Andskotast frekjan í þessum krökkum

Heimta mat, föt og húsaskjól. Skilja þeir ekki að breskir aðalsmenn og áhættufíklar þurfa að ganga fyrir?

Krakkaskammirnar verða bara að skilja að menn þurfa að halda völdum og geta lifað við þær vellystingar sem þeir eru vanir. Það þýðir ekkert fyrir þau að tala um að þau þurfið að borða eða séu með tannpínu. Við höfum ekkert efni á því lengur.

Hækkar um 37 milljarða árlega

Athugasemdir

[Helga (IP-tala skráð) 5.6.2009 kl. 22:21]

Aðdáunarvert hvað þú tekur þessum "hóflegu" og "sanngjörnu" kröfum Breta af stillingu.

Íslenska ríkisstjórnin lofaði að slá skjaldborg um heimilin og það hefur hún gert. Hún er ríkisstjórn sem lætur ekki sitja við orðin tóm...

hún bara sagði okkur ekki...

að heimilin innan í skjaldborginni eru bresk en ekki íslensk...

hún sagði okkur ekki heldur...

að þetta eru heimili áhættufíkla í fjármálum en ekki heimili venjulegra Íslendinga.

Ríkisstjórnin sagði okkur ekki heldur að hún ætlaði sérstaklega að slá skjaldborg utan um heimili

Björgólfs Thors... þjófsins sem stakk af með innstæður Bretanna.
 
Hagsmunir Gordons Brown æðsta klerks í hryðjuverkum ganga auðvitað fyrir framtíð íslenskra krakka sem halda að þeir eigi að éta öllum stundum.

Efistu, spurðu þá bara Jóhönnu Sig. hún er þekkt fyrir að vita hvar skóinn kreppir og hvar þarf að hlúa að minni máttar. Hún er nú komin í útrás með góðmennsku sína og hlúir að bóndanum í Downingstræti 10.

Segðu bara krakkanum að láta sig hlakka til því Álfheiður lofaði í Kastljósinu að eftir að ánauðin hefur verið undirrituð, samþykkt og innsigluð muni hún leggja sig fram um að aðdragandinn að þrældómnum verði upplýstur. Krakkanum ætti að líða betur svöngum ef hann veit hvers vegna er svo mikilvægt að hann sé svangur.

Karen Blixen sagði: Ég átti jörð í Afríku!

Fari sem horfir þá getur íslenska þjóðin bráðum sagt: Við áttum einu sinni
land en vorum seld í ánauð fyrir 640 milljarða + 500 milljarða í vexti.

Jóhanna er góð kona - hugar alltaf fyrst um þá sem standa höllum fæti - þekkt fyrir það.