhvern tíma í fréttum:

Öflugt alþjóðlegt félag með skýr markmið

Eftir sameiningu félaganna verður heildarhlutafé rúmir 40 milljarðar króna og helstu eigendur verða:

• Orkuveita Reykjavíkur 35,5%
• FL Group, 27%
• Atorka Group 20,1%
• Gitnir banki 6,2%
• Goldman-Sachs og Ólafur Jóhann Ólafsson 2,9%
• VGK-Hönnun 2,2%
• Aðrir 6,1%

Stjórnarformaður félagsins verður Bjarni Ármannsson og forstjórar félagsins verða Guðmundur Þóroddsson og  Ásgeir Margeirsson. Sameinað félag verður vel í stakk búið til að mæta erlendri samkeppni og skipa sér í fremstu röð á sínu sviði og er verkefnastaða sameinaðs félags og tengdra félaga góð. Fyrirsjáanleg eru verkefni um byggingu og kaup um 700 megawatta raforkuvinnslu sem ná m.a. til Bandaríkjanna, Filippseyja, Grikklands, Indónesíu, Þýskalands og Eþíópíu.  Framtíðarmarkmið félagsins er að framleiða 3-4.000 megavött fyrir lok árs 2009.

[Árni Gunnarsson, 4.4.2009 kl. 22:28]

Hrauna yfir menn! Hversu marga einstaklinga og hversu margar fjölskyldur hafa Bjarni Ármannsson og hans líkar í fjármalstofnunum okkar hraunað yfir Gunnar?

Og þeir menn sem ég vitna hér til þó enn séu þeir ódæmdir hafa uppskorið laun og þóknanir sem nema hundruðum, jafnvel þúsundum milljarða. Þeir hafa líka uppskorið smán, hatur og fyrirlitningu þúsunda Íslendinga. Og ekki bara Íslendinga.

Og það síðarnefnda hafa þeir uppskorið að fullum verðleikum.

[Vinur (IP-tala skráð) 4.4.2009 kl. 22:40]

Kæra Jakobína:

Eins og fram kemur á heimasíðu Envent þá er félagið í 80% Geysis og 20% REI. Geysir er í eigu eftifarandi aðila:

- Atorka 41%

- Íslandsbanki 40%

- Mannvit 9%

- Aðrir þar á meðal Ólafur Jóhann 10%

REI er 100% í eigu Orkuveitu Reykjavíkur sem er í eigu Reykjavíkurborgar, Akranes og Borgarnesbæjar.

Eins og fram kemur á heimasíðu Envent og Geysis þá hefur félagið nytjarétt að auðlindinni í Filippseyjum til 50 ára. Á þeim tíma er greitt auðlindagjald í ríkissjóð Filippseyja. Að loknu því tímbili er nytjaréttinum skilað til Filippeyska ríkisins.

Til skamms tíma "hagnast" starfsmenn Envent, Geysis og annar starfsmanna sem að verkefninu koma af verkefninu í formi launa. Eins og gengur þá hafa þeir flestir fyrir fjölskyldum að sjá og skuldum að greiða af.

Til langs tíma, að því gefnu að verkefnið heppnist, "hagnast" eigendur Geysis og REI af verkefninu. Orkuverkefni eru langtímaverkefni og yfirleitt eru fyrsti 12 - 18 ár orkuframleiðsluverkefna rekin án hagnaðar en að því loknu fer hagnaður að skila sér til eigenda.

Kveðja,

Vinur

[Vinur (IP-tala skráð) 4.4.2009 kl. 22:51]

Vil taka það fram að Bjarni Ármannsson er ekki í eigendahóp Geysis og hefur aldrei verið.

Þegar til stóð að sameina REI og Geysi haustið 2007 var Bjarni í eigendahóp REI. Hann hefði því orðið í eigendahóp hins sameiginlega félags ef að sameiningunni hefði orðið.

Vegna ósamkomulags í borgarstjórn Reykjavíkur var hins vegar hætt við sameiningu REI og Geysis.

Kveðja,

Vinur

[Jakobína Ingunn Ólafsdóttir, 4.4.2009 kl. 23:04]

Það er gott mál að íslenskir sérfræðingar græði á þekkingu sinni en af hverju á Adam Wolfensohn að græða á þekkingu íslenskra sérfræðinga og af hverju á Adam Wolferson að selja Suðrunesjamönnum orku úr hitaveitu sem þeir hafa sjálfir byggt upp. Sjálfir fjármagnað og sjálfir tekið áhættuna af að fjármagna.

[Vinur (IP-tala skráð) 4.4.2009 kl. 23:45]

Góða kvöldið Jakobína:

Það þarf verulegt fjármagn í jarðvarmaverkefni; hver borhola kostar t.d. um 500 milljónir króna. Ein af hverjum þremur borholum misheppnast svo að jafnaði. Sérfræðiþekking og fjármagn þarf að fara saman og það er einmitt þannig sem landið liggur. Geysir var stofnað af áhugasömum sérfræðingum sem þurftu samvinnu við fjármögnunaraðila til að láta drauma sína um umhverfisvæna orkunýtingu rætast. Ef aðilar eins og Adam Wolferson eiga pening og jafa trú á íslenskum sérfræðingum er það bara fínt að mínu mati.

Varðandi "suðurnesjamenn", þá á Geysir hlut í HS Orku (ca. 25%). Til stendur að skilja auðlindaréttindi frá HS Orku og setja í nýtt auðlindafélag 100% í eigu sveitarfélaganna. HS Orka mun svo leigja nytjarétt frá auðlindafélaginu til ákveðinna ára og greiða fyrir auðlindagjald.

Auðlindir Íslands eiga að vera sameign þjóðarinnar og ég er viss um að Geysir hefur einnig þá skoðun, enda hafa þeir verið í forgangi um að skilja auðlindarréttindi HS orku frá félaginu.

Kveðja,

Vinur

Kveðja,

Vinur

[Neytandi (IP-tala skráð) 5.4.2009 kl. 00:39]

Kannski er það skiljanlegt að tortryggni ríki í garð fjárfesta miðað við öll ósköpin sem hafa riðið yfir.  Hinsvegar vita flestir að ef það er eitthvað sem heimurinn þarf  þá er það áframhaldandi þor og áræðni fjárfesta til að fjárfesta í verkefnum.

Það er sama hvaðan gott kemur svo framarlega sem menn og konur eru til í að setja peninga í verkefni og trúi á það.  Mætti mín vegna vera Hannes Smárason, Jón Ásgeir, Hreiðar Már, Sigurjón Árna o.s.frv.  svo framarlega sem það stuðli að atvinnusköpun.

Úr atvinnusköpuninni verður kaupmáttur og úr kaupmættinum verður neysla og fjárfesting og úr því tvennu verða til fleiri störf !

Hvetjum áfram fjárfesta og náum samfélaginu af stað á nýju !!!!!

[Jakobína Ingunn Ólafsdóttir, 5.4.2009 kl. 02:37]

Þessir svokölluðu hugrökku fjárfestar hafa leikið sér með fjármuni skattborgara og ég sé ekki að það þurfi mikið þor til þess.

Var það ekki svo að þetta verkefni gengur út á hönnun. Kostar þessi hönnun 500 millj. Finnst farið nokkuð frjálslega með hér.

Ég held að reynslan sýni að menn eins og Hannes Smárason, Jón Ásgeir, Hreiðar Már, Sigurjón Árna drepi niður atvinnusköpun frekar en hitt.

Þetta sem er í gangi að menn, græðgisöflin þurfa alltaf að græða á því sem aðrir gera og tefla fram til þess lánsfé sem þeir bera enga ábyrgð á sjálfir.

[Eyþór Eðvarðsson í Vilnius, 5.4.2009 kl. 09:10]

Jakobína, að öllum ólöstuðum, þá væri gaman að heyra hvernig ÞÚ myndir fara að í þessum efnum? Þú virðist hafa á þessu miklar skoðanir..

[Gulli B (IP-tala skráð) 5.4.2009 kl. 10:16]

Ég vildi gjarna vita, Jakobína, hvort það VG sé alfarið á móti útrás í orkugeirnanum eða hvort þetta sé þín persónulega skoðun. Og ekki bjóða okkur upp á það svar að íslenskar verkfræðsistofur eigi bara að gera þetta sjálfar, við vitum öll að til þess hafa þær ekki fjarhagslega burði. Og svo væri nú ágætt ef þú bæðist bara afsökunar á hafa haft rangt fyrir þér varðandi Bjarna Ármannsson sem þú veist (allavega núna) að hefur ekki komið nálægt þessu máli og á engra hagsmuna að gæta. Ég er viss um að margir, þar á meðal ég, gætu hugsað sér að kjósa VG, ekki síst eftir frábæra frammistöðu foringja þíns á RÚV á föstudagskvöldið. En ef það er stefna flokksins sem kemur fram í skrifum þínum hlýtur maður að hugsa sig vel um.  Hvað er að því að flytja út íslenska sérþekkingu á nýtingu jarðvarma jafnvel þó það sé í samvinnu við erlenda fjárfesta. Það er ekki eins og við séumað afsala okkur yfirráðum yfir okkar eigin auðlindum

[vinur (IP-tala skráð) 5.4.2009 kl. 11:35]

Góðan dag:

Ég sagði að hver borhola kostaði 500 milljónir króna og að oft misheppnaðist ein af hverjum þremur holum. Það er Envent og Geysir sem er framkvæmdaaðilinn.

Skv. fréttinni þá verður hönnun á virkuninni boðin út; Geysir og Envent eru ekki verkfræðistofur. Líklegt er að íslenskar verkfræðistofur bjóðir í hönnunina. Á Íslandi eru margar stórar sem smáar verkfræðistofur.

Skv. fréttinni þá mun verkefnið kosta 150 milljón dollara. Oft er notuð þumalputtareglan að 10% af virkjunarkostnaðnum sé hönnunar- og eftirlitskostnaður. Það er þá 15 milljón dollarar eða 1800 milljón króna.

Skv. þessari þumalputtareglu mun hönnun- og eftirlit því kosta um 1800 milljón króna.

Það sem var verið að bjóða út hins vegar er aðeins gerð hagnýtingarskýrslu sem er ekki mikið verk.

Kveðja,

Vinur

[Jakobína Ingunn Ólafsdóttir, 5.4.2009 kl. 12:12]

Svona verkefni eiga fullan rétt á sér en ekki eignarhald einstaklinga á Hitaveitu Suðurnesja. 

Hitaveita suðurnesja hefur verið byggð upp af skattgreiðslun og afnotakostnaði Suðurnesjamanna en síðan seldu einhverjir bæjarstjórar hlut í hitaveitunni. Áhættan af uppbyggingu þessa fyrirtækis lá á skattgreiðendum.

Ég spyr því hverjir ætla að græða á þessu framtaki? Munu greiðslur vegna þess skila sér til Tortóla? Ætla stórir eigendur Geyser Green að setja ryksuguna í dæmið þannig að enginn hagnaður eða skattar skila sér til Íslands. Fá þeir sem leggja fram þekkingu á jarðvarma hlut af hagnaðinum eða ætla nokkrir einstaklingar að hirða allt saman? Og hvað með þá sem hafa byggt þetta upp með sköttum og greiðslum afnotagjalda eru þeir bara leiksoppar?

Strákar þið verðið að fyrirgefa að ég spyrji

[Bjöggi (IP-tala skráð) 5.4.2009 kl. 15:40]

Enn og aftur bara með dylgjur og rugl, áróður byggðan á lygum sem þú virðist semja on the go.

[Arnar Geir Kárason (IP-tala skráð) 5.4.2009 kl. 15:55]

Jakobína, ef þessi málflutningur er dæmigerður fyrir þig, þá ertu búin að gulltryggja að atkvæði mitt fer ekki til Frjálslyndra í næstu kosningum. Enginn góður málstaður þarf á svo slæmum rökstuðningi sem þú leggur þessu máli.

[Jakobína Ingunn Ólafsdóttir, 5.4.2009 kl. 18:36]

Arnar Geir vilt þú stjórnmálamenn sem spyrja ekki spurninga?

Í máli mínu hér að ofan er ekki rökstuðningur heldur spurningar. Ég hef tekið eftir því að sumir vilja ekki að spurt sé spurninga eða að farið sé með staðreyndir og kalla það skoðanir.

Það er nú einu sinni svo að ég reyni að höfða til skynsemi fólks en ekki forheimskun eins og sjálfstæðisflokkurinn hefur leikið.