Fjármálakerfi í dauðateigunum

Hið vestræna fjármálakerfi speglar hugmyndafræði um rányrkju og nýlendustefnu. Sýnilegir og ósýnilegir vefir liggja á milli fjármálakerfis, stjórnmála og rányrkju auðlinda.

Ísland hefur fylgt þessari stefnu. Stefnan er eins og foreldrar sem éta börnin sín. Mokað er upp auðlindum og þær nýttar til þess að færa fámennri stétt manna auð og völd. Í kjölfarið fylgir örbyrgð og hnignun lífskjara hinna almennu borgara eða þegna.

Stjórnmálamenn eru fótgönguliðar þeirra sem hafa eignarhald á fjármálastofnunum og stjórna seðlaprentun. Stjórnmálamenn eru drukknir af hugmyndafræði eða trúarbrögðum sem boða að ef fjármálakerfinu líði vel þá líði öllum vel. Þeir taka hundruð milljarða úr velferðakerfi og dæla í fjármálakerfi.

Fjöldanum er haldið í skefjum með lyginni. Þörf fólks fyrir að trúa á styrk stjórnvaldsins er svo rík að það snýr blindum augum að sannleikanum. Fólkið trúir að lausnin sé handan við hornið en stjórnmálamenn halda uppi viðteknum hætti við að moka í fjármálakerfið og þá sem vilja ræna auðlindir.

Stétt sérfræðinga í að túlka heiminn í þágu rányrkjunnar hefur risið upp. Tölfræði og hagtölur eru notaðrar til þess að stýra fólki og temja það til þess að vinna gegn eigin hagsmunum. Það er ekki fyrr en fólk er króað af í eymd sem það fer að véfengja skipulagið.

Á Íslandi hafa þeir hæst sem hafa skapað ástandið sem ríkir. Þeir eru hugmyndasnauðir þegar kemur að lausnum öðrum en þeim sem þjóna þeirra eigin hag.  

Möguleiki á Sovéthruni vestra

Athugasemdir

[Aðalsteinn Agnarsson, 11.2.2011 kl. 13:01]

Flott ertu Jakóbína, þetta á vel við um  fiskimiðin, td. eru 40 frystitogarar auðmanna

á 12 mílunum, fátækur almenningur má horfa út á hafið með sultardropa í nefi!

[Hákon Jóhannesson (IP-tala skráð) 11.2.2011 kl. 13:31]

Það setti að mér hroll um daginn þegar ríkisfjölmiðill laug upp í opið geðið á landanum í kvöldfréttum dagsins um fylgi tiltekins stjórnmálaafls. Logið var til um fylgi Sjálfstæðisflokksins og annarra stjórnmálaflokka í fréttum RUV, 1.2. s.l.  Dæmi: Stuðningur við Sjálfstæðisflokkinn í 3500 manna úrtaki var rúmlega 20% en var sagður 34%.

Öll vitum við jú að Sjálfstæðisflokkurinn er ekki með 34,3% fylgi úr slembiúrtaki þjóðarinnar !

Við nánari eftirgrenslan mín mæti ég þögninni. Fréttastjóri og síðar útvarpsstjóri svara ekki. Þegja á blekkinguna í hel. Umrædd frétt hefur skilað sínu.  Ástandið hér er mjög sérkennilegt og er þá  vægt til orða tekið. Einskis er frestað.

[Ómar Geirsson, 11.2.2011 kl. 13:48]

Takk fyrir frábæra grein Jakobína.

Ég held að það sé tími til kominn að tengja, og hugsa hlutina upp á nýtt.

Kveðja að austan.

[Vilborg Eggertsdóttir, 11.2.2011 kl. 15:58]

Já, er svo hjartanlega sammála Þér.

Hveru lengi ætlar þjóðin að láta ljúga sífellt að sér og draga sig á asnaeyrunum. Engin stjórnvöld í hinum vestræna heimi láta hagsmuni fólksins ganga fyrir fjármálastofnunum og munu ekki gera meðan ekki verður vitundarvakning meðal fólksins sjálfs!

~ o ~

[Sigurður Haraldsson, 14.2.2011 kl. 23:14]

Sæl verið þið ég hef talað um þetta svo mánuðum skiptir fyrir frekar daufum eyrum.