Dýr embætti fyrir evrópufræðingana

-Því annars getur liðið langur tími þar til Ísland fær inngöngu í Evrópusambandið, segja Hollendingar.

Og hvað segir Verhagen? Að "lausn Icesave deilunnar" myndi sýna það og sanna að Íslendingar taki tilskipanir ESB með alvarlega. Hvaða tilskipanir ESB er hún að tala um?

Er það tilskipun sem segir að Hollendingar og Bretar þurfi að eignast ríkiseignir og auðlindir Íslendinga?

Er það tilskipun sem segir að engin þörf sé fyrir heilbrigðisþjónustu og skóla á Íslandi?

Eða er til einhver tilskipun sem segir að Íslendingar eigi bara að skrifa undir Icesave samninginn?

Ég hef alla vega hvergi sé tilskipun sem segir að ríkið sé ábyrgt fyrir tryggingarsjóði innistæðna. Þvert á móti segir í tilskipun um ábyrgð að aðildarríki eigi ekki að ábyrgjast þessa tryggingasjóði.

Mér finnst skelfilegt til þess að hugsa að tveir stjórnmálaflokkar sem kenna sig við jöfnuð og samtryggingu skuli af annarlegum ástæðum vera tilbúnir til þess að fórna þjóðarhag fyrir inngöngu í bandalag sem hefur frá hruninu í haust unnið markvisst gegn því að þjóðarbúið rísi upp.

Það hefur oft verið talað um að velferðakerfið verði brotið niður. Það er markmið Alþjóðagjaldeyrissjóðsins.

Alþjóðagjaldeyrissjóðurinn gengur sífellt lengra og lengra í kröfum sínum og mun ekki hætta fyrr en heilbrigðisþjónusta verður einungis fyrir þá sem geta greitt fyrir hana sjálfir. Sama gildir um skóla og öryrkjum og öldruðum verður skammtaðar bætur undir fátæktarmörkum.

Þetta þýðir einfaldlega að líf fólks sem býr við fátækt mun styttast og dánartíðni mun aukast.

Öryggisgæsla mun aðallega takmarkast við að auka öryggi þeirra sem eiga eitthvað undir sér.

Ástæðan fyrir því að almenningur rís ekki upp er að hann getur almennt ekki lesið í þýðingu þeirra aðgerða sem boðaðar eru í nafni Alþjóðagjaldeyrissjóðsins.

Á meðan almenningur skilur ekki þýðingu þess sem er að gerast er alþjóðagjaldeyrissjóðurinn að þrýsta á yfirvöld um að flýta athöfunum sem munu leiða hörmungar yfir almenning. Og hann krefst þess að það sé gert í leyni.

Þrýst á Íslendinga

Athugasemdir

[Anna Benkovic Mikaelsdóttir, 22.7.2009 kl. 01:55]

ég skil ekki alveg?

[Esther Anna Jóhannsdóttir, 22.7.2009 kl. 02:03]

Þessi fáfræði Utanríkisráðherra Hollands finnst mér eiginlega jafn alvarleg og þær hótanir sem hafa átt sér stað því svona aðilar tala sínu máli í fjölmiðlum og sannfæra fólk um eitthvað sem þeir hafa ekki einu sinni vit á. Kallast LÝÐSKRUM!!

Þú komst einmitt rétt að málinu með að segja að tilskipun ESB kvæði á um að ríkisábyrgð skuli ekki vera á tryggingarsjóðum innistæðueigenda. Fáir hafa minnst á þetta! Þetta álit er einmitt til skriflegt frá nokkrum stærstu ríkjum ESB (þ.á.m. Bretum og Frökkum). Þ.e. að ríkisábyrgð á tryggingarsjóðum "skekki" samkeppnisstöðu fjármálastofnana. Ríki sem myndu veita ábyrð á tryggingarsjóðum væru þannig að skapa sínum fjármálastofnunum samkeppnisforskot, .... sem væri hreint brot á samkeppnislögum ESB. Athyglisvert hvað þeir eru mikið í þversögn stundum.

[Jakobína Ingunn Ólafsdóttir, 22.7.2009 kl. 03:11]

Anna það kemur ekki fram hvað þú skilur ekki alveg en mér dettur helst í hug þessi setning "Ástæðan fyrir því að almenningur rís ekki upp er að hann getur almennt ekki lesið í þýðingu þeirra aðgerða sem boðaðar eru í nafni Alþjóðagjaldeyrissjóðsins."

Þarna er ég að vísa til þess að þegar talað er um niðurskurð í hundruðum milljóna þá eru ekki allir sem átta sig á hvað það þýðir.

Það þýðir að ríkið hættir að standa undir ýmissi opinberri þjónustu og að einstaklingar sem vilja njóta hennar áfram þurfi að greiða fyrir hana sjálfir.

Þeir sem ekki hafa efni á að greiða há skólagjöld fyrir börnin sín munu fá aðgang að troðfullum skólum sem stríða við mikinn félagslegann vanda.

Hinir, t.d. þeir sem hafa rænt þjóðina munu kaupa börnin sín inn í einkaskóla.

Ég las nýlega að til stæði að stofna einn slíkan í húsnæðinu sem áður var heilsuverndarstöð Reykjavíkur.

Mæðravernd verður einnig lögð niður nema fyrir þá sem geta borgað fyrir hana sjálfir. Gera má því ráð fyrir að ungbarnadauði aukist hjá þeim hluta þjóðarinnar sem hefur verið rændur en ekki hjá hinum sem rændu hana.

Framtíðarsýn samfylkingarinnar eða skortir hana framtíðarsýn?