Hvað kostar þetta snýkjubréf?

Sennilega tvo til þrjá milljarða úr vasa skattgreiðenda.

Áróðurshermenn samfylkingarinnar hafa sagt að tilgangurinn með aðildarumsókn sé að við þurfum að vita hvað okkur stendur til boða.

Athyglinni er beint að sníkjuþættinum!

En hverju þurfum við að fórna. Minna fer fyrir umfjöllun um það enda sérhagsmunir útrásavíkinganna í húfi.

Málaliðar samfylkingarinnar í borgarahreyfingunni hafa sett fram skilyrði sem auka líkur á inngöngu.

Þeir gera t.d. kröfu um það að fagmenn skipi nefndina sem fer í aðildarviðræður.

Hvað þýðir fagmenn í þessu samhengi?

Hverjir eru þessir fagmenn?

Er það lið gulldrengja sem gera sér vonir um feit embætti í Brussel?

ESB-tillagan birt

Athugasemdir

[Hákon Jóhannesson (IP-tala skráð) 14.5.2009 kl. 20:59]

Alltaf hasar hér...

Hverjir eru "málaliðar samfylkingarinnar í borgarahreyfingunni" ? 

[Jakobína Ingunn Ólafsdóttir, 14.5.2009 kl. 21:21]

Ha ha það er bara að fylgjast með málflutningi fólks. Hvaða hagsmunum er verið að þjóna? Ekki lýðræðis svo mikið er víst. Ágætt að reyna að horfa framhjá gasprinu og á verkin. Hvaða athafnir er verið að styðja?

Forræðishyggjan í fyrirrúmi.

Almenningur getur ómögulega haft vit á því hvort hann vill sækja um aðild ef marka má valdhafanna.

[Páll Geir Bjarnason, 14.5.2009 kl. 22:41]

Ég held þú sért ekki með réttu ráði kona! Leið þér svona illa í Gautaborg? Í ESB-ríki?

[Sævar Finnbogason, 14.5.2009 kl. 23:03]

æjj come on Jakobína. Sko ég er búinn að komast í elítuna og nú er ég orðinn málaliði. Alltaf á á uppleið :)

[Jakobína Ingunn Ólafsdóttir, 14.5.2009 kl. 23:09]

Sævar var einhver að segja að þú værir málaliði? Ertu í elítunni...?

Og þú Páll ættir að temja þér smá mannasiði.

Gautaborg var ekki í ESB.

Þessi pistill fjallar ekki um ESB heldur lýðræði versus forræðishyggju annars vegar

og hins vegar túlkun og áróður.....vona að það sé ekki of flókið....

[Benedikt G. Ofeigsson (IP-tala skráð) 14.5.2009 kl. 23:10]

Páll

Þú ættir aðeins að velta fyrir þér umræðunni um ESB. 

Það er talað víðtækt samráð um aðildarmarkmið en það  má ekki kjósa um hvort send verður in umsókn. það er þó víðtækasta samráð sem hægt er hafa um málið og gæti jafnvel komið af stað einhverri vitrænni umræðu. 

 M.ö.o er almenningur ekki innifalinn í samráðinu. þetta kallast svo lýðræðisleg vinnubrögð.

Maður hlýtur því að velta fyrir sér hvaða hagsmuni eigi að reyna að tryggja með þessari ESB  aðildarumsókn.

[Páll Geir Bjarnason, 14.5.2009 kl. 23:39]

Síðast þegar ég vissi var Gautaborg í Svíþjóð og Svíþjóð í ESB. Má vera að þú hafir numið þar áður en það gerðist og túlka ég orð þín sem svo þegar þú segir Gautaborg var ekki í ESB".

Annars tem ég mér svipaða mannasiði og síðuhöfundur sem útbýtir ásökunum um landráð, sérhagsmunagæslu og gulldrengi á eftir "feitum" embættum.

Hverra sérhagsmuna gætir þú Jakobína?

[Jakobína Ingunn Ólafsdóttir, 14.5.2009 kl. 23:52]

Bíddu, bíddu .....landráð....sérhagsmunagæsla....og.....eftirsókn eftir feitum embættum.....að láta sér detta í hug að ásaka nokkurn um slíkt.....í landi þar sem spilling hefur aldrei þekkst....

Hverra hagsmuna.....ætli það sé ekki bara pönnukökuklúbburinn...

[Páll Geir Bjarnason, 15.5.2009 kl. 02:30]

Þú talar eins og það sé eini hvatinn að þessu aðildarbrölti. Segðu mér, sérðu ekki neitt jákvætt við að vera í ESB?

[Jakobína Ingunn Ólafsdóttir, 15.5.2009 kl. 12:20]

Getur þú útskýrt fyrir mér hvers vegna þarf að fara í aðildarviðræður NÚNA?

Það hefur verið talað um að það muni kosta um 1 til 2 milljarða að halda uppi aðildarviðræðum. Það er að miklum hluta í erlendum gjaldeyri. Gjaldeyri sem við eigum ekki en þurfum að taka að láni.

Það hefur í för með sér amk 100 milljónir í vaxtagreiðslur á ári (í erlendum gjaldeyri) um ókomin ár.

Það er nýlega búið að henda milljarði til þess að reyna að koma HÁ í góða stöðu hjá öryggisráði. Þetta var líka í erlendum gjaldeyri.

Ég myndi halda að það væri kominn tími til þess að stjórnmálamenn færu að sýna smá sóma og reyna að sinna innviðum þjóðabúsins frekar en að eyða tíma í pönnukökupartíum erlendis.

[Páll Geir Bjarnason, 16.5.2009 kl. 00:16]

Það hafa verið færð sannfærandi rök fyrir því að aðildarvilji skapi efnahagslegt traust sem laði erlent fjármagn hingað sem hjálpar til við viðreisnina. Það hafa verið færð sannfærandi rök fyrir því að með aðild og beintengingu krónu við Evru lækki vextir á lánum, verðtrygging fari, óheppilegar gengissveiflur hverfi, og matvöruverð til neytenda lækki. Það hafa verið færð sannfærandi rök fyrir því að veiðiheimildir okkar haldist meðal Íslendinga. Það hafa verið færð sannfærandi rök fyrir því að landbúnaður hreinlega eflist þar sem hann sé skilgreindur heimskautalandbúnaður og hljóti styrki frá sambandinu. Jarðvarmaorka og vatnsföll eru landföst og engin kemur og "tekur" það í burtu. Hugsalega olíuvinnslu er enn talsvert fjarlægur draumur en þegar þar að kemur, þá hvað með það að hún fari öll á Evrópumarkað? Það skiptir það litlu, þeir þurfa samt að borga fyrir hana og það er enn miðað við heimsmarkaðsverð. 
Ég er bara venjulegur Íslendingur sem á ekki kvóta og ekki rolluskjátur en þarf að reka fjölskyldu og eiga þak yfir höfuðið. Þó þessar aðildarviðræður eigi eftir að kosta eitthvað þá hefur 2 milljörðum af skattpeningum okkar oft verið varið í heimskulegri og gagnslausari hluti en þetta.

[Jakobína Ingunn Ólafsdóttir, 16.5.2009 kl. 00:50]

Páll þú ert ekki að tala um "sannfærandi rök" heldur áróður. Ef þú lest Lissabon sáttmálann þá sér þú svart á hvítu að mörg þessara "sannfærandi raka" standast ekki.

Áróðurinn um verðtrygginguna er þvæla. Hana er hægt að afnema á morgun ef pólitískur vilji er fyrir því.

Ástæðan fyrir því að verðtryggingar(ósóminn) er ekki afnuminn er að það er verið að láta skuldara fjármagna bankanna.

[Páll Geir Bjarnason, 16.5.2009 kl. 12:23]

Mér heyrist nú áróður koma beggja vegna frá. Ég spurði þig ofar hvort ekki væri eitthvað jákvætt við ESB, en ekkert kom fram. Auðvitað eru neikvæðir þættir og jákvæðir við aðild. Ég hlusta á þá sem tala yfirvegað um málið og geta geint frá báðum þeim þáttum. Allt einhliða tal er nefninlega áróður.

Hef ekki einu sinni tekið ákvörðun sjálfur um hvort ég segi "já" eða "nei" við inngöngu.

[Jakobína Ingunn Ólafsdóttir, 16.5.2009 kl. 14:42]

Páll stóra spurningin er ekki hvað ég sé neikvætt eða jákvætt við ESB heldur hvort eðlilegt sé að sótt sé um aðild án þjóðaratkvæðagreiðslu. Framferði valdhafanna eftir kosningar hefur verið þeim til háborinnar skammar.

[Páll Geir Bjarnason, 17.5.2009 kl. 01:48]

Mér finnst það ekkert sérstaklega stór spurning. Þjóðaratkvæðagreiðsla verður hvort eð er. Kjánalegt að halda tvær, sérstaklega þegar skoðanakannanir sýna 60-70% stuðning við aðildarviðræður. Slík atkvæðagreiðsla væri hreinn tímaþjófnaður og óþarfur. Að mínu mati er slíkt atkvæðagreiðsla um loftið eitt. Eitthvað heilsteypt þarf til að kjósa um. Og fólki sem er tíðrætt um kostnaðarhliðina ættu ekki að vera að fjölyrða um aðgerð sem gerði hana enn kostnaðarsamari.
En að halda þjóðarakvæðagreiðslu um hvort eigi að halda þjóðaratkvæðagreiðslu um aðildarviðræður? Svo jafnvel þjóðaratkvæðagreiðslu um hana líka.

Þér finnst framferði valdhafanna til háborinnar skammar vegna þess að þú ert ósammála þeim. Hinir sem eru þeim sammála finnst framferði þeirra með ágætum. Svona er þjóðin klofin, en þessi gífuryrði eru engum málstað til hagsbóta.