Framtíð skuldara

...

Athugasemdir

[ASE (IP-tala skráð) 7.6.2009 kl. 01:22]

Sæl Jakobína

Ég hef fylgst með skrifum þínum þennan síðasta skrýtna vetur í lífi okkar Íslendinga en held hafi sjaldan, ef aldrei, gert athugasemd hjá þér.  Sem náttúrulega slæmt, því maður á ekki bara að kvarta heldur líka þakka fyrir það sem gott er.  Þú skrifar "sjóaratungumál", vona að skiljist hvað á við með því þ.s. ákveðið hrós.  M.ö.o. þú segir hlutina eins og þeir snúa við þér mjög skýrt og skorinort!  Mér finnst þú oft hafa hitt "naglann á höfuðið" þó kannski sjaldnast sammála þér en nóg samt til þess að hef haldið áfram að fylgjast með þér.

Mér finnst þú hins vegar stundum fara aðeins fram úr þér, t.d. í síðustu færslum þínum.  Veit ekki af hverju, en finnst þú eigir að hafa það sem þarf til að skoða allar hliðar á hverju máli (en kannski er það bara eitthvað menntasnobb í mér :-o).   Sérðu í alvöru okkur Íslendinga sem alsaklaus fórnarlömb í uppbyggingu hinnar al-íslensku alþjóðlegu fjármálamiðstöðvar sem vér Íslendingar vorum svo hreykin af fyrir innan við ári síðan?  

Ég er langt í frá ánægð með Icesave málið en fyrst og fremst að hafi ekki verið stöðvað af yfirvöldum á sínum tíma.  En við getum ekki skorast undan þeirri ábyrgð sem okkur ber (vissulega eitthvað skiptar skoðanir um það en í ALVÖRU, ef við gefum öllum þjóðum heimsins "puttann" þá hverjum ætlum við að selja fisk og fá gjaldeyri til að flytja inn hveiti, bíla, timbur, o.sfrv).  Við eigum ekki að bera MEIRI ábyrgð en okkur ber, en eigum við einhvern RÉTT Á að bera MINNI ábyrgð en okkur ber?  Ef við viljum halda okkar sjálfsvirðingu, og vera tekin alvarlega í samfélagi þjóðanna þá verðum við að axla okkar ábyrgð sem þjóð.

Myndin sem þú valdir hér að ofan finnst mér hins vegar virkilega móðgandi.  Hún er móðgandi við meirihluta heimsins sem virkilega býr við erfið skilyrði, skilyrði sem við flest á Íslandi getum ekki ímyeinu sinni ímyndað okkur.  Myndin er af fólki sem á erfitt með að gefa börnum sínum að borða, halda á þeim hita, sjá til þess að hafi þak yfir höfuðið á hverju kvöldi, að halda á þeim lífi...... og þá erum við ekki farin að tala um þá hluti sem vér Íslendingar teljum sjálfsögð MANNRÉTTINDI, eins og að börnin gangi í skóla, komist til læknis ef veik.... en við hins vegar kvörtum yfir að ekki öll börn hafi sama rétt á tómstundum (píanónám og fimleikar hafa verið nefnd sem dæmi - ég veit um fólk sem hafði ekki efni á að kaupa EINN fótbolta handa öllum strákunum í hverfinu!).  Og á þessum skelfilega erfiðum tímum í lífi okkar þá kvörtum við yfir að ekki ókeypis tannlæknaþjónustu handa börnunum okkar!  Og svo á náttúrulega byggja tónlistarhús, taka þátt í Eurovision, vera "sæt og cool" en bara "ekki borga reikninginn".  Af því við eigum svo bágt og til of mikils til ætlast að stöndum við skuldbindingar okkar???  Geri mér grein fyrir að einhverjir telja okkur ekki "þurfa" að borga en þeir virðast í minnihluta (hlusta á þeirra rök þó því miður finnist rökin að við eigum að borga sterkari - og ef maður trúir þeim rökum þá erum við sennilega að borga minna en við ættum að borga :-o).  Hins vegar málið flóknara en bara það.  Snýst líka um að axla sína ábyrgð, því við getum ekki sagt að íslensku bankarnir (þ.e. útibúin, ekki dótturfélögin) séu á ábyrgð annarra en okkar?  En við höfum sýnt og sannað síðustu ár að siðferði er ekki okkar sterkasta hlið :-o

Sástu Slumdog Millionaire?  Það ótrúlega við þá mynd að var ekki Hollywood stæling á indversku "slummi", hún var tekin þar sem raunverulegt fólk, fólk eins og ég og þú býr 365 daga ársins.  Og fólkið sem býr þannig er margfalt margfalt margfalt fleiri en við aumingja Íslendingar sem þurfum núna að "neita" okkur um svo margt...... eins og píanótíma fyrir börnin eins og einhver kvartaði yfir í einhverjum fjölmiðlunum um daginn.   Ég held því miður að við vitum ekki hversu gott við höfum það í raunninni - þrátt fyrir kreppu!!!  Lífskjörin 2007 voru hins vegar ekki raunveruleg, við vorum aldrei ríkasta þjóð í heimi - við vorum bara duglegust í heimi að taka lán. 

Veit þú ert algjörlega ósammála mér, en vona samt að skoðir rökin með og á móti með opnum huga.  Þú ert orðin nógu gömul og gáfuð til að vita að hlutirnir eru sjaldnast alveg svartir eða hvítir, spurningin er frekar hvaða grái litur er ráðandi.  Þú yrðir miklu betri bloggari ef "héldir" aðeins aftur af þér og fjallaðir um fleiri hliðar málsins.  Vinsamleg ábending "believe it or not" ;-)

[Rakel Sigurgeirsdóttir, 7.6.2009 kl. 03:09]

Mig langar til að benda á að Jakobína setur fyrirsögnina „framtíð skuldara“ á þessa mynd. Það er þess vegna líklegt að hún sé að vísa til þeirra sem hafa þegar misst húsið sitt eða standa frammi fyrir því í nánustu framtíð. Hversu líklegt er að þeir geti komið sér upp nýju miðað við það sem stefnir í? Frystingu launa, ört hækkandi vöruverð, aukin skattlagning á ýmsa vöruflokka, hækkun á þjónustugjöldum og sum ný verða fundin upp innan velferðarkerfisins sem hefur hingað til verið niðurgreitt og svo mætti lengi telja.

Finnst þér, ASE, líklegt að fólk sem missir húsnæði sitt í þessum darraðardansi hafi mikla möguleika á því að koma sér upp eigin húsi. Það getur jú leigt en hverjir eiga eftir að eignast húsin? Verða það einhverjir sem ætla að leigja þau gegn vægu verði svo allir þeir sem um ræðir geti ráðið við að borga hana, reikningana sína, tilfallandi gjöld og haft í sig og á? Líka þeir sem eru á skertum bótum sem er verið að skerða núna um 10%.

Mér finnst það reyndar virkilega móðgandi að þú skulir ekki hafa meiri samúð með meiri hluta heimsins en ekki löndum þínum og reyna að gera lítið úr þessari myndbirtingu Jakobínu með þeim hætti sem þú gerir.

Þú segir: Myndin er af fólki sem á erfitt með að gefa börnum sínum að borða, halda á þeim hita, sjá til þess að hafi þak yfir höfuðið á hverju kvöldi, að halda á þeim lífi... Vissir þú að það voru til einstæðir foreldrar sem stóðu nánast í þeim sporum sem þú lýsir með þessum orðum á þeim tíma sem sumir leyfðu sér að kalla góðæri? Hvernig heldur þú að staða þeirra sé í dag? Af hvaða ástæðu heldur þú að Rauði krossinn, kirkjurnar, mæðrastyrksnefndir, félagsmálastofnanir og Fjölskylduhjálpin sé að kikna undan neyðinni sem starfsmenn þessara stofnana horfa upp á í hverri viku?

Það hjálpar engum út úr neyð að benda á aðra stærri. Hungurverkir þeirra sem líða fyrir þá hér á landi hverfa ekki þó fjöldi þeirra hungruðu sé stærri einhvers staðar annars staðar í heiminum!

[Júlíus Björnsson, 7.6.2009 kl. 04:10]

Sérðu í alvöru okkur Íslendinga sem alsaklaus fórnarlömb í uppbyggingu hinnar al-íslensku alþjóðlegu fjármálamiðstöðvar sem vér Íslendingar vorum svo hreykin af fyrir innan við ári síðan?  

Tali sérhver fyrir sig. Margir voru ánægðir með væntingar  sem þeir keyptu í þekkingarleysi. Fjölmiðlarnir voru nú aldeilis ekki að tala máli hins þögla meirihluta sem nauðugur viljugur þurfti að láta þvílíkt snobb vaða yfir sig að maður hefur aldrei kynnst öðru eins. Meira en 2/3 hluti þjóðarinnar fékk engar launahækkanir miðað við evrur  frá 1995 , heldur lækkanir og meira framboð lágvöru með minni þjónustu nema þú værir VIP og tölum ekki um húsnæðislánin með neysluverðtryggingu þess sem lánar: hann getur haldið bruðlinu áfram þegar allir aðrir eru komnir á hausinn og skuldugir upp fyrir haus. Engin von að nokkur önnur þjóð í heiminum láta bjóða sér slíka vaxta viðmiðanir. Enda almennt fjárlæsi víst ekkert á Íslandi og síst í fræðasetrum að mínu mati. 

Þeir sem sem verja Ný-íslensku Neysluverðtrygginguna á íslenskum heimilisíbúðum virðast telja allar aðrar þjóðir fávísar. Ég dreg þá ályktun að aðrar þjóðir sem bregðast ekki viðteknum hefðum um Mortgage loan hafi fullt vit.

Það er engin furða að þegar þeir sem taka ákvarðanir í fjármálum þjóðarinnar eru svo heimskir í alþjóðlegum samanburði að komið er fyrir okkur eins og staðan er í dag.  Úthrópuð út um allar jarðir fyrir fáfræði og spillingu.   

[Jakobína Ingunn Ólafsdóttir, 7.6.2009 kl. 04:17]

Takk fyrir innlitið Rakel og þarfar ábendingar til ASE og ég ætla að bæta við þær.

Í fyrsta lagi segri þú:

Sérðu í alvöru okkur Íslendinga sem alsaklaus fórnarlömb í uppbyggingu hinnar al-íslensku alþjóðlegu fjármálamiðstöðvar sem vér Íslendingar vorum svo hreykin af fyrir innan við ári síðan?  

ASE ég átti ekki neinn þátt í uppbyggingu hinnar alþjóðlegu fjármálamiðstöðvar né heldur nokkur maður sem ég þekkti. Ég hef aldrei verið hreykin af henni og kannast ekki við að venjulegt fólk hafi verið það. Ég hafði engin áhrif. Ég réði ekki yfir bankamálaráðuneytinu eins og samfylkingin og ég réði heldur ekki yfir fjármálaeftirlitinu eins og samfylkingin gerði. Ég er ekki Jón Sigurðson sem lagði blessun sína yfir Icesavereikninganna. Ég ber enga ábyrgð á þessum reikningum og engin skylda til þess að fjármagna ábyrgð þeirra. Þetta var spilavíti í boði samfylkingar og aðila sem hafa styrkt samfylkinguna veglega.

Ef við viljum halda einhverri sjálfsvirðingu ASE þá sveltum við ekki fólk á Íslandi til þess að fagfjárfestar á Bretlandi sem spiluðu djarft þurfi ekki að tapa á fífldirfsku sinni.

Hvernig í ósköpunum dettur þér í hug að segja: En við getum ekki skorast undan þeirri ábyrgð sem okkur ber.

Ríkissjóður ber enga ábyrgð á Icesave. Það er mjög skýrt. Það er eingöngu þjónkunarvilji samfylkingarinnar sem ræður för. Skömmin er Jóhönnu Sigurðardóttir sem hefur selt velferð þjóðarinnar í von um nokkur sæti á þingi ESB.

Eftir gjörning samfylkingar og VG í fyrrinótt verður mér flökurt þegar ég hugsa til þeirra sem standa að þessum ósóma.

[Jakobína Ingunn Ólafsdóttir, 7.6.2009 kl. 04:25]

....og ASE smá athugasemd...

Þú segir:

Þú yrðir miklu betri bloggari ef "héldir" aðeins aftur af þér og fjallaðir um fleiri hliðar málsins.  Vinsamleg ábending "believe it or not" ;-)

Ég blogga ekki til þess að verð "miklu betri bloggari." þann dag sem ég fer að hafa áhyggjur af því hvort að ég sé góður eða vondur bloggari legg ég upp laupana sem slíkur.

Ég blogga til þess að skoðunum mínum á framfæri. Ekki þínum. Þannig er það bara.

Ef þér finnst vanta "gæðablogg" og ert þess vegna að hvetja bloggara þá vil ég benda þér á að stofna bara blogg sjálf og hætta að skrifa undir dulnefni.

[Ómar Geirsson, 7.6.2009 kl. 08:52]

Blessuð Jakobína.

Ein mynd segir meira en mörg orð.

En fólki er á vissan hátt vorkunn því það vill ekki horfast í augu við það sem er að gerast.  Það er verið að byggja upp nýja spilaborg en núna ekki spilaborg fjármála og auðs heldur spilaborg skulda.  Neðst er bakið á venjulegum Íslending og ofan á það bak er spilaborginni hlaðið nema að hún snýr öfugt.  Ef einhver finnst að hann eigi eitthvað inni hjá Jóni og Gunnu, þá er spili bætt ofaná.  En það er sagt að þetta sé alltí lagi því spilaborgin mun ekki hrynja.  Það er allt svo hagstætt og gott og það er enginn sviptivindur alþjóðlegrar fjármagnskreppu og bráðum styrkist krónan og hagvöxtur eykst og bætum svo fleirum spilum við.

Stendur á meðan ekki fellur.  En ef fellur, jæja þá ætlum við í elítunni ekki að borga.  Þú gerir það Jón minn og Gunna.  Sorrý, fer á barinn í Brussel.

En verst er að fólk skuli ekki skilja neyðarréttinn.  Látum það vera þó deilt sé um réttmæti ICEsave og stjórnin vilji svíkja þjóð sína um þann grundvallarrétt að láta reyna á málið fyrir Evrópudómstólnum.  Segjum að þetta sé svona að við eigum að borga hverja krónu í boði Jóns Baldvins.  En við ráðum ekki við það.  Þetta er  ekki hægt nema með miklum þjáningum og fórnum hins venjulega manns.  Og sá maður hafði ekkert með þessa ákvörðun að gera og gat aldrei haft nein áhrif á tilurð hennar.  

Á hann að borga og þjást til að landið haldi meintri reisn sinni??  Mitt svar er nei.  Ekkert stjórnvald hefur vald til þess að leggja svona birgðar á þjóð sín og framtíð hennar.  Slíkt gerist aðeins í einræðisríkjum.  

Þeir sem tala um reisn þjóðarinnar í svona máli eru þeir sem annað að tveggja, skilja ekki alvöru málsins eða þeir telja sig sleppa hlutfallslega betur en aðrir.

Kveðja að austan.