Fjármagnssósílalismi sjálfstæðisflokksins krefst mannslífa

Ríkissjóður þandist út í tíð sjálfstæðismanna. Ekki birtist það í bættri þjónustu við almenning heldur ofurlaunum klíkutengdra aðila. Sjálfstæðisflokkurinn snérist í valdatíð sinni upp í einhverskonar öfugsnúinn kommúnisma. Íhlutun ríkissins í velferð fámenns hóps á kostnað almennings varð hið viðtekna.

Reikningurinn vegna fyrirætlana sjálfstæðisflokksins berst nú inn um bréfalúguna og krefst mannslífa.

Á St Jósefsspítala fengu sérfræðingar 24 milljónir fyrir 60% starf. Þetta var nettógreiðsla sem þó var greidd sem verktakalaun.

Það er augljóst að þegar samfylking og sjálfstæðisflokkur eru búin að rústa efnahagskerfi landsins og Alþjóðagjaldeyrissjóðurinn krefst þriðjungs niðurskurðar á velferðarkerfinu að ekki er hægt að halda úti starfsemi sem byggist á svona launum.

Dauðsföll sem rekja má til þess að fólk greinist ekki með sjúkdóma eins og ristilkrabbamein fyrr en á seinni stigum má rekja til óstjórnar á Íslandi og vondra ákvarðanna stjórnmálamanna.

Það er ábyrgðarstarf að stjórna landinu. Þegar stjórnmálamenn fara að leika sér með sjóði landsmanna, landslög og stofnanir skapar það eymd meðal þeirra sem þeir eru að ræna.

St. Jósefsspítala lokað hægt og hljótt

Athugasemdir

[TómasHa, 20.9.2009 kl. 12:22]

Þetta er nú meiri vitleysan. Gerðu þeir þetta á þeim fáum mánuðum sem þeir stjrónuðu heilbrigðistráðuneytinu? Væri ekki nær að horfa í einhverjar aðrar áttir?

[Fannar frá Rifi, 20.9.2009 kl. 12:23]

hversu mikil ukust útgjöld til heilbrygðismála í tíð sjálfstæðisflokksins? hvernig voru öll viðbrögð við því þegar breyta átti til í rekstri heilbrygðiskerfisins? engu mátti breyta, allt átti að vera alveg eins og það alltaf var. við það batnar ekkert en ekkert versnar kannski ekki heldur.

[Már (IP-tala skráð) 20.9.2009 kl. 13:34]

Starfsfólk sjúkrahúsana talar almennt um það að ekkert hafi verið gert á góðæristímum til að bæta sjúkrahúsinn.

Stöðnun er afturför.

[Jakobína Ingunn Ólafsdóttir, 20.9.2009 kl. 14:22]

Sæll Fannar frá Rifi útgjöld til heilbrigðismála tvöfölduðust frá árinu 2000 til 2008.

Útgjöld til heilbrigðismála voru árið 2000 um 73 milljarðar

Útgjöldi til heilbrigðismála voru árið 2008 um 156 milljarðar

[Fannar frá Rifi, 20.9.2009 kl. 15:42]

á hverju einasta ári var talað um niðurskurð í heilbrygðiskerfinu. á hverju einasta ári, alltaf tímanlega fyrir afgreiðslu herra fjárlaga fylltust allir gangar af sjúklingum. alltaf var talað um niðurskurð en samt hækkuðu fjárframlög?

það mátti engu breyta og þegar Sjálfstæðisflokkurinn fékk loksins heilbrygðismálaflokkinn og Guðlaugur Þór reyndi að breyta einhverju, þá var hellt sér yfir hann.  hann kallaður öllum illum nöfnum. það hefur aldrei mátt breyta, þó að breytingarnar leiði gott af sér. bara dæla inn peningum og loka augunum. 

ég vil að læknum sem vinna fyrir ríkið verði bannað að vinna á öðrum vinnustað. annað hvort vinnur þú hjá ríkinu eða ekki. 

[Jakobína Ingunn Ólafsdóttir, 20.9.2009 kl. 16:24]

Fannar frá Rifi

Guðlaugur Þór og sumir embættismenn heilbrigðisráðuneytisins voru á góðri leið með að einkavæða heilbrigðiskerfið að Amerískri fyrirmynd.

Heilbrigðiskerfið í Bandaríkjunum er það dýrasta í heimi og jafnframt eitt af því óskilvirkasta.

[Ágúst Ásgeirsson, 20.9.2009 kl. 16:41]

Það er óþarfi hjá þér að leiða athyglina frá Ögmundi með því að kenna sjálfstæðismönnum um stöðu mála á Jósefsspítala. Og Ögmundur hefði átt að tala gætilegar þegar hann tók við heilbrigðismálunum. Hann lofaði víðtæku samráði um framtíð spítalans og óskertri þjónustu. Vinnur hins vegar að því núna að leggja starfsemina niður á bak við tjöldin, eins og fram kemur í fréttinni.

Þú skipar þér í þann flokk sem telur upphaf og endi alls ófarnaðar hjá stjórnmálamönnum. Þar á meðal dauðsföll! Getur ekki verið að líka sé við fólkið sjálft að sakast; að það hugsi ekki um heilsu sína og bíði með að fara í tékk þar til of seint er orðið? 

Þetta segi ég því sjálfur reyni ég að bera ábyrgð á minni heilsu og hef um árabil farið einu sinni á ári í blóðprufur og tékk í varúðarskyni. Eiga menn ekki að hugsa um eigin líkama a.m.k. jafn vel og bílinn sinn. Fara ekki flestir með drusluna í verkstæðistékk með reglulegu millibili. Til hann fái a.m.k. skoðun? 

[Jakobína Ingunn Ólafsdóttir, 20.9.2009 kl. 16:53]

Sæll Ágúst

Vissulega ber fólk ábyrgð á eigin heilsu en ég er hrædd um að árleg tékk verði mörgum fjárhagslega ofviða í því árferði sem framundan er.

Þegar fólk þarf að velja á milli þess að geta keypt skólabækur handa börnunum sínum eða fara í tékk er ekki gott að segja hver forgangsröðunin verður.

Stjórnmálamenn bera höfuðábyrgð á velferðakerfinu en kjósendur verða að viðhalda minningunni um óhæfuverk forystu sjálfstæðisflokksins sem hefur breytt velmegandi nútímasamfélagi í eitt fátækasta samfélag í vestrænum heimi.

Sú niðurrifsstarfssemi sem á sér stað núna hjá leppstjórn AGS verður að skrifast á sjálfstæðisflokkinn vegna þess að það var "sjálfsstæðis"Flokkurinn...sem afsalaði fullveldinu til AGS.

[Guðrún Jónsdóttir (IP-tala skráð) 20.9.2009 kl. 23:03]

Nú er Ögmundur að sýna sitt rétta andlit. Verkalíðsfrömuðurinn, sem krítiseraði Gulla sem mest. En það sem gleymist í allri umræðunni er, sjúklingarnir sem sækja þurfa aðstoð og hjálp á St. Jó. Stór hópur fólks treystir á starfsemi spítalans eins og hún er í dag. Hvers vegna haldið þið að mótmælin hafi verið svona hávær í fyrra? Það er ALDREI hugsað um þá sem þurfa á starfsemi þessa spítala að halda.

[Jakobína Ingunn Ólafsdóttir, 21.9.2009 kl. 00:23]

Eru ekki sérfræðingarnir á st. Jósefs búnir að setja spítalann á hausinn með 40 milljóna launum sínum?

[Jakobína Ingunn Ólafsdóttir, 21.9.2009 kl. 00:40]

....sem Guðlaugur Þór samdi um við þá....

[Guðrún Jónsdóttir (IP-tala skráð) 21.9.2009 kl. 01:26]

Veistu Jakobína.  Þú hefur ekki hugmynd um hvaða starfsemi á sér stað á spítalanum.  Þú hefur greinilega aldrei þurft að sækja þér lækningar þangað.  Þú hugsar eingöngu um peninga.  Við sem sækjum okkur hjálp og eigum aðgang að spítalanum, hrís hugur við að missa hann. Hjá okkur síst þetta ekki um peninga, heldur um að halda heilsunni.

[Jakobína Ingunn Ólafsdóttir, 21.9.2009 kl. 04:08]

Guðrún Jónsdóttir þú hlýtur að gera þér grein fyrir því að Sjálfstæðisflokkurinn setti þjóðarbúið á hausinn. Þess vegna snýst þetta um peninga. þegar peningar eru ekki til þá fara hlutirnir að snúast um þá. Svo einfalt er það.

það er verið að skera niður vegna þess að sjálfstæðisflokkurinn, framsókn og samfylkingin aðstoðuðu útrásarvíkingana við að ræna þjóðina.

það er ekki verið að skera niður af því að menn vilji vera vondir við sjúklinga.

Peningarnir sem áður fóru í að greiða sérfræðingunum sem hugsa um þig 40 milljónir í laun fara nú í að borga Icesave og að fjármagna bankanna.

Meðan Alþjóðagjaldeyrissjóðurinn er í landinu verður þetta forgangsröðunin.

Bankarnir nr. 1 og sjúklingar nr. 2. Sjálfstæðisflokkurinn bauð Alþjóðagjaldeyrissjóðnum hingað til lands en ef þú vilt losna við hann skaltu hringja í Jóhönnu Sigurðardóttur og benda henni á að reka sjóðinn úr landi.

[Carl Jóhann Granz, 21.9.2009 kl. 09:12]

Samdi Guðlaugur við þessa lækna á St. Jósefs, ertu með eitthvað sem staðfestir það ?
Eða var það kannski gert áður en hann tók við?

Þú mættir kannski velta því fyrir þér að Guðlaugur lofaði óbreyttri þjónustu við notendur hefði hans leið verið kláruð.
Nú kemur Ögmundur og virðist ætla að loka sjúkrahúsinu alveg án þess að halda uppi sömu þjónustu annarstaðar.

Kannsi þú ættir að hringja í Ögmund og benda honum á það að leiðin sem Guðlaugur var að fara var um mestallt skynsamlegri heldur en það sem hann gerir nú.

[halkatla, 21.9.2009 kl. 10:32]

á hápunkti hins bullandi góðæris kvartaði gamla fólkið sem ég þekkti meira yfir því að farið væri illa með þau á sjúkrahúsum heldur en áður, og það jókst sennilega bara fram að kreppunni. ekkert af einkavæðingarpeningum eða góðærisgóssinu fór í að bæta þjónustuna við þá veiku, heldur bara í að draga saman seglin og væla um biðlista og annað (t.d á sviði geðsjúkra barna, þið munið að foreldrar þeirra vældu yfir framkomunni við sig ALLT FRÍKING "GÓÐÆRIÐ") - veika gamla fólkið lýsti því líka oft fyrir mér hvernig þau þurftu að liggja frammi á göngum spítala fyrir allra augum, alltaðþví niðurlægð, vegna þess að það voru svo fáar stofur opnar osfrv osfrv. Aumkunarvert að reyna að kenna VG um afleiðingarnar af þessum djöfuldómi eftirá, en það verður fólk að eiga við sig.

[Jakobína Ingunn Ólafsdóttir, 21.9.2009 kl. 13:55]

Carl Granz hefur þú tekið eftir því að Guðlaugur Þór var heilbrigðisráðherra áður en sjálfstæðismenn settu landið á hausinn og boðuðu AGS hingað til þess að láta þá hafa völdin til þess að hakka niður heilbrigðisþjónustuna. Ég hef aldrei orðið vör loforð sjálfstæðismanna hafi sérstaka innistæðu....Hvar eru Landssímapeningarnir?

Lofor kosta lítið þegar ekki er staðið við þau.

[Carl Jóhann Granz, 21.9.2009 kl. 14:30]

Erum við ekki að ræða um St. Jósefs hér ?

Þær ákvarðanir voru teknar í byrjun þessa árs eða í kringum áramót, semsagt eftir hrun.

Þú mættir nú alveg benda Vinstri Grænum á þennan loforða málshátt þinn.

[Jakobína Ingunn Ólafsdóttir, 21.9.2009 kl. 14:54]

Já og hvað varð um söluandvirði Landsímans sem lofað var af sjálfstæðismönnum til heilbrigðisþjónustunnar?

Varla eru þeir með þá í vasanum?

[Carl Jóhann Granz, 21.9.2009 kl. 16:17]

Þú semsagt reynir bara að koma umræðunni í annað far heldur en það sem upphaflega var rætt hér. St. Jósefs spítala.

Varðandi Landsímapeningana þá var aldrei neinu af því lofað til St. Jósefs spítala né var því lofað til heilbrigðisþjónustunnar.
Að öðru leiti en því að það var eyrnamerkt byggingu nýs húss undir heilbrigðisþjónustu Landsspítalans við Hringbraut.

Ég geri nú ráð fyrir því að þú vissir það, þó þú viljir reyna að forðast málefnalega umræðu.

Síðan var það nú svo að vegna hrunsins þá voru þeir peningar teknir til annarra nota og man ég ekki í hvað það var hugsað.

Annars er ég mjög hlynntur því að nýja sjúkrahúsið verði byggt og það sem fyrst þar sem það skapar mörg störf á byggingartíma og sparar 3 milljarða árlega en er ekki bara aukin útgjöld eins og staðan er með St. Jósefs þar sem hægt er að vinna sömu vinnu ódýrara annarstaðar.

[Jakobína Ingunn Ólafsdóttir, 21.9.2009 kl. 20:13]

Ég hef ekkert á móti því að það sé byggt við Landsspítala en vil ekki að það sé gert fyrir lífeyrissjóðinn minn. Bölvuð ósvífni að tala peninga úr mínum lífeyrissjóði til þess að skapa karlastörf á sama tíma og verið að að skera niður kvennastörf.

Umræðan um St Jóseps er tóm steypa. Það þarf að endurskipuleggja starfsemina á St Jósefs eins og á öllum öðrum heilbrigðisstofnunum vegna þess að sjálfstæðismenn settu þjóðarbúið á hausinn.

Guðlaugur Þór starfaði hins vegar í heilbrigðisráðuneytinu sem leppur viðskiptaráðs rétt eins og aðrir sjálfstæðismenn í stjórnsýslunni og fyrirætlanir hans voru í samræði við það.

Græða á daginn og grilla á kvöldin. Ekki þó græða í skilningnum að heila eða lækna.