Hvar er Tryggvi Þór Herbertsson núna?

Vonandi ríður hann fram á völlin núna og leiðréttir þetta.

3100 milljarða skuldir

Athugasemdir

[Jón H B, 7.5.2009 kl. 13:23]

Tryggvi Þór er bara með loft í höfðinu held ég.  Kominn á þing og þegir með restinni af þeim ..... =aulaháttur fram í fingurgóma.

[Jakobína Ingunn Ólafsdóttir, 7.5.2009 kl. 13:31]

Já sennilega er hann hættur að fabúlera með skuldastöðu þjóðarbúsins enda kominn á jötuna.

[Jón Ragnarsson, 7.5.2009 kl. 13:36]

Það var alltaf það sem ég var með á tilfinningu v. Tryggva. Hann var að láta flokkinn redda sér öruggu starfi næstu 4 árin.

[Vilhjálmur Þorsteinsson, 7.5.2009 kl. 13:56]

Ekki rugla saman erlendum skuldum þjóðarbúsins (=allra íslenskra aðila, þ.e. ríki+orkufyrirtæki+almenn fyrirtæki+almenningur) annars vegar og erlendum skuldum ríkisins eins hins vegar.  Tryggvi hefur talað um nettó skuldir ríkisins, erlendar og innlendar, og ekkert í þessum tölum er í mótsögn við það sem hann hefur sett fram.

[Jakobína Ingunn Ólafsdóttir, 7.5.2009 kl. 14:18]

Eru skuldir þjóðarbúsins ekki að mestu orðnar á ábyrgð ríkissjóðs Vilhjálmur? Talaði Tryggvi ekki um 200 milljarða eða eitthvað álíka.

[Sævar Finnbogason, 7.5.2009 kl. 14:34]

Tryggvi gekk út frá því að skuldir gömlu bankanna fyrir utan þær innistæður sem lofað hefði verið að tryggja væru ekki skuldir ríkissins. Að því er virðist

[Sævar Einarsson, 7.5.2009 kl. 14:38]

Ef Íslenska ríkið hefði ekki yfirtekið þessa banka þá væri málið dautt, þeir voru jú í einkaeigu.

[Sævar Finnbogason, 7.5.2009 kl. 14:55]

já, neyðarlögin gera það að verkum að kröfuhafarnir sem auðvitað hefðu verið í afar erfiðri stöðu geta núna pönkast í Íslenska ríkinu og ásakað það um að hirða eignir úr þrotabúunum.

Þetta gæti orðið verulegt vandamál.

Ég hallast að því að heppilegra hefði verið að fjármálaeftirlitið hefði þekið bankana yfir og stýrt þeim gegnum greiðslustöðvun og gjaldþrotaskipti, svipað eins og gert er t.d.  í Ameríku. Innistæðutryggingarsjóðurinn hefði svo fengið stuðning frá Íslensaka ríkinu til að greiða innistæðueigendum. Ríkisstjórnin hefði vel geta komið fram og sagt fólki að innistæður væru tryggar þó neyðarlögin hefðu ekki verið sett.

[Sævar Einarsson, 7.5.2009 kl. 15:10]

Já nafni, það hefði verið það besta. En Davíð og hans vendetta sá alfarið um að keyra efnahagskerfið í kaf. Spilaborgin hrundi eftir að ríkið yfirtók Glitni vegna krosseignartengsla bankana, nær hefði verið að grípa öðruvísi inní þetta.

[Vilhjálmur Þorsteinsson, 7.5.2009 kl. 15:39]

Sævar Finnbogason, þetta er nákvæmlega eins og þú lýsir: ríkið tók ekki yfir gömlu bankana, þeir eru á leið í gjaldþrot og skuldir þeirra lenda ekki á ríkinu.  Ekki innlánin heldur, nema Icesave hjá Landsbankanum að því marki sem eignir bankans duga ekki fyrir innlánstryggingunni.  Skora á ykkur að kynna ykkur málin sjálfir, þetta er ekki eins slæmt og þið haldið.  Og í guðanna bænum ekki trúa svartagallsrausinu í Jakobínu, hún myndi mála skrattann á vegginn í sjálfu Himnaríki.

P.S. Ríkið hætti við að yfirtaka Glitni.

[Jakobína Ingunn Ólafsdóttir, 7.5.2009 kl. 16:04]

Vilhjálmur það er það ekki merkilegt að moggin skuli vera farinn að taka undir svartagallsrausið í mér og þá einnig Peningamál Seðlabankans?

Vilhjálmur getur þú ekki fengið Tryggva Þór til þess að skrifa aðra Mishkin skýrslu?

Þá getum við tekið gleði okkar aftur.

[Jakobína Ingunn Ólafsdóttir, 7.5.2009 kl. 16:20]

Hér er ágætis lesefni fyrir þá sem treysta sér í svartagallsrausið

[Sævar Einarsson, 7.5.2009 kl. 17:10]

Vilhjálmur Þorsteinsson, 7.5.2009 kl. 15:39 "P.S. Ríkið hætti við að yfirtaka Glitni." ?

Núnú hver yfirtók þá Glitnir gamla, neitaði að ábyrgjast lán og yfirtók bankann svo ? ég hef verið út á Cayman eyjum of lengi ...

[Arinbjörn Kúld, 7.5.2009 kl. 21:57]

Skv, fréttinni virðist vera búið að ákveða að taka 600 milljarða kr. lán til að greiða Icesave og fl. síðar á þessu ári. Þarna er verið að vega alvarlega að haf íslensku þjóðarinnar og það eru landráð. Ætlum við að láta það viðgangast?

[Jakobína Ingunn Ólafsdóttir, 7.5.2009 kl. 22:38]

Þetta er fyrsta afborgun samfylkingarinnar vegna inngöngu í ESB

[Vilhjálmur Þorsteinsson, 8.5.2009 kl. 01:06]

Sævarinn, enginn yfirtók eignarhald á gamla Glitni; sömu gömlu hluthafarnir eiga hann ennþá að nafninu til en í reynd eiga kröfuhafar hann.  FME skipaði skilanefnd sem tók yfir vald hluthafafundar (og bankastjórnar) í bankanum, en ríkið á ekki bankann og ber enga ábyrgð á skuldbindingum hans.  Kröfuhafar fá aðeins eignir bankans upp í kröfur sínar, og tapa rest.

Sama gildir um Kaupþing.

Í Landsbanka er því miður ekki útlit fyrir að eignir bankans hrökkvi fyrir lögboðnum innistæðutryggingum, en þær nema 20.887 evrum á hvern innlánsreikning.  Því þarf ríkið að greiða trygginguna f.h. Tryggingasjóðs innstæðueigenda en eignast á móti kröfu í þrotabú bankans.  Skilanefnd Landsbankans áætlar að fyrir rest muni innheimtast 525 milljarðar af 600 þannig að nettó standi eftir 75 milljarða tjón fyrir ríkið.  Vonandi verður hægt að semja um þetta mál við Breta og Hollendinga, þ.e. vexti og þátttöku í tapinu.

[Jakobína Ingunn Ólafsdóttir, 8.5.2009 kl. 17:55]

"Því þarf ríkið að greiða trygginguna f.h. Tryggingasjóðs innstæðueigenda en eignast á móti kröfu í þrotabú bankans." segir þú Vilhjálmur.

Viltu ekki kynna þér málið betur Vilhjálmur.

Ríkið ber EKKI ábyrgð á ábyrgðum Tryggingasjóðs innistæðueigna. Þetta eru fabúleruð tengsl.

[Vilhjálmur Þorsteinsson, 8.5.2009 kl. 18:40]

Vissulega er þessi ábyrgð ekki ótvíræð skv. lagatextanum, og það hlýtur að vera eitt af þeim atriðum sem við höldum fram í samningaviðræðum við Breta og Hollendinga sem standa yfir um Icesave málið.  Athugaðu að það er ekki búið að ganga endanlega frá neinum skuldbindingum í málinu.

[Jakobína Ingunn Ólafsdóttir, 9.5.2009 kl. 01:00]

Bretar segja að þeim hafi verið lofað að Icesave yrði greitt að fullu en að spurningin sé bara hversu hratt.