Mjög athyglisvert: Er Ásmundur Stefánsson með hreðjatak á þjóinni?

Alma Guðmundsdóttir skrifar pistil og veltir upp athyglisverðum spurningum:

Ástæðan fyrir því að ekki er hægt að lækka stýrivexti Seðlabanka Íslands er  sú að hjá Íslendingum liggja svokölluð Jöklabréf í eigu ,,erlendra aðila" fyrir rúmlega 500 milljarða króna.  Eina leið Íslendinga til að halda því fjármagni hér heima er að halda stýrivöxtum háum og greiða fjármagnseigendunum háa vexti svo þeir séu ekki eins órólegir.  Nú telja menn að þannig verði það að vera í a.m.k. 1 ár því við eigum ekki 500 milljarða já 500 milljarða til að greiða út!

Samtök atvinnulífsins gera sífellt kröfur um lækkun vaxta sem og allir - og það er ekki hægt nema að greiða út 500 milljarða króna vegna Jöklabréfanna.  Menn hafa verið að tala um að semja við þessa útlendinga.

En...... haldið ykkur nú - það er víst ekkert á hreinu hvaða útlendingar eiga í hlut!

Því er sums staðar haldið fram að Íslendingar, Bjöggarnir, Kaupþingsþjófar, Glitnisþjófar og fleiri til eigi þessi Jöklabréf í skjóli erlendra eignarhaldsfélaga!

Getur verið að Nýi Landsbanki og Ásmundur Stefánsson sé að þvinga Seðlabanka Íslands til að greiða íslensku glæpamönnunum 500 milljarða króna út úr Seðlabanka Íslands til í beinhörðum peningum?

Athugasemdir

[Matthías Ásgeirsson, 7.4.2009 kl. 15:19]

Hvað er athyglisvert?  Þetta er snarbiluð samsæriskenning án nokkurra raka eða gagna.

[Theódór Norðkvist, 7.4.2009 kl. 15:28]

Hvers vegna eiga skattgreiðendur að borga tap spilafíkla? Þessir menn fóru út í áhættufjárfestingu og ætluðu að greiða á manndrápsvöxtum ( = þrælahaldi) lántakenda á Íslandi.

Ég vorkenni þeim ekki neitt þó þeir tapi á þessu braski. Af hverju eiga allar eignir að hrynja í verði nema braskbréf?

[Matthías Ásgeirsson, 7.4.2009 kl. 16:31]

"Ert þú með einhver gögn eða rök um þetta mál Matthías?"

Það eru engin gögn eða rök þegar fólk skáldar upp samsæriskenningar.

[Jakobína Ingunn Ólafsdóttir, 7.4.2009 kl. 16:37]

Strákar mínir spurningar eiga alltaf rétt á sér. Hefur einhverstaðar komið fram hver á þessi Jöklabréf.

Er það kannski bankaleynd hverra þjóða eigendur þeirra eru?

[Matthías Ásgeirsson, 7.4.2009 kl. 17:42]

Strákar mínir spurningar eiga alltaf rétt á sér.

Jakobína, það er hægt að setja fram dylgjur í formi spurninga.  Tökum dæmi: Ertu hætt að níðast á minni máttar?

[Jakobína Ingunn Ólafsdóttir, 7.4.2009 kl. 18:41]

Matthías hvað hafa útrásarvillingarnir verið að gera annað en að nýðast á minni máttar. Misnotað fjármuni almennings. Það eru ekki til þær spurningar sem eru of dónalegar fyrir þessa menn.

[Matthías Ásgeirsson, 7.4.2009 kl. 18:48]

Hvaða vit er í spurningunni í fyrirsgögn færslunnar? Hún er glórulaus.

[Jakobína Ingunn Ólafsdóttir, 7.4.2009 kl. 18:58]

Menn sem ráða sjálfa sig í vinnu hjá ríkisfyrirtæki geta átt von á glórulausum spurningum í framhaldi af glórulauri hegðun sinni.