Er búið að ræna lífeyrissjóðina?

Alþjóðagjaldeyrissjóðurinn hefur aldrei verið annað en innheimtustofnun fyrir stóriðju og fjármálakerfi. Gerir ekki annað hér en ætla mátt, þ.e. atlögu að þjóðinni.

Merkilegt að sjá Bjarna Benediktsson kvarta. Hann tilheyrir þeim sem settu þjóðina í klærnar á Alþjóðagjaldeyrissjóðnum.

Annars hef ég verið að velta fyrir mér dularfullum fréttum frá því fyrr í sumar þegar sagt var að Gylfi Magnússon hefði reynt að reka Birnu Einarsdóttur (sem týndi láninu sínu) og Finn Sveinbjörnsson (kúlulánahafinn) en þau hefðu þá hótað honum að afhjúpa leyndarmál um lífeyrissjóðina og sitja því enn.

Í öllu leynimakki ríkisstjórnarinnar verður það sjálfsagður réttur okkar að reyna að geta í eyðurnar og reyna að átta okkur á því um hvað leynimakkið snýst. Ég hef því sett saman eftirfarandi kenningu.

Glæpaliðið í samfélaginu var komið í vandræði fyrir nokkrum árum síðan. Glæpabankamenn, glæparíkisstjórn, glæpaembættismenn og glæpastjórnendur lífeyrissjóðanna sáu fram á að fjármagna þyrfti gjaldeyrissjóð seðlabankans til þess að unnt væri að halda úti glæpabankastarfsemi úti um allan heim og gera Ísland að alþjóðaglæpafjármálamiðstöð a la Gissurarson.

Þá kom náttúrulega að snilldinni og mútuþægninni.

Snilldin lá í því að fatta upp á jökla og krónubréfum sem erlendar bankastofnanir gáfu út. Mútuþægnin lá í því að stjórnendur lífeyrissjóða beittu sparnaði landsmanna til þess að kaupa jöklabréf fyrir erlendan gjaldeyrir sem þeir fengu síðan áttu að fá endurgreidd í íslenskum krónum. (sjá 400 milljarða skuld ríkissjóðs vegna ríkisbréfa á ísland.is)

Erlendu fjármálastofnanirnar keyptu síðan ríkisbréf til þess að tryggja sér íslenskar krónur til þess að endurgreiða lífeyrissjóðunum þegar að bréfin kæmu á gjalddaga. Við þetta safnaðist upp erlendur gjaldeyrir í seðlabankanum sem síðan var notaður sem bakhjarl fyrir bankanna.

Þegar Bankarnir hrundu tók Davíð Oddson þennan gjaldeyrisvaraforða sem í raun átti að vera tiltækur þegar jöklabréfin færu að hreifast og setti hann í Kaupþing en það hafa víst flestir heyrt að gjaldeyrir streymdi í stríðum straumi út úr Kaupþing dagana fyrir og eftir hrun.

Það fór í raun sparnaður landsmanna.

Hringið í Gylfa Magnússon og segið honum að honum sé óhætt að reka Birnu og Finn

Síminn er 545 8800 eða 545-8806

Gylfi gefur ekki upp netfang en aðstoðarmaður hans er með netfangið: [e-mail]

Hneisa fyrir Alþjóðagjaldeyrissjóðinn