Skyldurækni byggð á ranghugmyndum

Sálfræðistríð hefur geisað á Íslandi í marga mánuði. Stríðið felst meðal annars í því að á degi hverjum er talað um skuldir útrásarvillinganna sem skuldir allrar þjóðarinnar. Einnig þeirra sem enn eru í móðurkviði.

Ábyrgð hefur verið skrifuð á allan almenning, aldraða, öryrkja, börn og hvern vinnandi mann. Ábyrgð á gjálífi og glæpum útrásarvillingana. Ábyrgð á athöfnum þeirra sem þjóðin gat engin áhrif haft á.

Ábyrgð er í eðli sínu fyrirbæri sem tengist völdum, áhrifum eða að minnsta kosti aðgangi og upplýsingum. Grandvaralaus almenningur sem ekki gat haft nein áhrif á skuldasöfnun útrásarvillinganna og heimskulegar og spilltar aðgerðir stjórnmálamanna eiga þó, samkvæmt áróðrinum, að taka á sig skuldir sem hann hefur ekki stofnað til.

Rökleysan er algjör.

Michael Hudson skýrir að nokkru hvernig fjármálakerfið skattpínir almenning í krafti sannfæringar almennings um að honum beri að greiða skuldir sínar. Að sannfæra almenning um að honum beri að borga líka skuldir útrásarvillinganna er þó að setja kenningar Hudson á æðra stig.

Hudson segir:

Markmiðið er að greiðslurnar sjúgi eins mikið af tekjuafgangi og mögulegt er svo í reynd er hagkerfið að greiða skatt til hinnar nýju stéttar fjármagnseigenda; bankamanna og stjórnenda fjárfestingarsjóða, lífeyrissjóða og vogunarsjóða. Helsta vopnið í þessu stríði eru hugmyndir almennings um skuldir. Sannfæra verður skuldara um að greiða af sjálfsdáðum, taka hagsmuni lánadrottna fram yfir hagsmuni hagkerfisins í heild og jafnvel láta erlendar kröfur ganga fyrir þjóðarhagsmunum.

Menn sem spássera í London í sparifötunum eiga að greiða skuldir sína sjálfir!

 

Þeir fá ekki að gera okkur að þrælum sínum

Skuldir einkafyrirtækja eru ekki skuldir þjóðarinnar.

Við tökum ekki að okkur þessa hreppsómaga, bankamennina sem hafa sagt sig til sveitar.

Við göngum ekki frá búsáhöldunum strax!

Þorskurinn: bjargvættur í kreppu

Hvers vegna má ekki veiða þorsk?

Meðalveiði á þorski (í tonnum) fyrir hvern áratug á síðustu öld

1910-19	1920-29	1930-39	1940-49	1950-59	1960-69	1970-79	1980-89	1990-99
139,846	301,215	391,693	218,740	460,431	395,336	383,790	369,546	239,942

Þorskveiði árið 2006  var 196.215 tonn

Hvers vegna má ekki leyfa smábátum að veiða þorsk í kreppu?

 

Rassvasabókhald sjálfstæðisflokks

Það á ekki að persónugera hlutina hefur Geir sagt margoft. Það virðist þó vera einörð stefna sjálfstæðisflokksins að persónugera spillingu flokksins í forsætisráðherranum Geir Haarde. Meðan Geir var á þeytingi um heim allan að kynna sterka stöðu Landsbankans og Glitni hafði hann bókhald sjálfstæðisflokksins í rassvasanum.

Eins og landslýður hefur kannski tekið eftir er "engin spilling" í Landsbanka og Glitni, þessum stórtæku styrktaraðilum sjálfstæðisflokks. Skyldu þessir bankar hafa styrkt fleiri?

Geir segist bera ábyrgðina

Hvað er mikið í sparibauk sjálfstæðisflokks?

Það er kosningabarátta hjá sjálfstæðisflokki. Sjálfstæðisflokkur hefur ekki verið þekktur af því að spara í kosningabaráttunni.

Sjálfstæðisflokkurinn ætlar að endurgreiða illa fengið fé til FL group og Landsbanka. Það væri athyglisvert að fá innlit í sparibauk sjálfstæðisflokks.

Sjóðir sjálfstæðisflokks virðast aldeilis ekki vera tómir.

Miklar vöblur komu á fulltrúa framsóknar og samfylkingar þegar þeir voru spurðir hvort þeir vildu birta almenningi bókhald ársins 2006.

Fulltrúar vinstri grænna, frjálslyndra og borgarahreifingar virðast ekki hafa neitt að fela.

Hverjir létu sjálfstæðismenn hafa 1.000.000 árið 2006? Hvers vegna vill Bjarni Ben ekki segja frá þeim?

Eftir bankahrunið í haust vígvæddist ríkisstjórn sjálfstæðisflokks og samfylkingar. Áhuginn fyrir að afhjúpa spillingu í bönkum og eignarhaldsfélögum var mjög takmörkuð hjá þeirri ríkisstjórn.

Tengsl rányrkju auðlindanna og valdastórnarinnar er að koma æ betur í ljós.

 

Skilað til lögaðila

Skelfilega sorglegt

...hvernig gat það skeð að þjóð sem bjó við velmegun fyrir 20 árum síðan er komin í þá stöðu að fjölskyldur eiga ekki fyrir mat?

...hvernig gat það skeð að í landi sem bauð upp á næga atvinnu fyrir 20 árum síðan að nú gangi 18.000 atvinnulausir?

Metaðsókn í ókeypis súpu

Fréttir af Íslendingum sem svelta...

....en þeir sem hafa komið þessu fólki í örbyrgð slást um völdin.

Björgólfur Thor, Hannes Smárason og Jón Ásgeir...

...eiga þeir sjálfstæðisflokkinn?

Ekki furða þótt sjálfstæðisflokkur hafi getað auglýst stíft fyrir síðustu kosningar.

Hvað er hægt að kaupa mörg atkvæði fyrir 55 milljónir?

Er ekki nokkuð seint að skila þessu núna þegar Íslendingar eru farnir að svelta?

Styrkir endurgreiddir

Hvaða stjórnmálamenn tengjast álverunum og hvernig?

Þetta eru pælingar margra þessa daganna.

Hverjir eru búnir að lát múta sér til þess að hafa mikinn áhuga á uppbyggingu álvera?

Hverjir bera í víurnar?

Perkins þykir grunsamlegt að Landsvirkjun, sem er í opinberri eigu, birtir ekki opinberlega raforkuverð til álvera.

Er þetta ekki nokkuð augljóst:

„Það gefur til kynna að samningurinn sé ekki góður fyrir Ísland,“ sagði Perkins. „Ef samningurinn er góður fyrir Ísland myndi maður halda að menn myndu stæra sig af því og fólk fengi að vita af þessum góða samningi. Ég tel þetta merki um að eitthvað sé ekki í lagi. Þegar eitthvað er gert í leyni og upplýsingum haldið frá almenningi, jafnvel þótt hann eigi fyrirtækið, þá er það grunsamlegt.“

Kannski að Bryndís Hlöðvers geti frætt okkur nánar um þetta?

Og þetta er góð hugmynd:

Þegar ég geng hér um götur furða ég mig á því hvers vegna þið eigið svona mikið af stórum eyðslufrekum bílum. Mér finnst að þið ættuð öll að aka um á rafbílum og vera með rafknúið samgöngukerfi. Það mætti breyta bensínstöðvunum í rafhleðslustöðvar fyrir bíla. Þið gætuð tekið forystu á þessu sviði og jafnvel framleitt rafbíla eða rafvélar. Notað álið úr álverunum hér á landi.“

Og þessi líka:

Íslendingar eiga að nýta orkulindirnar en nýta orkuna sem mest til hagsbóta fyrir íslensku þjóðina, að mati Perkins. Hann nefnir t.d. uppbyggingu risastórra gróðurhúsa sem þarfnist mikillar orku. „Þið gætuð flutt út grænmeti, blóm og aðrar afurðir.

Ég hef tekið eftir því eftir hrun bankanna að margir hata stóru jeppanna sem aka um götur borgarinnar. Þeir eru táknrænir fyrir heimsku Íslendinga.

 

Ráðleggur Íslandi að neita að borga skuldir

Frábært framtak hjá kennurum viðskiptafræðideildar

Þetta má kalla óeigingirni og frábært framtak í kreppunni. Í Háskóla Íslands verða sköpuð verðmæti í formi þekkingar í sumar í stað þess að fólk sitji heima og geri ekki neitt. 

Gott væri að fleiri taka þetta til fyrirmyndar og haldi áfram verðmætasköpun í kreppunni.

Taka ekki laun fyrir kennsluna