Framtíðarlandið

Framtíðarlandið er friðsæld, réttlæti, hófsemi, frelsi og jöfnuður.

Fortíðin hefur einkennst af græðgi, höftum, kvóta, verðtryggingu, ofstýringu með krónu og ofræði og spillingu yfirvalda.

Til þess að stöðva landsflótta ungs fólks þarf að byggja upp von og jákvæða framtíðarsýn. Ungt fólk þarf að eygja von um atvinnu en einnig þarf að endurmeta lífsgildi. Bretta þarf upp ermarnar og hefja uppbyggingu en ekki staldra við orðin tóm.

Ungt fólk hefur hlutverk í uppbyggingarferlinu.

Fyrir tveimur árum sögðu menn að það væru fjórar grundvallarstoðir undir íslensku atvinnulífi. Stærst þessara stoða væri fjármálamarkaðurinn, síðan stóriðja, fiskveiði og ferðamennska. Við stöndum í rústum þessara hugmynda í dag.

Draumórar um alheims fjármálamarkað og stóriðju villtu mönnum sýn. Það gleymdist að hlúa að og efla þekkingu sem styður sköpun verðmæta úr því sem landið gefur af sér. Hugmyndir sem byggðu á röngu mati á því hverjar væru auðlindir þjóðarinnar leiddu til skipulagsslyss. Þetta þarf að leiðrétta.

Það þarf því að endurhugsa menntun. Von framtíðarinnar hvílir á uppbyggingu atvinnulífsins. Það þarf að vera samhljómur á milli menntunar og tækifæra.

Það þarf því að stuðla að menntun sem skapar þekkingu á sjálfbærni og nýsköpun.

Það þarf að aðlaga og þróa skólanna að nýju samfélagi, nýjum aðstæðum og nýjum tækifærum.

Við þurfum að kasta þeirri hugmynd ný-frjálshyggjunnar að verðmæti geti orðið til úr engu. Til þess að skapa verðmæti þarf að virkja fólk, mannauðinn í landinu, nýta auðlindirnar og skapa til þess þekkingu.

Atvinnutækifærin eiga að spretta upp af rótinni. Við eigum að hlusta á frumkvöðlanna. Við eigum að vernda höfuðstólinn, landið sem börnin okkar erfa. Atvinnutækifærin tengjast landinu, hafinu og orkunni.

Helsta vandamál samtímans eru gríðarlegar erlendar skuldir og háar vaxtagreiðslur sem greiða þarf í erlendum gjaldeyri, ónýt króna, skuldir heimilanna, skuldir fyrirtækjanna og atvinnuleysi. 

Hvert og eitt þessara vandmála er lamandi en það þýðir ekki að missa móðinn. Það þarf að takast á við vandann. Hvert og eitt þessara vandamála krefst sérstakrar athygli. En undirstaða þess að komast úr kreppunni er atvinnulífið, aukin framleiðsla fyrir innanlandsmarkað og aukinn útflutningur.

Vinnur Egill Helgason í banka?

Hvernig getur einstaklingur sem ekki starfar í banka brotið bankaleynd?

Ég hélt að það væru starfsmenn og stjórnendur banka sem þyrftu að gangast undir skyldur um bankaleynd og beri þar með ábyrgð á því að upplýsingar leki ekki út.

Viðskiptaráðherra vill blaðamenn úr snörunni

Fordómar gegn landsbyggðinni, fordómar gegn höfuborginni

Byggðarlögin á landsbyggðinni munu reynast bjargvættur í kreppu. Þegar líða tekur á kreppuna munu einstaklingar sættast á að flytja sig um set.

Undanfarin ár hefur myndast kergja milli landsbyggðar og höfuðborgarsvæðisins en við þurfum að læra að lít á landið sem heild en ekki sem höfuðborgarsvæðið með annað hangandi við.

Hræðsla við að vinna á landsbyggðinni?

Sjálfstæðismenn berjast gegn sjálfstæði þjóðarinnar

Einokun og ofurlaun fárra er sjálfstæðismönnum hugleikin.

Þeir vilja ekki aðhald í stjórnarskrá.

Eldgömul og ónýt stjórnarskrá er eitt af þeim verkfærum sem þeir geta notað til að hafa hemil á þjóðinni.

Rætt um stjórnarskrá til klukkan 2

Er Styrmir komin með í baráttuna gegn sjálfstæðisflokknum?

Einokunarstefna sjálfstæðisflokksins hefur drepið niður heilbrigt atvinnulíf á Íslandi. Um þetta er fjallað í þessum ágæta pistli.

Græðgi valdhafanna hefur skilað sér í glundroða.

...við hin þurfum víst að bretta upp ermarnar og taka til eftir óþverrann.

Ég fékk eftirfarandi í tölvupósti:

Síðastliðin 40 ár hefur Ísland, lítið land í norðurhöfum, leitað stórra lausna í orku-, atvinnu-, og efnahagsmálum.
 
Á þessu málþingi verður fjallað um stóriðjustefnu stjórnvalda í ljósi náttúruverndar, hnattvæðingar og efnahaglegs sjálfstæðis.

John Perkins verður einnig gestur í Silfri Egils um næstu helgi en hann segir sögu sína í kvikmyndinni Draumalandinu

sem verður frumsýnd þann 8. apríl nk.
 

Sjá myndbrot úr kvikmyndinni : http://eyjan.is/blog/2009/03/13/draumalandid-frumsynd-8-april/

Perkins J. (2004) Confessions of an Economic Hit Man. Ebury Press.

www.JohnPerkins.org

Sérstakur gestur á málþinginu verður Bandaríski rithöfundurinn John Perkins, höfundur metsölubókarinnar Confessions of an Economic Hitman. Perkins er staddur hér á landi í tilefni af frumsýningu heimildamyndarinnar DRAUMALANDIÐ, sem byggð er á samnefndri bók Andra Snæs Magnasonar, en Perkins kemur fram í myndinni.

John Perkins starfaði um árabil sem “efnahagslegur málaliði” (Economic Hitman) hjá stóru ráðgjafafyrirtæki í Bandaríkjunum. Perkins segir efnahagslega málaliða vera hálaunamenn sem svíkja milljarða dollara af ríkjum um allan heim.

Þeir stýra peningum frá Alþjóðabankanum, Bandarísku Þróunarstofnuninni og öðrum útlendum “hjálparstofnunum“ í hirslur risafyrirtækja og vasa örfárra stóreignamanna sem stjórna auðlindum jarðarinnar. Þeir nota tól eins og falsaðar fjárhagsáætlanir, kosningasvindl, mútur, fjárkúgun, kynlíf og morð. Þeir leika leik sem er jafn gamall mannkyninu, en hefur fengið nýtt og hrikalegt umfang með vaxandi hnattvæðingu.
Hjálmar Gíslason er frumkvöðull sem stundar gagnanámuvinnslu með nýstárlegum hætti. Hjálmar setur fram hagtölur sem sýna í nýju og skýru ljósi þá þróun sem átt hefur sér stað í fjármálaheiminum hér á landi á undanförnum árum.

Sigurður Jóhannesson er hagfræðingur við Háskóla Íslands. Hann hefur rannsakað þá orkusamninga sem gerðir have verið við erlend stóriðjufyrirtæki á Íslandi.

Fundastjóri á málþinginu er Kristín Vala Ragnarsdóttir, Forseti Verkfræði- og náttúruvísindasviðs Háskóla Íslands.
Mánudaginn 6. April 2009
KLukkan 17:00 - 19:00
Háskólatorg stofa 101 í Reykjavík, Iceland

Málþingið fer fram á ensku.

Programme:
17:10 Introduction
17:20 John Perkins, höfundur Confessions of an Economic Hitman
Economic crisis: Hitmen hit Iceland and the world
18:00 Sigurður Jóhannesson, hagfræðingur
What is Iceland´s benefit when dealing with foreign investors?
18:15 Hjálmar Gíslason, DataMarket
What does the data tell us?
18:30 Pallborðsumræður/Panel Discussion
19:00 Fundarlok/End

Sér fyrir endann á hrunsferli

Heimsvaldsspillingin

Maður sem hefur unnið hefur á vegum auðvalds sem hefur að markmiði að komast yfir auðlindir heimsins verður á málstofu í Háskólanum á mánudag og í Silfrinu hjá Agli á sunnudag.

John Perkins er höfundur að bók sem sat á metsölulista New York Times í  70 vikur, Confessions of an Economic Hit Man. Hann hefur bætt við annarri bók, The Secret History of the American Empire, en í henni setur hann fram hugmyndir að sjálfbærni, réttlátu og friðsömu samfélagi.

Á heimasíðu John Perkins segir m.a.:

The World Is As You Dream It, and other books on indigenous cultures and personal transformation; is a founder and board member of Dream Change and The Pachamama Alliance, nonprofit organizations devoted to establishing a world our children will want to inherit; and has lectured at universities in many countries. Read more

Skipulagsöngþveiti í boði draumóramanna

Draumórar sjálfstæðismanna og framsóknarmanna urðu til þess að á Íslandi urðu hrikaleg skipulagsslys.

Í dag stýra drengir sem fæddir eru með silfurskeið í munni þessum flokkum sem einatt hafa unnið að því að uppfylla dagdrauma foringja sinna.

Alvarlegustu skipulagsslys á Íslandi eru að tvennum toga.

Settir voru á laggirnar háskólar sem fjöldaframleiddu sérmenntað fólk fyrir Alheims fjármálamiðstöð og skattaparadís draumóramannanna. Nú stendur þetta fólk frammi fyrir því að þurfa að endurmennta sig eða leita starfa út fyrir landssteinanna.

Byggðar voru þúsundir íbúðir á höfuðborgarsvæðinu undir þá sem þjóna áttu Alheims fjármálamiðstöð og skattaparadís draumóramannanna. Nú standa þessar íbúðir auðar sem minnisvarði um draumóra valdhafanna.

Eitt af meginverkefnum framtíðarinnar er að leiðrétta skipulagsklúður draumóraflokkana

Hvers vegna er alltaf leynimakk um samninga um nýtingu auðlinda?

Framsókn og sjálfstæðismenn komu á kvótaframsali í skjóli nætur

Leynisamningar hafa verið gerðir við erlenda stóriðju um orkukaup

Hitaveita Suðurnesja hefur verið seld í leynimakki

Réttindi til átöppunar vatns hafa verið seld leynilega

Hverjir græða á þessu leynimakki?...Og hvernig?

...og ætlar Capacent Glacier að fara að selja auðlindir til sjávar og sveita?

Í boði hverra?

Leppar auðvaldsins fengu stóriðju á heilann en eru vondir í viðskiptum

Ég er á móti stóriðju

Stjórnmálamenn á Íslandi eru sérlega vondir samningamenn og kunna lítið fyrir sér í viðskiptum.

Í hvert skipti sem þeir hafa samið við erlenda aðila hafa þeir gert samninga sem eru afleitir fyrir þjóðarbúið. Íslensku stjórnmálamennirnir sem setið hafa í ríkisstjórn eða verið komið fyrir í stofnunum eða við stjórnun sveitafélaga landsins hafa ýmist gefið eða selt auðlindirnar fyrir slikk og þeir vilja helst fá að halda því áfram. Ekki skil ég hvað þeir græða á því.

Stóriðja skemmir aðrar atvinnugreinar s.s. ferðamennsku. Hvers vegna ættu erlendir ferðamenn að vilja sitja hér í heitum pottum með eiturgufurnar úr iðjuverunum yfir sér?

Orkuna á Íslandi má nýta til framleiðslu á matvælum. Við eigum fjöldan allan af gömlum aflvirkjunum sem búið er að greiða upp. Aflið sem þessar virkjanir gefa getur verið afl til þess að byggja upp hið nýja Ísland.