Karlrembubananalýðveldi

Átta krumpaðir karlpungar

Björg Eva fer á kostum:

Seint verður logið upp á íslenska kjósendur. Það er eins og blýanturinn leiti sjálfur að feitum frjálshyggjumanni  til að krossa við.  Svona karli sem getur talað digrum rómi um framtíðaróra sína. Karli sem lofar þúsundum karlmannlegra starfa án ábyrgðar. Störfum  í velferðarkerfi verktakanna sem karlinn mótar sjálfur í sinni eigin mynd. Slæmt að þessar karlafyrirmyndir eru flestir sömu karlarnir og settu landið á hausinn og kölluðu fátækt yfir konurnar sínar, börnin sín og barnabörnin sín.

Klíkukallar á ríkisspena eru hallærislegir og ekki að furða þótt þeir svitni nú af ótta um að missa valdastólana.  Því í jakkafötunum, með bindið og bumbuna eru þeir bara smástrákar sem vilja fá besta bitann sjálfir.

Innantóm kosningaloforð eru úthlutun úr varasjóði framtíðar. Nú er verið að plata kjósendur og lofa umfram efni. Nú á að skjóta sendiboðann og hlakka yfir því að sjónarmið náttúru, raunsæis og kvenna séu gamalt píp, sem kjósendur vilja ekki heyra. 

Athugasemdir

[Arinbjörn Kúld, 13.3.2009 kl. 14:50]

Þyngdaraflið lætur ekki að sér hæða.

[Jakobína Ingunn Ólafsdóttir, 13.3.2009 kl. 15:03]

Ha ha