Hefur Össur glatað sakleysi sínu?

Mikið samneyti Össurar við útrásarvíkinganna og náin tengsl hans við bankahrunið leiddi til þess að hann þorði ekki í prófkjör fyrir síðustu kosningar heldur stillti sjálfum sér upp á lista í óþökk margra samfylkingarmanna.

Össur er ekki þjakaður af félagshyggjuhugsjónum og ég fæ ekki betur séð en að sakleysið sé horfið úr augnaráði hans.

Heilbrigð samskipti og skoðanaskipti eiga sér stað innan Vinstri grænna sem beigja sig ekki skilyrðislaust undir foringjan sem að öllum líkindum hefur einnig glatað sakleysi sínu. Hafi hann einhvern tíma verið félagshyggjumaður þá er að líklega liðin tíð.

Ég vona að Ögmundur og aðrir þeir sem telja að velferð afkomenda okkar sé mikilvægari en að byggja varnir um glæpamenn haldi áfram að verja stöðu hinna saklausu, þ.e.a.s. almennings í því efnahagsstríði sem blásið hefur verið til gegn Íslandi.

Ríkisstjórn á suðupunkti

Athugasemdir

[Arnar (IP-tala skráð) 11.8.2009 kl. 14:50]

Þegar ég vakna á morgnana á mínum börnum og velti fyrir mér hvernig velferð þeirra er best tryggð til framtíðar þá kemst ég daglega að þeirri niðurstöðu að það sé með því að búa í samfélagi þar sem atvinnulífið, sjálfur grundvöllur bættra lífskjara, menntunar, velferðar og heilbrigðiskerfis, á raunveruleg sóknar- og vaxtarfæri.

Til að svo megi verða þarf ég að hafa kjark til að horfast í augu við staðreyndir, viðurkenna þá lágmarksábyrgð sem ríkið undirgengst með lögum fyrir mörgum árum, þótt óréttlátt sé í dag, bíta á jaxlinn og borga eins og hægt er svo við komumst út úr gjaldeyriskreppu og efnahagsþrengingum sem fyrst. Ef við lendum í erfiðleikum vegna afborgana að sjö árum liðnum vegna breyttra forsenda getum við þó allavega borið höfuðið hátt þegar við leitum eftir virkjun endurskoðunarákvæða samningsins og eigum þá einhverja von um að njóta skilnings og samúðar.

Valkosturinn er uppgjöf gagnvart verkefninu og það kjarkleysi að reyna ekki einu sinni að vinna þjóðina út úr vandanum með verðmætasköpun og uppbyggingu. Og afleiðingarnar eru líklega alvarlegri en flestir hafa hugarflug til að sjá fyrir, því miður.

[Jakobína Ingunn Ólafsdóttir, 11.8.2009 kl. 15:01]

Arnar annað hvort átt þú fullt af peningum sem þú hefur grætt á útrásartímabilinu eða þá þykir þér ekki mjög vænt um börnin þín ef þú vilt að þau gangi svöng til þess að verja glæpaliðið sem hefur verið hér við völd.

Þegar ég las textann þinn datt mér fyrst í hug að Steingrímur væri að skrifa undir dulnefni en svo sá ég að þú talar um lágmarksábyrgð en ég held að Steingrímur viti fullvel að Svavar samþykkti að greiða hundruðir milljarða umfram lágmarksábyrgð.

Það ber vott um kjarkleysi að beygja sig undir kúgun Hollendinga og Breta. Samningurinn mun koma í veg fyrir verðmætasköpun og uppbyggingu í áratugi og ég held einnig að Steingrímur og Össur geri sér grein fyrir því en þeir hafa bara glatað sakleysi sínu og hafa ekki áhuga á að verja þjóðina.

[DanTh, 11.8.2009 kl. 20:57]

Í þessari draumaveröld Arnars er verið að gera þúsundir fjölskyldna eiganalaus.  Bankarnir sem tjónuðu okkur eru í nýjum búningi að gera okkur að leiguliðum sínum. 

Það væri fróðlegt að geta skoða þá einstaklinga sem svo berja sér á brjóst að þetta sé bara ekkert mál, einfaldast sé bara horfast í augu við ranglætið og borga.  Það er ekki hægt að treysta skrifum af þessu tagi.  Fyrir mér eru þessir menn búnir að eyðileggja 23 ára streð mitt við að koma mér þaki yfir höfuðið.  Það á ekki að vera nein sátt um slíkt, við eigum ekki að borga krónu fyrir þetta hyski.  Það væri kannski ráð að fólk eins og Arnar tæki þetta bara að sér.