Sannleikurinn þaggaður niður

Ólafur Ragnar er eins og margir valdahafa á kafi upp fyrir haus í viðskiptalífinu og gjörsamlega vanhæfur til þess að taka ákvarðanir fyrir þjóðina.

Ég hef nokkuð fjallað um orðræðuna og hvernig stjórnmálamenn vinna markvisst að því að halda þjóðinni í fáfræði um þá alvarlegu atburði sem eiga sér stað í samfélaginu í dag.

Bloggarar og aðrir sem eru framtaksamir við að reyna hvetja almenning til þess að rísa upp gegn ósómanum eru ekki vinsælir í dag.

Hrannar fjallar um opin skoðanaskipti á bloggi sínu.

Gagnrýnin hugsun er list sem hægt er að temja sér. Á Íslandi þarf að skapa menningu gagnrýninnar hugsunar en markmið stjórnvalda hefur verið að berja hana niður í grunnskólum landisins í áratugi.

Þessu hafa hugsjónarkonur/menn barist gegn meðan valdhafar hafa boðað utanbókarlærdóm sem er bein árás á notkun dómgreindar.

Auk gagnrýninnar hugsunar þurfa landsmenn einnig að temja sér hugrekki til þess að koma skoðunum sínum á framfæri. Valdhafar eru alltaf í minnihluta og ef alþýðan hefur skilning og hugrekki til að rísa gegn valdinu mun hún hafa sigur.

Hér eru myndbönd um gagnrýna hugsun

Hér er annað myndband sem skýrir hvernig við fáum yfir okkur óhæfa stjórnmálamenn vegna þess að við notum ekki skýra hugsun við að greina það sem stjórnmálamenn segja. Oft tala stjórnmálamenn óskýrt og skilaboðin frekar loðin. Í öðrum tilvikum tala stjórnmálamenn greinilega í blekkingum og þeir eru hættulegir siðmenningunni.

Skýr hugsun og gagnrýnin hugsun er okkur gagnleg vegna þess að hún eykur hæfni okkar til þess að standa með okkur sjálfum og standa með umbótum í samfélagi okkar.

Þröngir flokkshagsmunir þurfa að víkja