Miðað við það sem líklegt er talið

300 milljónir fyrir ráðgjöf sem bendir á það sem líklegt er talið út fram takmörkuðum forsendum.

300 milljónir fyrir ráðgjöf

Athugasemdir

[zappa (IP-tala skráð) 7.8.2009 kl. 17:07]

eru svo ekki skilanefndirnar með utanaðkomandi lögfrðæðinga á 2007 launum ? las einhvernstaðar í dag að einn reikningurinn hefði hljóðað uppá 250milljónir,bara frá einni lögmannsstofu FYRIR RÁÐGJÖF!!!!!!!!!!

[B.N. (IP-tala skráð) 8.8.2009 kl. 11:10]

Formaður skilanefndar kveðst ekki hafa samið við eigin lögfræðistofu

Lárentsínus Kristjánsson

Föstudagur 7. ágúst 2009 kl 11:37

Höfundur: ([e-mail])

,,Lárentsínus Kristjánsson, formaður skilanefndar Landsbankans, kom hvergi nærri samningsgerð við Lögfræðistofu Reykjavíkur um innheimtustörf að því er fram kemur í yfirlýsingu frá skilanefndinni.

DV greinir frá því í dag að Lárentsínus sé einn af eigendum Lögfræðistofu Reykjavíkur og að hún hafi sent Existu 250 milljóna króna reikning vegna innheimtu á 27 milljarða láni sem skilanefnd Landsbankans gjaldfelldi nýverið á Exista. Yfirlýsing skilanefndar vegna fréttarinnar er birt hér í heild:

1. Þegar Skilanefnd tók við stjórn Landsbanka Íslands hf. síðastliðið haust voru mörg stór og
áríðandi mál sem þurfti ýmist að leysa eða setja í farveg án tafar til að viðhalda verðmætum
innan bankans og tryggja áframhald íslensks fjármálalífs. Eitt af málum sem fyrir Skilanefnd
kom var lánveiting bankans til Exista, sem þá þegar var komið í alvarleg vandræði. Gerði
Skilanefnd af því tilefni ítarlegan verksamning við lögmann hjá Lögfræðistofu Reykjavíkur þar
sem honum var falið að innheimta kröfur bankans við Exista. Lárentsínus Kristjánsson vék
sæti í Skilanefnd við umræðu og atkvæðagreiðslu um þann samning.

2. Lögmannsstofa Reykjavíkur er ein sú stærsta á Íslandi og þar er mikil reynsla í
viðskiptamálum af þessu tagi. Lárentsínus kom hvergi nærri samningsgerð á stofunni vegna
málsins. Skilanefndin hefur gert samninga við margar aðrar lögmannsstofur um ýmis
verkefni.

3. S.l. haust var verksamningur gerður við LR vegna verkefnisins fyrir Skilanefndina sem byggir á tímagjaldi. Í samningnum er ákvæði sem mælir fyrir um að innheimtukostnaður verði aldrei
greiddur af bankanum umfram tímagjald lögmannsins. LR annast innheimtu gagnvart Exista,
eins og aðrar lögfræðistofur, á grundvelli almennrar gjaldskrár fyrir lögfræðiþjónustu.

4. Um er að ræða formbundna innheimtukröfu eins og tíðkast hjá lögmannsstofum, sem
jafnframt tekur mið af fjárhæð þeirrar kröfu sem undirliggjandi er. Í ljósi aðstæðna má búast
við, skv. innheimtusamningnum, að málið fari í þann farveg að LR fái tímagjald fyrir þjónustu
sína eða miklu lægri fjárhæð en sem nemur heildartölunni í hinni formlegu kröfugerð. Ef
krafan ásamt innheimtukostnaði innheimtist að fullu verður kostnaðurinn greiddur af
skuldara, ekki af bankanum.

5. Exista hefur verið í viðræðum við kröfuhafa um greiðslu krafna þeirra. Þær niðurstöður hafa
ekki leitt til ásættanlegrar niðurstöðu að mati Skilanefndar Landsbanka Íslands hf. og var
krafan því, sem var í vanskilum, send í lögfræðiinnheimtu eftir að Skilanefndin hafði gert
sérstakan innheimtusamning í því skyni að lágmarka kostnað bankans af innheimtunni. Fram
hefur komið í fjölmiðlum varðandi Exista, sem er í nauðasamningum við kröfuhafa, að kröfur
á félagið séu mun hærri en eignir þess. Krafan um innheimtukostnað verður að skoðast í því
samhengi.

Skilanefnd Landsbankans tekur fram vegna orðalags í upphaflegu tilkynningunni (sjá hér að ofan), að Exista sé ekki í nauðasamningum við kröfuhafa. Rétt sé að reyndir voru samningar við kröfuhafa sem ekki náðist samkomulag um.''

Leyfi mér að setja þessa frétt hér fyrir ofan inn sem ég var að lesa á dv.is rétt í þessu. Ég fann fyrir miklum hita í æðakerfinu við lesturinn. Stór partur lögfræðistéttarinar er hættulegasta klíkan í dag hér á landi og hefur reyndar verið það  í mínum huga í 25 ár. Fólk ætti frekar að hafa auga með þeim heldur en lögreglunni því þessi klíka heldur á stjórntækjum lýðræðisins hér á Fróni sem sagt mjög hættulegir heilbrigðu þjóðfélagi og mannréttindi almennings eru í mikilli hættu með þessa klíku innanborðs það get ég svarið.

Baldvin Nielsen Reykjanesbæ

[Árni Gunnarsson, 8.8.2009 kl. 21:20]

Ef ég man rétt Baldvin þá hefur enginn forseti ellegar forsætisráðherra í minni tíð tekið til máls á hátíðarstundum s.s. um áramót eða 17. júní án þess að mæra íslenst æskufólk. Og ástæðan er yfirleitt sú hversu mikla áherslu þetta fólk leggi á að sækja sér menntun og hversu mikinn svip þeirrar menntunar megi greina í fasi þess og glæstri og óþvingaðri framgöngu. Nú veit ég ekki betur en að á hverju ári útskrifi háskólar okkar í hundraðavís, lögfræðinga, stjórnmálafræðingu, hagfræðinga, viðskiptafræðing, félagsfræðinga, guðfræðinga og guð má vita hvaða akademisk nöfn allir þessir spekingar bera. 

Sýnist þér hagvöxtur þjóðarinnar (hagvöxtur er eini mælikvarði gáfumanna og pólitíkusa í dag) -hafa aukist í hlutfalli við alla þessa skólagöngu sem er forgangsverkefni ríkisféhirðis að borga gegn um langa sögu.

Icesave reikninginn er íslensku þjóðinni ekki skylt að borga að minni hyggju. En þegar Landsvirkjun verður lýst gjaldþrota einhvern fagran morgum þá mun það koma í ljós að íslensku þjóðinni verður gert skylt að borga tapið á mestu umhverfisspjöllum Íslandssögunnar af mannavöldum.

Og mér sýnist að stefni í þann dag áður en þau Valgerður frá Lómatjörn, Friðrik Sóph., Halldór Á, Davíð og Sigurður Arnalds- svo einhverjir stærstu brunnmígar okkar séu nefndir- komast á þokkaleg eftirlaun, sem auðvitað verður forgangsverkefni að greiða. 

Hvenær ætlar þessi næsti Jörgen Jörgensen fari að láta sjá sig með metnaðarfulla tilraun til að bjarga okkur Íslendingum frá eigin volæði og vanburðum sem við getum ekki lengur kennt um lýðræðislegum skorti?

[B.N. (IP-tala skráð) 9.8.2009 kl. 11:20]

Já undir þetta get ég tekið hjá þér Árni. Það er  nokkuð ljóst að í Borgarahreyfingunni verður ekki nýjan Jörgen Jörgensen að finna þar tröllríður einn þingmaður sem klæðist fjórflokkagærunni og virðist vinna skipulega að eyðilegja listaverkið ,,Þjóðin á þing''. Íslendingar eru sjálfum sér verstir og eftir því er tekið á heimsvísu um þessar mundir. Hvað sagði Halldór Laxnes um okkur aftur og gerði allt vitlaust á sínum tíma?

Baldvin Nielsen, Reykjanesbæ