Þegja sem gröfin

Fjölmiðlar hafa þagað sem gröfin um fræðilegar álitsgerðir um Icesave þar til að Spegillinn tók viðtal við Lárus Blöndal í dag.

Utanríkisráðuneytið afhendir ekki lögfræðilegar álitsgerðir um Icesave. Þær eru "trúnaðarmál".

Allt útlit er fyrir að yfirvöld vilji leyna fyrir almenningi að samkvæmt áliti færustu sérfræðinga bera Íslendingar EKKI lagalega ábyrgð á Icesave.

HVERS VEGNA VILL RÍKISSTJÓRNIN SKULDBINDA ÞJÓÐINA FYRIR HUNDRUÐUM OG JAFNVEL YFIR ÞÚSUND MILLJÖRÐUM ÁN ÞESS AÐ FYRIR ÞVÍ LIGGI LAGALEG RÖK.

Ríkisstjórnin segir við verðum að borga Icesave en hún segir ekki hvers vegna.

Bendi á góða færslu um þetta hér.

Sjálfstæðismenn ráða úrslitum

Lögfræðiálit eru kjaftasögur valdhafanna

Valdamenn og auðmenn ráða lögfræðinga til þess að gefa út álit sér í hag. Gunnar Birgisson fær lögfræðiálit hjá lögmannastofunni Lex. Landsbankalögmennirnir hvítþvo Sigurjón Árnason. Löfræðingar gefa álit um að að afskriftir í Kaupþingi hafi verið lögmætar jafnvel þótt þær hafi verið hluti af markaðsmisnotkun.

Svo er allt útlit fyrir að Bakkabræður séu að kaupa Kaupþing í Lúxemburg......

Var ekki skylt að bjóða verkin út

Bullið í valdhöfum ekki samboðið siðuðu samfélagi

Meðan stjórnvöld gera allt til þess að teyma almenning til þess að greiða skuldir Björgólfs Thors rignir bullinu yfir þjóðina. ESB, Gordon Brown, Bjögólfur Thor og Rússneska mafían beita fyrir sig AGS til þess að mjólka íslenskan almenning þangað til valkosturinn er ekki annar en að afhenda þeim auðlindirnar.

Stjórnvöld sem vilja sópa sukkinu undir teppið eru í raun strengjabrúður þessara aðila.

Það er ekkert sem réttlætir það á neinn rökrænan, siðlegan eða lögmætan hátt að þriðji aðili eigi að ganga í ábyrgð fyrir aðila sem hafa átt í viðskiptum.

Ekki ríkisábyrgð á leynisamning

Hálfvitalýðræðið í verki

Leynimakk stjórnmálamanna og endalausar lygar þeirra fyrir kosningar hafa í för með sér að fólk hefur ekki hugmynd um hvað það er að kjósa

Nú eiga þingmenn að fara að kjósa um samning sem þeir hafa takmarkaða þekkingu og skilning á.

Merkilegt að Bretar líta svo á að Icesave málið sé í höfn þótt það hafi ekki farið fyrir þingið.

Hverjir hafa völdin í landinu?

Gordon Brown?

Landsbanki ekki lengur á lista

Skjaldborgin um spillinguna

Menn sem rústuður þjóðarbúinu með tærri snilld sinni halda nú áfram að beita henni í skjóli þriðju Ríkisstjórnarinnar.

Gott að losna við að borga skatta af 70 milljóna tekjum. Kannski ætti skattstjórin að leggja á hann sérstakan aðstöðuskatt svipað og hefur verið gert við fólk sem lánar ættingjum sínum húsnæði frítt.

Frjálslega er farið með skattalöggjöfuna þegar venjulegir launaþrælar eiga í hlut en annað viðist upp á teninginn þegar um er að ræða tæra snilld.

Ég veit til þess að einstæð móðir var einu sinni látin greiða skatt af barnameðlagi frá föður. Starfsmanni skattstjóra fannst meðlagið í hærri kanntinum og þótti því eðlilegt að skattleggja framfærslu föðursins til barnsins.

Fékk 70 milljóna lán

Heigulsháttur Ríkisstjórnarinnar

AGS og ESB hafa lagst á eitt um að sölsa undir sig auðlindir Íslands og verðmætaksköpun í landinu í margar kynslóðir. Þetta er ekki í fyrsta sinn sem Íslendingar verða fyrir arðráni útlendinga með aðstoð ríkisvaldsins. Stóriðjan er minnisvarði um það.

Í haust átti ríkisstjórnin tvo valkosti sem voru að beigja sig eins og heiglar undir kröfur valdhafanna í Brussel sem hafa gengið erinda Breta og Hollendinga og beitt fyrir sig AGS eða þeir gátu styrkt varnir okkar með því að byrja að leita nýrra markaða utan Evrópu og efla matvælaöryggi með aukinni framleiðslu matvæla á Íslandi. En Bónusfeðgar og fleiri hafa rústað innlendri framleiðslu á undangengnum áratugum.

Ný ríkisstjórn heldur áfram að varða leið heigulsins. Hún gerir það og gott betur því hún styður árásaraðilann með leynimakki og heldur sannleikanum frá almenningi og slævir þannig pólitískan vilja almennings.

Norðmenn veita gjarnan góð ráð

Á ég að gerast skúrkur?

Helgi Sigurson lögfræðingur Kaupþings undirbjó lögfræðiálit sem byggt var á þegar afskriftir útvaldra voru afskrifaðar hjá kaupþing. Nú hefur hann samið nýtt lögfræðiálit sem kveður á um að ekki sé hægt að snúa ofan af þessum afskriftum. Helgi Sigurðsson starfar enn fyrir Kaupþing.

Mál Sigurjón Árnasonar sýnir svo ekki verður um villst að  enn eru enn að mata krókinn löngu eftir hrun. Kíkið á þessa síðu hér

 

 

 

Merkileg frétt á RUV í gær en þar segir að líklega sé ekki um skattaundaskil að ræða. Ég er að hugsa um að leggja hluta tekna minna í einkalífeyrissjóð og fá þannig frestun á skatti og taka síðan  tekjurnar

út sem lán með vöxtum frá 2050 þá þarf ég aldrei að borga skatta af þeim.

Máli Sigurjóns vísað til FME

Opið bréf til Baldurs Guðlaugssonar

Sæll Baldur

Ég varð fyrir því óláni í haust að bankarnir í heimalandi mínu hrundu svo mikill skaði varð af fyrir allan almenning. Ég hafði ekki hugmynd um að bankarnir væru að hrynja og lét undir höfuð leggjast að selja hlutabréfin mín í bönkunum. Ýmsir erfiðleikar hafa fylgt í kjölfarið en þeir tengjast fyrst og fremst áhyggjum af framtíð barnanna minna og öldruðu fólki vegna niðurskurðar hjá hinu opinbera.

Mér skilst að þú sért nýráðinn ráðuneytisstjóri menntamála. Ég geri ráð fyrir að þú sért öðrum mönnum fremri um siðmennt og þau fræði sem lúta sem lúta að hæfni manna til þess að leysa af hendi störf sem krefjast sérþekkingar og sérstakrar hæfni hvað varðar mannkosti og heiðarleika.

Mér datt því þú í hug fyrstan manna til þess að aðstoða mig við að leysa tiltekið vandamál sem varðar þau atriði sem ég nefni hér að ofan. Það hefur verið mikið fjallað um í fjölmiðlum undanfarið að menn sem eru vanhæfir, óhæfir eða beinlínis óheiðarlegir séu æviráðnir og neiti að yfirgefa störf sín þrátt fyrir háværar kröfur þar um. Menn sem hafa gerst brotlegir á ýmsan hátt bæði fyrir og eftir hrun neita hreinlega að horfast í augu við vangetu sína og hunsa vilja almennings um að finna sér störf sem þeir ráða við.

Það veldur mér áhyggjum að ríkisstjórnin virðist standa ráðþrota frammi fyrir þessu vandamáli. Í ljósi sérstakrar þekkingar þinnar á kröfum sem uppfylla þarf til þess að geta gengt embættisstörfum af heilindum sem ég gef mér að þú hafir sem handhafi æðsta embættis á sviði menntamála vil ég biðja þig um að vera Ríkisstjórninni innan handar sem í ráðaleysi sínu virðist ekki geta leyst þetta vandamál. Mér dettur í hug að þú getir aðstoðað Ríkisstjórnina við að semja lög sem fela í sér að í ljósi þeirra hörmunga sem gengið hafa á í íslensku þjóðarbúi fari fram endurmat á hæfni einstaklinga í öllum embættis ríkisins.

Mín hugmynd er að samkvæmt þessum lögum verði öllum embættismönnum sagt upp störfum frá og með 8. október næstkomandi, stöðurnar auglýstar og embættismenn ráðnir til starfa á grundvelli mats sem óháð hæfnisnefnd gerir. Menn yrðu endurráðnir eða ekki óháð pólitískum tengslum, ættartengslum o.s.frv.

Núna þegar niðurskurður upp á hundruð milljarða blasir við gef ég mér að þú sért sammála mér að mikilvægt sér að hvert embætti sé skipað hinum hæfustu og traustustu einstaklinum þannig að hámarksskilvirkni megi nást fram í störfum hins opinbera.

Með fyrirfram þökk fyrir aðstoðina

Jakobína Ingunn Ólafsdóttir

Afrit verður sent ráðamönnum og birt almenningi.

Tölvupóstur Baldurs er [e-mail] 

Tveir þingmenn hafa svarað þessu bréfi:

Þingmaður 1:

snilld:)

með björtum kveðjum

Þingmaður 2:

Heil og sæl, Jakobína.
Hafðu þökk fyrir að deila þessu bréfi með mér. Ég er þeirrar skoðunar að ein helsta meinsemd opinberrar stjórnsýslu á Íslandi sé æviráðning embættismanna.
Með góðri kveðju,

Það er nokkuð ljóst af svörum þessara þingmanna að ýmsir þeirra deila með mér áhyggjum mínum. Það er hins vegar undir þeim Jóhönnu og Steingrími komið hvort tekið verði á þessu með lagabreytingum sem fela ekki í sér pólitíska mismunun og fella úr gildi samninga sem lykta af pólitískri spillingu og eru andstæðir velferð þjóðarinnar og tilgangi hins opinbera að vera þjónn almennings.

Íslenskir stjórnmálamenn læri af honum

Það er spurning hvort Egill ætti ekki að reyna að fá Kuupik Kleist til landsins til þess að aðstoða Evu Joly við að siðmennta íslenska stjórnmálamenn.

Hann virðist allavega meðvitaður um að sóðaskapur í stjórnsýslunni er ekki eðlilegur:

Kuupik Kleist, nýr formaður landsstjórnarinnar á Grænlandi, segist ekki munu líða hirðuleysi og spillingu. Hann segir í samtali við danska blaðið Berlingske Tidende, að ef stjórmálamenn verði uppvísir að því að maka krókinn og misnota stöðu sína í eigin þágu, fjölskyldu eða vina muni þeir fá reisupassann. 

Hér á landi virðist það viðtekið að stjórnmálamenn verði gjörsamlega ráðþrota þegar kemur að því að losa sig við spillta og vanhæfa embættismenn. Það að losa sig við embættismenn sem hafa orðið uppvísir að spillingu eða eru vanhæfir eða óhæfir er ekki pólitísk hreinsun heldur fagleg stjórnun.

Hvers vegna skilur stjórnvaldið þetta ekki?

Varar gráðuga stjórnmálamenn við

Áskorun til þingmanna

Opið bréf til þingmanna

Ég hef oftar en einu sinni velt því fyrir mér í vetur hvort stjórnvöld geri sér grein fyrir ábyrgð þeirra á framtíð þjóðarinnar. Hversu langt mega valdhafar ganga þar til þeir eru komnir út fyrir það umboð sem þeir geta talist hafa þegar þeir eru kosnir til fjögurra ára? Stjórnvöldum ber að standa með almenningi á hverju sem gengur en atburðarrás liðinna mánaða bendir til þess að stjórnmálamönnum yfirsjáist hagsmunir þjóðarinnar.

Erindi mitt er að hvetja þig til þess að setja hagsmuni þjóðarinnar í fyrsta sæti þegar þú tekur afstöðu til Icesave-samningsins.

Mikill ágreiningur er um réttmæti kröfu erlendra aðila vegna innistæðna í Icesave. Þegar slíkur ágreiningur rís upp er eðlilegt að stjórnvöld taki stöðu með þjóðinni en ekki erlendum kröfuhöfum. Þar sem að kröfurnar fela í sér áhættu sem gæti hæglega komið íslenskum almenningi á vonarvöl ættu stjórnmálamenn að hugsa sig vel um áður en þeir gangast við þessum kröfum.

Eðlilegur farvegur fyrir þetta mál er Alþjóðadómstóllinn í Haag. Tilgangur með stofnun hans er að dæma í málum eins og Icesave. Að gera kröfu um að málið fari fyrir dómsstóla varpar ekki nokkurn hátt rýrð á íslenska ríkið. Þvert á móti ber það vott um ábyrgðarleysi stjórnvalda ef þeir skrifa undir samning á borð við Icesave.

Framgangur Icesave-málsins er í hrópandi andstöðu við skipulag og sáttmála lýðræðissamfélagsins sem byggir á löggjafarvaldi, framkvæmdavaldi og dómsvaldi. Ágreiningur á heima hjá dómsvaldinu í lýðræðissamfélagi.

Ef íslensk stjórnvöld svíkja þjóð sína og skrifa undir afarkosti Icesave-samningsins vegna smæðar sinnar gagnvart stærri ríkjum eru þau að lúta lögmálum frumskógarins en ekki að haga sér í samræmi við lögmál siðmenntaðs lýðræðissamfélags.

Ég minni á það að ekki er stoð fyrir því í lögum, hvorki tilskipunum ESB, né heldur íslenskum lögum að ríkinu sé skylt að ganga í ábyrgð fyrir tryggingarsjóð innlána. Regluverk ESB er ófullkomið hvað þetta varðar og það er fráleitt að íslenskir skattborgarar geti orðið ábyrgir fyrir viðskiptum einkafyrirtækja út um allan heim hvort sem kveðið er á um það í regluverki eða ekki. Ef einhver er ábyrgur í þessu máli, aðrir en þeir sem áttu beina aðild að viðskiptunum, eru það þeir sem voru ábyrgir fyrir því að regluverk ESB gengi upp, þ.e.a.s. valdhafar Evrópusambandsins sem sjá um að móta viðskiptaumhverfi milli ríkja innan þess.

Ég árétta því við þig ágæti þingmaður að það er þín ábyrgð að taka stöðu með þjóð þinni.

Ég óska eftir svari þar sem þú gerir grein fyrir afstöðu þinni og rökstuðningi fyrir henni.

Ég vil geta upplýst börnin mín og börn annarra um það hverjir kölluðu þessa óhæfu yfir okkur ef hún nær fram að ganga.

Bestu kveðjur

Jakobína Ingunn Ólafsdóttir

Svör hefur borist frá tíu þingmönnum nú:

Margrét Tryggvadóttir segir:

Sæl Jakobína og takk fyrir bréfið,

Ég er þér hjartanlega sammála og við í Borgarahreyfingunni munum gera allt sem í okkar valdi stendur til að koma í veg fyrir að samningurinn nái fram að ganga. Baráttan gegn Icesave samningnum er eitt af helstu stefnumálum Borgarahreyfingarinnar og ein af ástæðunum fyrir því að ég gekk til liðs við hreyfinguna.

Baráttukveðjur,

Margrét

Ólína Þorvarðar segir:

Sæl Jakobína.

Ég geri mér fulla grein fyrir ábyrgð minni gagnvart þjóðinni. Þá ábyrgð tek ég alvarlega, og þess vegna mun ég í þessu Icesave máli taka yfirvegaða afstöðu en ekki hlaupa til í takt við háværustu hrópin.

Ég lít svo á að íslensk stjórnvöld séu nú að róa lífróður fyrir íslenska þjóð, og ég er tilbúin að aðstoða þau við þann róður af öllum mínum kröftum.

Eftirköstin af efnahagshruninu verða ekki auðveld - það vissum við. Nú er komið að skuldadögunum. Við eigum enga leið út úr hruninu aðra en að moka, og það verða allir að hjálpast að við þann mokstur, hvort sem þeir bera ábyrgð á hruninu eða ekki.

Ég er ekki sátt við það að þurfa að taka á mig lífskjaraskerðingu og hækkun lána í framtíðinni vegna þessa ástands, enda ber ég enga ábyrgð á því frekar en þú. En við erum ein þjóð, og við verðum að takst á við þetta sem þjóð. Ekki bara okkar sjálfra vegna heldur barnanna okkar vegna og barnanna þeirra. Það er það minnsta sem við getum gert.

Ég trúi því að þær aðgerðir sem nú eru í gangi, miði einmitt að því að bjarga. Þess vegna styð ég þær heilshugar og mun greiða atkvæði með þeim. Ég gæti ekki samvisku minnar vegna setið hjá, og þaðan af síður greitt atkvæði gegn, því ég trúi því að með Ice-save samningnum hafi verið kastað til okkar líflínu sem muni ráða úrslitum um það hvort við eigum okkur viðreisnar von sem þjóð.
 
Dómstólaleiðin er að mati fjölmargra lögfræðinga ekki fær fyrir okkur - þeir bjartsýnustu segja hana afar áhættusama. Í því ljósi, sé ég enga aðra leið en þá sem  nú er verið að fara. Lánið er okkur hagstætt, 5,5% vextir  og sjö ára greiðslufrestur í upphafi, meðan verið er að ná eignum Landsbankans upp í skuldir. Svartsýnustu spár segja að eignirnar muni duga fyrir 75% af láninu, þeir bjartsýnustu tala um 95%.
Með fullri virðingu fyrir skoðunum annarra - þá mun ég í þessu máli hlýða mínni eigin samvisku eins og Þingmannseiðurinn kveður á um að mér beri að gera. Ég mun ekki láta undan þrýstingi frá hvorki stjórn né stjórnarandstöðu, og mun ekki láta æsingslega og óábyrga umræðu villa mér sýn í þessu máli.  Hér er of mikið í húfi.

Með velfarnaðaróskum,

Ólína Þorvarðardóttir
Alþingismaður

Ég vil setja hér með svar til Ólínu sem er eftirfarandi:

Dómstólaleiðin er að mati fjölmargra lögfræðinga ekki fær fyrir okkur - þeir bjartsýnustu segja hana afar áhættusama. Jafnvel þótt við töpum málinu mun það aldrei fela í sér áhættu eða afarkosti á borð við þá sem felast í Icesave-samningnum. Alþjóðalög mun verja okkur fyrir slíku.

Í Lánið er okkur hagstætt, 5,5% vextir  og sjö ára greiðslufrestur í upphafi, meðan verið er að ná eignum Landsbankans upp í skuldir. Lánið er MJÖG óhagstætt. 5,5% vextir í þessu samhengi eru okurvextir (hærri en vextir á húsnæðislánum og auk þess gengistryggt). Það að fresta vandanum út fyrir kjörtímabilið er lítilmannlegt. Stjórnvöld hafa valið leið í Icesave málinu sem gera það að vanda annarra í stað þess að sýna ábyrgð og takast á við það núna.

Svartsýnustu spár segja að eignirnar muni duga fyrir 75% af láninu, þeir bjartsýnustu tala um 95%. Þessi setning speglar vel það sem ég segi um áhættuna sem er innbyggð í þennan samning. Það er ekki að ástæðulausu sem Bretar og Hollendingar heimta að þess áhætta lendi öll á okkur. Það er vítavert ábyrgðarleysi sem jaðrar við spilafíkn að láta sér detta í hug að hætta framtíð barna okkar á grundvelli þess sem kallað er "bjartsýnis/svartsýnisspár".

Þór Saari segir:

Sæl Jakobína.
Víð í Borgarahreyfingunni erum alfarið á móti þessum ICESAVE samningi og
höfum hingað til talað gegn honum og munum halda því áfram þegar hann kemur
til afgreiðslu í þinginu. Þú getur séð framlag okkar og hluta umræðunnar á blogginu
mínu frá 6. júní.  Við höfum verið að reyna að dafna liði gegn samningunum og er
líklegt að öll Framsókn greiði atkvæði gegn, nokkur úr VG en ekki er víst að allir
Sjálfstæðismennirnir geri það.  Þanig að þú og fleiri megið hringja í þá.

http://thorsaari.blog.is/blog/thorsaari/entry/891687/

Í guðs bænum haltu svo áfram að láta í þér heyra.

Með bestu kveðju.
Þór

Siv Friðleifsdóttir segir:

Sæl Jakobína.

Bendi þér á ályktun miðstjórnar framsóknarmanna frá því um helgina:

http://www.framsokn.is/Flokkurinn/Fyrir_fjolmidla/Frettir/?b=1,4643,news_view.html

Kv.

Siv

Gunnar Bragi segir:

Sæl Jakobina.
Ég tekið undir flest það sem fram kemur í þínu skeyti.
M.v. þá litlu kynningu sem þingmenn hafa fengið þá get ég ekki með nokkru móti samþykkt samninginn.
kv.
Gunnar Bragi Sveinsson.

Birgitta segir:

þú veist afstöðu okkar
hefði ég haldið miðað við það sem við höfum látið frá okkur fara varðandi ICESAVE
með björtum kveðjum
Birgitta Jónsdóttir

Sigmundur Ernir Segir:

Bestu þakkir fyrir bréfið.

Sjónarmið þín eru málefnaleg og sterk.

Guðmundir Steingrímsson segir:

Komdu sæl,
Takk fyrir bréfið. Ég get ekki, og sérstaklega ekki á grundvelli fyrirliggjandi upplýsinga -- sem eru litlar --, samþykkt þessa ríkisábyrgð vegna Icesave samninganna.
Bestu kveðjur,
Guðmundur.

Vigdís Hauksdóttir segir:

Sæl og blessuð Jakobína
Ég tek undir hvert orð hjá þér og er þér algjörlega sammála. Ég sagði á fundi sem Heimsýn stóð fyrir á Bifröst í gær að upp væri runnið örlagasta ár okkar íslendinga.
Ég kem til með að greiða atkvæði á móti þessum samningi - enda deili ég skoðun með Stefáni Már og Lárusi Blöndal að okkur beri ekki að ábyrgast þessar greiðslur.
Með kveðju og góðum óskum um bjarta framtíð fyrir íslenska þjóð.
Vigdís Hauksdóttir

Sæl Jakobína,
mín afstaða er skýr. Ég er alfarið á móti því að við borgum Icesave skuldbindingarnar.

Gangi þér vel í þínum störfum.

Bkv. Höskuldur Þórhallsson