Ríkisstjórnin á rangri braut samkvæmt nýrri skoðanakönnun

Aðildarviðræður Íslands við Evrópusambandið eru ekki taldar brýnar samkvæmt nýrri skoðanakönnun Capacent Gallup.

Meirihluti þeirra sem taka afstöðu telur að leggja eigi litla áherslu á aðildarviðræður. Yfirgnæfandi meirihluti telur aðkallandi að leysa fjárhagsvanda heimila og fyrirtækja. Skoðanakönnun Capacent Gallup sýnir að 95 prósent landsmanna telur brýnt að ríkisstjórnin leysi fjárhagsvanda heimilanna. Litlu lægra hlutfall, 91,5 prósent, telur að ríkisstjórnin eigi að sinna vanda fyrirtækja.

 Hins vegar telja aðeins 41,9 prósent svarenda æskilegt að hefja aðildarviðræður við Evrópusambandið um inngöngu Íslands. Hærra hlutfall landsmanna, eða 44,3 prósent, telur að ríkisstjórnin eigi að leggja litla áherslu á aðildarviðræður við Evrópusambandið.

Heimssýn, samtök sjálfstæðissinna, fékk Capacent Gallup til að framkvæma könnunina. Könnunin var framkvæmd 20. - 27. maí og var netkönnun. Úrtakið var 1284 og svarhlutfall 65,3 prósent. „Við erum sannfærð um að ríkisstjórnin er á rangri braut með því að leggja fram þingsályktunartillögu um að sækja um aðild að Evrópusambandinu. Önnur og brýnni verkefni krefjist forgangs. Niðurstaða könnunarinnar leiðir í ljós að meirihluti þjóðarinnar telur að litla áherslu eigi að leggja á aðildarumsókn.

Yfirgnæfandi meirihluti vill hins vegar að ríkisstjórnin einbeiti sér að málefnum heimilanna og fyrirtækja," segir Frosti Sigurjónsson, einn af talsmönnum Heimssýnar. Sjá nánar hér

Ekkert ráðaleysi takk

Það er t.d. hægt að

-Rukka útrásarvíkinganna

-útrýma bitlingum úr stjórnsýslunni

-Neita að borga skuldir óreiðumanna

-Rukka stóriðjuna um auðlindaskatt

-Efla verðmætasköpun í atvinnulífi

-Leggja niður sendiráð

-Senda Össur heim frá Möltu með hraði þar sem hann er að eyða gjaldeyri

-Fresta aðildarumsókn að ESB þar til þjóðin hefur efni á því

Þyngri róður en áætlað var

Fengu Sjálfstæðisflokkur og Samfylking yfir hundrað milljónir....

....fyrir að leifa útrásarvíkingum að halda sér við efnið?

Allt bendir til þess að svo hafi verið.

Björgvin Sigurðsson og Jónas Fr. höguðu sér eins og svefngenglar í sínum stöðum frá því að þeir fengu völd. Hvað þurfti til þess að svæfa þessa menn svona.

Ingibjörg Sólrún og Geir Haarde ferðuðust um og lugu að útlendingum fyrir útrásarvíkingana.

Össur Skarphéðinsson blandaðist inn í tilraunir útrásarvíkinganna til þess að komast yfir íslenskar auðlindir og selja þær m.a. aröbum. Ég vil minna á að Samfylkingin, Lúðvík Geirsson seldi vatnsréttindi í Hafnafirði til araba.

Enn er þetta fólk við völd. Björgólfur Thor lifir góðu lífi í London bakið þá skjaldborg sem yfirvöld hafa reist honum.

Nú er unnið að því hörðum höndum að þjóðin gangist við ICESAVE skuldum hans.

Enn er logið að þjóðinni og látið að því liggja að þessar skuldir séu tryggðar með einkaeignum bankans í London.

Eigur bankans í London eru verðlausar. Hvers vegna er enginn fjárfesti tilbúin til þess að greiða fyrir þessar eignir í dag?

Það er vegna þess að væntingar um gróða eru sáralitlar.

Fagfjárfestar sem hafa vit á fjármálamörkuðum gefa lítið fyrir vætingar um ávinning af þessum eignum.

Þar tala staðreindir sínu máli hverju svo sem ríkissjórnin vill ljúga að fólki.

Styrkir borgaðir til baka

Afleitir samningsmenn draga niður velferð þjóðarinnar

 Pressan.is

„Skilanefnd Landsbankans gefur út skuldabréf tryggt með veðum í öllum eignum bankans í Bretlandi. Afgangurinn lendir á ríkissjóði. Svona hljóðar tillaga um lausn að Icesave deilunni við Breta og Hollendinga. Morgunblaðið segist hafa heimildir fyrir þessu.

Afborgunum af skuldabréfinu yrði frestað í nokkur ár á meðan jafnvægi næst á markaði og verðmyndun fyrir eignir verður hagstæð. Á sama tíma safna heilbrigð lánasöfn bankans tekjum. Í þessu felst að ríkið ber í raun ekki ábyrgð á skuldabréfinu því útgefandinn er skilanefnd bankans.

Í viðtali við Morgunblaðið segir Sigurjón J. Árnason, fyrrum bankastjóri Landsbankans, að eignir Landsbankans í Bretlandi standi undir skuldbindingum. Eignir bankans eru fyrst og fremst útlán.“

Hver getur treyst því sem að Sigurjón segir, hver á síðan að hafa umsýslu með þessu og hver á að gæta hagsmuna við söluna þegar þar að kemur og hvenær, Bretarnir? Það væri sko eftir því.

Í fyrri frétt Morgunblaðsins kemur fram að þetta sé að tillögu Íslendinga. Hérna megum við alls ekki spila sókn, í þessari stöðu eigum við að spila vörn. Svavar Gestsson hefur fleygt spilunum á borðið í þessum póker. Bretarnir eiga að fá allt eignasafnið, sem er jú það eina sem þeir ættu að fá en síðan kemur sprengjan. Afgangurinn lendir á ríkissjóði. Svona semur ekki nokkur maður með fullu viti, skrifa síðan upp á óútfylltan víxil langt inn í framtíðina. Ef að einn maður átti að semja um þessi mál sem að er náttúrulega fásinna, hefði auðvitað átt að senda Indriða Þorláksson sem er landsþekktur þverhaus (í jákvæðri merkingu). Til viðbótar má segja að maður eins og Indriði sé ómissandi í nefnd eins og Icesave nefndina.

Það er vert að vekja athygli á því að ekki er hægt að losna við þessar eignir Landsbankans í dag nemá á brunaútsölu. Þetta lága verðmat endurspeglar m.a. væntingar fjárfesta um framtíðarhorfur þessara eigna.

Mér sýnist á öllu að Ríkisstjórnin sé að leggja drápsklyfjar á afkomendur þjóðarinnar.

Kartöflur og sólskyn

Er hægt að gera eitthvað betra á sólbjörtum degi en að setja niður kartöflur. Fór austur með fjölskylduna og labrador hundinn og setti niður kartöflur. Hundurinn sem er alræmdur sokkaþjófur varð frá sér af gleði yfir að komast í frelsið í sveitinni og hljóp um þangað til hann froðufelldi.

Það gengur ekki nema hæfilega vel að ala hundinn upp en hann er bæði þjófóttur og undirförull. Auðvitað stal hundurinn vettlingunum mínum og var ekki til í að skila þeim þótt ég byði honum harðfisk í skipti. Það endaði með því að ég hljóp eftir honum þangað til ég var farin að froðufella. Náði þó á endanum að plata hann með því að bjóða honum skítuga tusku.

En kartöflurnar komust niður og nú er að sjá hvort að uppskeran skili sér í haust.

Kallar stefnuna langdregið líknarmorð....

Hólmsteinn A Brekkan kalla stefnu Ríkisstjórnarinnar í málefnum heimilanna langdregið líknarmorð í pistli sínum í sunnudagsmogganum.

Það er undarlegt ef að almenningur styður stefnu Ríkisstjórnarinnar og verður vart skýrt með öðru en að almenningur skilur ekki að þessi ríkisstjórn vinnur eftir sömu uppskrift og fyrri ríkisstjórnir. Uppskrift sem gengur út á að arðræna almenning.

Ég velti því fyrir mér hvort að almenningur sé í afneitun eða sér fyrir sér verri valkost sem væri ríkisstjórn framsóknar og sjálfstæðisflokks. Ég held að það þurfi einfaldlega að skapa þriðja valkostin sem væri aflið frá fólkinu. Hinum stóra meirihluta þjóðarinnar sem er fórnarlambið í þessu í þessu stríði.

Hólmsteinn segir og ég tek undir það með honum:

Það er í gangi gríðarleg svikamylla sem felst í snarbeyglaðri samsetgningu vísitölu, vísitölu þar sem blandað er saman verðbólgu (e. price index inflation) og krónubólgu (e. monetary inflation) og síðast en ekki síst reikniaðferðum bankanna. Reikniaðferðum sem tryggja bönkunum ofurokurvexti og algert frelsi frá ábyrgri útlánastefnu. Þetta er pólitískt vernduð glæpastarfsemi eins og best sést á framgöngu ríkisstjórnarinnar, bæði sitjandi og fyrirvera hennar.

Ef marka má niðurstöður könnunar sem fjallað er um á MBL þá má ætla að almenningur skilji ekki að það er gengið að honum með skipulagðri glæpastarfsemi sem vernduð er að yfirvöldum.

Stuðningur við stjórnina eykst

Stoppar í göt með tíu milljónum

Götótt listasafnið má þakka sínu sæla að hafa hugmyndaríkan stjórnanda sem kann ráð við dragsúginum.

Hugsunarháttur nýfrjálshyggjunnar:

Stórir peningar

„Á þeim tíma hafði fólk einfaldlega ekki séð aðra eins prísa áður. En jú, ég fullyrði að Mountain er dýrasta verk sem safnið hefur keypt til þessa.

Alþjóðavæðing

Málið er nefnilega það að við erum farin að höndla með verk í alþjóðlegu samhengi í æ ríkari mæli. Íslenskir listamenn eru farnir að tengjast meir og betur inn í hinn alþjóðlega heim listarinnar og við það hækka verðin á verkunum.

Spákaupmennska

Ef við ætlum að vera samkeppnisfær á þessu sviði, ef við ætlum ekki að missa merkilega íslenska myndlist úr landi, þá verðum við að borga. Svo einfalt er það. Þetta er afleiðingin af þessari alþjóðavæðingu.“

segir Halldór Björn Runólfsson

Ekki furða þótt 30% fjölskyldna stefni í þrot á Íslandi þegar úreltur og margþrota hugsunarháttur lifir góðu lífi meðal þeirra sem vasast með fjármuni skattborgaranna.

Dýrasta verkið