Er landinu enn stjórnað af glæpamafíu?

Samfylkingin kom sér til valda með gríðarlegum fjármunum sem hún þáði af Björgólfsfeðgum.

Forysta hennar tók engan séns á því að missa völd og stillti sér upp í fyrstu sæti í prófkjöri í síðustu kosningum.

Innan samfylkingar eru enn aðilar tengdir glæpaöflunum og vinna að því að vernda þau en hafa ekki velferð þjóðarinnar í huga.

Hvað segir það okkur að stjórnvaldið rær nú að því öllum árum að láta þjóðina borga skuldir Björgólfs Thors?

Gleymum því ekki að Björgólfur Thor er aufúsugestur Gordon Browns

Kröfur upp á 316,6 milljarða

Athugasemdir

[Jón Lárusson, 24.8.2009 kl. 17:01]

Það er alveg ótrúlegt að þegar hrópað var "vanhæf ríkistjórn", þá var nóg ef helmingurinn fór frá? Auðvitað hafði Sjálfstæðisflokkurinn verið í stjórn feikna langan tíma og það þjóðfélag sem við bjuggum við, verið afsprengi hugmyndafræði þeirra. Hins vegar verður að líta til þess að Samfylkingin var í stjórn fyrir hrun og átti sinn þátt í því að ekki var brugðist við strax í upphafi. Enda þá þegar kominn í valdaránsgýrinn með VG.

Svo er það fylgispekkt Samfylkingarinnar við Baugsveldið og "félaga" þess, en það er eitthvað sem verður að taka tillit til í umræðunni. Samfylkingin stóð dyggan vörð um hagsmuni þessara manna og þegar Davið, eftir að hann fór að átta sig á því hvað var að gerast (var svona hálfgerð hrópandi rödd í eyðimörkinni) og vildi reyna að sporna gegn þessu, þá var það Samfylkingin og Allaballaforinginn gamli Ólafur Ragnar sem stigu fram fyrir skjöldu þessara manna.

Ég veit ekki hvort hægt sé að kenna einhverjum einum eða tveimur um þetta allt saman, en það veit ég að margir komu að þessu á einn eða annan hátt og geta allir flokkar borið skömm fyrir. VG er kannski sá flokkur sem einna helst kemst upp með að halda því fram að þeir hafi ekki komið nálægt þessu, en framferði þeirra síðan þeir komust í stjórn hefur svo sannarlega fyrirgert öllum rétti þeirra til geislabaugsins.

[Finnur Bárðarson, 24.8.2009 kl. 17:19]

Það sem ég held að allir "stóru" (trúlega ekki VG og BH) flokkarnir séu svo innpakkaðir í þessa spillingu að engum af þeim hugnast nein rannsókn eða uppgjör.

[Ábyrgðarmaðurinn (IP-tala skráð) 24.8.2009 kl. 19:09]

Munum að það átti ekki að persónugera hrunið.

Ef að ég les í stöðuna í dag og það sem ég finn á samborgurum eiga valdhafar aðeins einn kost og hann er sá að kryfja málið til mergjar, kalla gerendur til ábyrgðar og svipta leyndarhjúpnum af uppgjörinu m.a. að opna lánabók Landsbankans og Glitnis. Icesave fjármunina þarf einnig að staðsetja og sækja.

Að sjálfsögð á að opna þessa ormagryfju til fulls, fólkið í landinu á rétt á því.

[Ragnar Eiriksson (IP-tala skráð) 24.8.2009 kl. 19:31]

Auðvitað eru flestir glæpamenn sem að þessum málum koma!    Var að hlusta á fréttirnar þar sem sagði frá nauðarsamningum m.a. Eimskip, Milestone, Exista o.fl. sam væru í burðarliðnum - og svo kom í endirinn að nauðarsamningar væru vernd eigendanna (og stjórnvalda) fyrir að leiðindamál kæmu upp á yfirborðið - lokið væri sett á ormagryfjuna!!!!!!!

Glæðahyski allt saman!

Ragnar Eiríksson

[Baldur Fjölnisson, 24.8.2009 kl. 20:38]

Ríkisvaldið skilgreinir sjálft hvað er glæpur og hvað ekki og gúmmístimplar á álþingi setja lög um það. Til að verða gúmmístimpill þarftu peninga og þú þarft að fá smettið á þér prómóterað í ruslveitum og keypta álitsgjafa til að hæpa þig. Peningarnir og ruslveiturnar eru í eigu hagsmunaaðila sem yfirleitt ekki henda peningum í gúmmístimpla að gamni sínu heldur vilja þeir fá eitthvað fyrir sinn snúð. Slíkt kerfi þróast smám saman yfir tímabil í allsherjar mafíudrifið hóruhús. Menn horfa framhjá spillingu og hagsmunaárekstrum fram í rauðan dauðann og þegar draslið loks fyrirsjáanlega hrynur þá vilja þeir bara koma af fjöllum og meina að þetta hafi enginn getað séð fyrir eða að ófarirnar séu öllum að kenna (og þar af leiðandi engum sérstökum) og svo framvegis. Þið þekkið þetta spinn. Þetta er einn allsherjar heilaþvottur áratugum saman. Og hann heldur áfram. Enn á að reyna að ljúga dauðvona efnahagskerfi áfram þangað til húsbændur gúmmístimplanna hafa hirt allt helv. draslið fyrir ekki neitt og stolið þessu landi að fullu.

[Baldur Fjölnisson, 24.8.2009 kl. 21:13]

Þetta sama ríkisvald hefur líka úrskurðað sjálfu sér einkaleyfi á ofbeldi auk margvíslegra heimilda sem það fann sjálft út til að ráðskast með pétur og pál og gefa þeim náðursamlegast leyfi fyrir hinu og þessu og vera með massíf eftirlits- og forsjárhyggjuapparöt og aðrar atvinnuleysisgeymslur í því skyni. En hvaðan kemur hin raunverulega heimild ríkisvaldsins fyrir þessu öllu? Okkur er jú sagt að ríkið samanstandi af okkur þegnunum og auðvitað er það rétt. En ég sem einstaklingur hef engan rétt til að ráðskast með hvað aðrir eru að bardúsa. Ég get ekkert skipt mér af því hvort einhver kaupmaður vill hafa opið til þrjú á nóttinni til dæmis. Og aðrir þegnar þjóðfélagsins geta það ekki heldur. En samt telur ríkið sig geta það. Þessi jafna gengur ekki upp. Hvaðan kemur heimildin? Kannski frá guði? Hvernig getur ríkið fengið heimildir sem einstakar einingar sem mynda téð ríki hafa ekki?

[Auðun Gíslason, 24.8.2009 kl. 21:35]

Það verður fróðlegt að fá að sjá skýrsluna, sem Páll Hreinsson boðaði að verði birt þjóðinni í haust.  Með verstu fréttum sem þjóðin hefur nokkur tíma fengið!  Ef við, þessi þjóð sem er víst ekki þjóðin, fáum þá að sjá skýrsluna, ef hún verður þá ekki stimpluð sem ríkisleyndarmál.  Skv fræðunum hefur glæpur ekki verið framinn, nema hann komist upp,og trúlega verða í skýrslunni skjalfestar sannanir, sem svara spurningunni í fyrirsögn þinni játandi.  Nefndin virðist sem sagt ætla að vinna verkið sem henni var falið (þó annað hafi trúlega vrið ætlun þáverandi ríkisstjórnar). 

Baldur hefur að sjálfsögðu alveg rétt fyrir sér um ríkisvaldið.  Og í beinu framhaldi má vísa í Karl Marx:  Ríkisvald vorra tíma er aðeins framkvæmdavald ríkjandi stéttar. Sé framferði framkvæmdavalds ríkjandi stéttar glæpsamlegt, þá hlýtur hin ríkjandi stétt að vera einhverskonar glæpasamtök.  Og hverjir mynda þá þessi glæpasamtök.  Jú, eru það ekki blessaðir kapítalistarnir?  Eign er glæpur!

[Baldur Fjölnisson, 24.8.2009 kl. 23:24]

Þessar valdaheimildir sem nútíma ríkisvald hefur úrskurðað sér (en sem einstaklingarnir sem ríkisvaldið mynda hafa ekki) koma sjálfsagt frá fyrri tíð þegar valdið var hjá kóngum og öðrum einræðisherrum sem höfðu það frá guði að sögn þeirra áróðursmaskínu og þeir voru óskeikulir samkvæmt því eins og húsbóndinn ósýnilegi í himininum. Við erum víst ekki komin lengra en þetta þrátt fyrir gerviháskóla á hverjum fingri sem búa til vonlausa vitleysu á öllum sviðum þjónustuhagkerfisins á meðan framleiðsla flyst til Asíu. Og eftir sitjum við með hundaskyggnilýsingar og árulækningar og sogæðahreinsanir en fyrst og fremst skuldapappíraframleiðslu.