Ætla yfirvöld að keyra hér allt til andskotans

...og keyra síðan ESB áróður um að allt lagist með ESB?

Yfirvöld eru ekki að gera neitt til þess að auka verðmætasköpun í landinu. Þjóðin er gerð háð innflutningi gegnt allri skynsemi.

Í dag finna skuldarar fyrir afleitri stefnu yfirvalda. Fólk finnur einnig fyrir hækkuðu matvælaverði en síðan bætist niðurskurður í velferðarkefi og loks fer fólk að finna fyrir skattahækkunum. í

Þegar að valdhafa hafa náð öllum þessum markmiðum mun fara lítið fyrir velmegun á Íslandi.

Stefna ríkisstjórnarinnar í hnotskurn:

Atvinna ---gera þjóðina háða alþjóðafyrirtækjum

Skattar----hækka skatta sem þegar hafa hækkað mikið

Fjármálakerfi ----halda verðtryggingu og okurvöxtum

Velferð    ----leggja niður velferðarkerfið í þeirri mynd sem við þekkjum það.

 

Matarverð hefur hækkað um 25%

Athugasemdir

[Jóhannes Ragnarsson, 18.5.2009 kl. 19:01]

Hvaða ráð hefur þú Jakobína mín?

[V. Jóhannsson (IP-tala skráð) 18.5.2009 kl. 19:40]

Síðan kemur sykurskatturinn og þar á eftir aðrir skattar, enda er það eina lausnin sem vinstri stjórnir hafa. Þegar krónan fellur endalaust, er ekki hægt að komast hjá hækkunum. Nú hækkar fóðrið og þá hækka landbúnaðarvörur og svo koll af kolli. Hef upplifað þetta áður!

Hvernig ætla íslendingar inn í ESB með verðtryggingu og okurvexti? Þeir geta ekki einu sinni hafið umræðu um aðild, hvað þá meir. En það er eins og enginn íslendingur skilji þetta og stinga hausnum í sandinn.Strútar verða alltaf strútar og íslendingar verða alltaf íslendingar.

[GunniS, 18.5.2009 kl. 19:45]

já núna væri gott að ríkið ætti eitt stk auðlind, eða tvær. og svo ef einhver svarar því að ríkið eigi ekki að eiga auðlind, má þá ekki líta á skattgreiðendur sem auðlind.. hoho.

[Helgi Jóhann Hauksson, 18.5.2009 kl. 20:13]

Kæra Jakobína, ég held ég verði að biðja þig að fara betur yfir stöðu okkar, ogv ekki bara nú heldur um alla tíð. Það er svoótrúlega margt fólk sem vill gleyma því að engin önnur þjóð í veröldinni er eins háð viðskiptum við önnur lönd og við erum. Við erum ekki einu sinni fær um að smíða okkur skip eða önnur samgöngutæki til að sækja sjálf það sem við þurfum frá útlöndum nema með útlenskum efnivið, útlenskum áhöldum, útlenskum tækjum og útlenskum vélum í skipin. Það er ekekrt til al íslenskt. Jafnvel ekki fiskurinn verður ekki veiddur nema með útlensku efni í netin og línurnar og ögnglana. - Og svo viljum við selja fiskinn til útlanda, pakka honum inn í pappír og plast og prenta á umbúðirnar með útlensku bleki í útlenskum prentvélum, og svo getum við valið um að greiða tolla af fiskinum við landamæri eða senja tollan í burtu.

- Og svo tölvur, prentarar, tengisnúrur ....

- Ég hef lengi beðið fólk að nefna mér eitthvað eitt sem við framleiðum og gætum selt án þess að neitt sem er útlenskt komi við sögu, en enn hefur enginn nefnt slíkt.

Engin þjóð í veröldinni er eins háð viðskiptum við útlönd og Íslendingar, við getum átt frumkvæði sjálf um samninga og samvinnu við Evrópu með stuðningi Norðurlanda eða látið IMF og ameríska auðhringa stjórna okkar nauðugum og misst Landsvirkjun upp í skuldir og allt annað í kjölfarið. Það er hinn napri veruleiki.

Norrænir Grænlendingardóu út vegna þess að skipa komur lögðust af.

[Páll A. Þorgeirsson (IP-tala skráð) 18.5.2009 kl. 20:13]

Ég efast um að sá ljóti  hefði áhuga á okkur hann lætur örugglega ekki bjóða sér hvað sem er.

Það mætti þó prufa að senda honum nokkra "útrásarvíkinga" og sjá hvort hann bítur á agnið..    hann gæti hugsanlega lært eitthvað af þeim.

[Jakobína Ingunn Ólafsdóttir, 19.5.2009 kl. 00:01]

Hampiðjan

Plastprent

Skipasmíðastöð

Áburðarverksmiðjan.........

Hvernig komust Íslendingar af í 11 hundurð ár?

Eru Íslendingar allt í einu orðnir aumingjar sem geta ekkert eða er það bara samfylkingunni sem finnst það.

[Páll Geir Bjarnason, 19.5.2009 kl. 02:57]

Þeir komust einmitt ekki af. Þeir skrimtu. Skrimtu allt þar til þeir efnuðust fyrir tilstilli erlendra áhrifa. Hersetan, alþjóðasamningar. Þangað til gerðist afskaplega fátt. Þetta segi ég ekki til að rægja eða gera lítið úr forfeðrum mínum. Þeir a lof skilið fyrir að hafa tórað hérna yfirleitt en fráleitt er að eigna þeim óskiptum heiðrinum af uppgangi s.l. 100 ára.

[Jakobína Ingunn Ólafsdóttir, 19.5.2009 kl. 11:09]

Ósköpin hófust með meingölluðum EES samningi. Ég held að Íslenski valdhafar séu of miklir sveitamenn til þess að eiga í viðamiklum samningum. Ekki bætir úr skák þegar þeir fara að vekja vini sína sem líka eru sveitamenn í sendinefndir.

[Helgi Jóhann Hauksson, 22.5.2009 kl. 14:11]

Jakobína, við höfum alltaf verið háð samgöngum við landið. Þess vegna lagðist byggð af á Grænlandi að skipaferðir þangað lögðust af, og einnig af þeirri ástæðu töldu menn seinna stofnun Eimskipafélagsins svo þýðingarmikið mál, reyndar var jafnvel gamli sáttmáli gerður bara til að tryggja skipaferðir til landsins - svo mikilvægar voru þær, þó mynduðust menn á þeim tíma við að vinna járn úr mýrarrauða þó lélegt væri en nú höfum við ekki einu sinna það.

Hampiðjan

Plastprent

Skipasmíðastöð

Áburðarverksmiðjan.........

Engin af þessum verksmiðjum sem þú telur upp getur starfað án véla, tækja og áhalda og hráefnis frá útlöndum, við getum ekki einu sinni byggt hús utan um þær nema með útlensku steypustyrktarjárni og útlenskum nöglum og málmum.

Reyndar hef ég víða spurt hvort menn geti nefnt mér einhverja eina framleiðsluvöru sem ekki þarf neitt útlent við framleiðsluna og enn hefur ekkert komist nálægt því sem nefnt hefur verið. Jafnvel fiskurinn úr sjónum er hvorki veiddur, unnin, pakkaður eða seldur án þess að flest eða allt sem við sögu kemur sé útlent og innflutt, og svo viljum við selja hann til útlanda. 

Og við komumst ekkert sérlega vel af í á landinu í 1100 ár, ég held að enginn panti þau lífsgæði til baka.