Stærsta framfaraskref frá hruni bankanna

Loks birtist ljóstýra í myrkrinu. Bankahrunið er afleiðing spillingar, kvótakerfis, lélegra samninga við erlenda stóriðju, lélegrar stjórnsýslu og spillts dómskerfis. Álít spilltra lögfræðinga og endurskoðenda hafa varðað leiðina að stórfelldum vandamálum sem ungar fjölskyldur glíma nú við.

Það er lofsvert ef samfylkingin ætlar að taka á þeirri ómynd sem kvótakerfið er með gagngerum hætti. Ágætt væri ef samfylkingin skoðaði líka nýtingu orku- og vatnsauðlinda með þjóðarhag í huga. 

Samfylkingin mætti einnig endurmeta viðmið í stjórnsýslu og auka skilning á hugtökum eins og jafnrétti og réttlæti í sínum röðum. 

Samfylkingin vill þjóðaratkvæði um fiskveiðistjórnunarkerfið

Athugasemdir

[Jóhannes Laxdal Baldvinsson, 28.3.2010 kl. 16:25]

Ég held að Jóhanna sé öll að koma til, hún blés í gamlar glæður sem ég hélt að væru löngu dauðar. Gefum henni lengri tíma til að sanna sig

[Óskar G (IP-tala skráð) 28.3.2010 kl. 16:39]

Denni dæmalausi var undir stýri og Jóhanna sat afturí þegar að kerfinu var klomið á.

Nú er það rangt og rotið. Þýðir það þá ekki að Jóhanna (sem greiddi með því atkvæði) sé rotin líka?

Þessi "upptöku-þjófnaður" er rán.

Þjófnaður.

Það sem selt hefur verið er tekið ófrjálsri hendi.

Nú vil hún fá þig til að ræna þá sem nú eru með kvótann sem N.B. eru ekki endilega sömu aðilarnir of fengu honum úthlutað á sínum tíma.

Ég ætti kannski að safna undirskriftum til að ath hvort að ekki sé hægt að hirða af þér húsið þitt á forsendu þess að sá sem upprunalega úthlutaði lóðinni eða seldi/byggði húsið hafi gert það á hátt sem mér í dag þykir ranglátur?

Munurinn er sá að Lady Gaga seldiog vill nú upptöku frá 3.ja aðila sem hefur stofnað sér í skuldir fyrir því sem hann lagði út fyrir án þess að ath að einhver gæti seinna orðið svekktur út í upprunalega eigandann.

Svipað eins og að þú hafir keyp þér bíl. Nú vill upprunalegi eigandinn fá hann í hendurnar aftur af því að honum finnst að verðið sem fékkst á sínum tíma hafi ekki verið nógu gott.  Svo ætlar sá hinn sami eigandi að leigja þér og jafnvel öðrum líka bílinn en þú þarft að borga fyrir það en líka af láninu á bílnum og/eða afskriftunum af skuldunum/eftirstöðvunum.

Finnst þér ennþá að þetta sé réttlæti?

Ef svo er áttu þér ekki viðreysnar von.

Ef þú hefur afturámóti "frelsast" biddu þá Jóhönnu um að boða til kosninga áður en að hún tekur til við að ræna þjóðina frekar.

[Árni Gunnarsson, 28.3.2010 kl. 17:35]

Óskar G. Hver hefur sagt þér hvernig fyrirhuguð innlöllun verði framkvæmd? Þú talar hér endalaust um einhvern Svarta- dauða útgerðar samfara fyrirhugaðri innköllun. Ef þú býrð að svona mikilvægum upplýsingum þá hlýtur þú að hafa fengið þær "að handan" því þessi leið hefur aldrei og hvergi verið útfærð hér í þessum heimi.

Einhverra ástæðna vegna þá óttast þú það að íbúar sjávarbyggðanna verði frjálsir menn. Fáðu þér eitthvað við þeim ótta hjá lækni. Það er fullt af þeim í Reykjavík og þeir eru í símaskránni. Vandalaust að finna þá á netinu líka.