Málfrelsi hættulegt...

....fyrir þá sem vilja hafa vald til þess að skilgreina atburði.

Þöggun er verkfæri þeirra sem vilja ekki að vanhæfni þeirra komist undir kastljósið....

...Velferð skjólstæðingsins verður aukaatriði miðað við þörf valdhafans við að viðhalda tiltekinni ásýnd.

Rekin fyrir að segja frá ofbeldi

Nýir eigendur Íslandsbanka að verki?

Vogunarsjóðir þyrptust til Íslands á fyrir nokkrum árum og veðjuðu gegn krónunni. Áhættufjárfestar sem vildu græða á tapi annarra. Stjórnendur lífeyrissjóðanna tóku þátt í leiknum með því að veðja á krónuna. Þegar áhættufjárfestar græddu töpuðu lífeyrissjóðirnir.

Í dag er búið að rústa krónunni. Vont gengi krónunnar gerir Icesave-samninginn enn verri og skapar gríðalega hættu fyrir komandi kynslóðir.

Erlendar skuldir 30% of háar

Ég fæ gæsahúð

Ósvífni Hollendinga veldur mér flökurleika. Þer eru með hnífinn á barka þjóðarinnar, eins og Ögmundur Jónasson myndi kalla það og kalla það jákvætt og uppbyggilegt samband við íslensk yfirvöld.

Hollenski talsmaðurinn segir:

Hollensk stjórnvöld hafa ekki sett tímamörk fyrir svör íslenskra stjórnvalda en vænta þess að fá svör eins fljótt og auðið er. „Þetta er ferli sem verður að vinna vel og því virðum við að allir málsaðilar taki
sinn tíma."

Nei nei þeir halda bara sleggju yfir hausnum á ráðherrunum með aðstoð Alþjóðgjaldeyrissjóðsins.

Hollendingar bjartsýnir

Merkilegt rugl

Samfylkingin og Steingrímur halda því fram að allt fari í steik ef Íslendingar skrifi ekki upp á 1.000 milljarða víxil Breta og Hollendinga.

Ef ekki, þá fáum við engin lán segja þau.

En bíðum nú við það er alltaf hægt að fá lán. Spurningin er bara hvað kosta lánin.

Það þarf verulega óupplýstan einstakling til þess að halda því fram að ekki sé hægt að afla lána fyrir gjaldeyrisvaraforða fyrir minna en 1.000 milljarða.

það þarf líka verulegan einfeldning til þess að trúa því að aðrar þjóðir treysti Íslendingum betur ef þeir láti plata sig til þess að skrifa upp á Icesave. Enda skammast ég mín fyrir að vera af sama þjóðerni og ríkisstjórnin um þessar mundir.

Það gengur illa í Lettlandi en Ísland er þó mun verr statt.

Hvenær fattar þjóðin hvað er í gangi?

Rússalán innan seilingar

Sjálfstæðismaður talar....

....Ábyrgðir vegna skulda Landsvirkjunnar voru um 25 milljarðar árið 2000 en eru nú um 515 milljarðar. Þetta gerðist á forræði sjálfstæðisflokks.

Sóun á fjármunum skattborgara hefur aldrei verið eins gríðarleg eins og þegar sjálfstæðisflokkurinn hefur farið með forræði.

Útgjöld til heilbrigðismála tvöfölduðust í valdatíð sjálfstæðisflokks á árunum 2000 til 2008 úr 73 milljörðum í 156 milljarða. Samt sem áður var alltaf verið að skera niður. Í hvað fóru fjármunirnir....gæluverkefni eins og upplýsingasamfélagið.

Lóðaskil afsökun fyrir slæmri fjárhagsstöðu

Hvernig verður þetta þá árið 2011...

...Getur Árni Páll hugsað svo langt fram í tíman.

Þá verður það sem til er frá góðæristímum uppurið....

Ríkið komi til móts við sjóðinn

Fjármagnssósílalismi sjálfstæðisflokksins krefst mannslífa

Ríkissjóður þandist út í tíð sjálfstæðismanna. Ekki birtist það í bættri þjónustu við almenning heldur ofurlaunum klíkutengdra aðila. Sjálfstæðisflokkurinn snérist í valdatíð sinni upp í einhverskonar öfugsnúinn kommúnisma. Íhlutun ríkissins í velferð fámenns hóps á kostnað almennings varð hið viðtekna.

Reikningurinn vegna fyrirætlana sjálfstæðisflokksins berst nú inn um bréfalúguna og krefst mannslífa.

Á St Jósefsspítala fengu sérfræðingar 24 milljónir fyrir 60% starf. Þetta var nettógreiðsla sem þó var greidd sem verktakalaun.

Það er augljóst að þegar samfylking og sjálfstæðisflokkur eru búin að rústa efnahagskerfi landsins og Alþjóðagjaldeyrissjóðurinn krefst þriðjungs niðurskurðar á velferðarkerfinu að ekki er hægt að halda úti starfsemi sem byggist á svona launum.

Dauðsföll sem rekja má til þess að fólk greinist ekki með sjúkdóma eins og ristilkrabbamein fyrr en á seinni stigum má rekja til óstjórnar á Íslandi og vondra ákvarðanna stjórnmálamanna.

Það er ábyrgðarstarf að stjórna landinu. Þegar stjórnmálamenn fara að leika sér með sjóði landsmanna, landslög og stofnanir skapar það eymd meðal þeirra sem þeir eru að ræna.

St. Jósefsspítala lokað hægt og hljótt

Vinna yfirvöld gegn sköpun þekkingar og skilningi á samfélagsgerð

Ég  hef eins og margur sinnt mínu daglega lífi og ekki velt því fyrir mér hvernig heimurinn hefur verið að þróast. Jú vissulega hef ég orðið vör við samfélagsbreytingar sem mér hugnuðust ekki. Ég hef orðið vör við yfirgang heimsvaldsafla og ekki líkaði mér þegar Bush náði kjöri í Bandaríkjunum á sínum tíma.

Skaðræðisþróun varð einnig á Íslandi undafarna áratugi. Öfl sundrungar tóku til að riðla því fátæka skipulagi sem þó var á hlutunum.

Þessar hugrenningar voru frekar í jaðri minnar vitundar og höfðu ekki nægilega sterk áhrif til þess að verða hvati að því að ég risi upp og gerði eitthvað í málinu. Það var ekki fyrr en óþverrinn heltist yfir mína eigin persónu í formi bankahrunsins sem ég vaknaði almennilega upp og sagði við sjálfa mig að nú væri komið nóg.

Hugtakið siðmenning (civilization) hefur merkingu sem vert er að draga inn í umræðuna við aðstæður sem skapast í kjölfar bankahrunsins. Hugtakið er frekar óskýrt en ég ætla að skoða skilgreiningu Wikipetia og prjóna síðan minn skilning út frá henni.

Einn skilningur á siðmenningu er að hana megi skilja frá annarri menningu vegna félagslegs margbreytileika, skipulags og fjölbreyttrar og menningalegrar starfsemi. Hugtakið siðmenning er þó oftar notað á gildishlaðnari hátt þar sem orðið tekur á sig merkingu borgarmenningar og teflt fram sem menningu æðri öðrum og villtari menningum. Oft gefur notkun hugtaksins til kynna merkingu um yfirburði í menningu eða siðferðislega yfirburði tiltekinna hópa. Siðmenning getur því vísað til vandaðrar hugsunar, siða eða smekks.

Hugtakið siðmenningu tel ég heppilegt að nota í víðri merkingu og telja einnig að það hafi jákvæða skírskotun til samfélags manna.

Ég ætla því gefa því þá merkingu í minni umræðu að siðmenning endurspegli siðmenntað samfélag sem er skipulagt með tilliti til almennrar velferðar. Almennt gildismat í siðmenningu hyllir vandaða hugsun, skýra framsetningu á hugtökum og umræðu sem felur í sér gagnsæi og skilning.

Þegar ég lít til umræðu í fjölmiðlum, umræðu á pólitískum vettvangi og hegðun í stjórnsýslu og viðskiptalífi skynja ég hnignandi siðmenningu.

Íslensk siðmenning hefur ekki verið upp á marga fiska í þeirri merkingu hugtaksins sem ég gef því hér. Það er gagngert unnið gegn "menntun" á íslandi en áróður og þjálfun þess í stað kallað menntun. Kenningar sem vinna gegn almannahag eru settar fram kinnroðalaust, fólk hiklaust útskúfað af vinnumarkaði ef það segir hug sinn eða lætur í ljós vantrú á falskenningunum.

Fólk sem tekur upp á því að tengja saman upplýsingar í því skyni að skapa þekkingu og auka skilning á samfélaginu er hiklaust ofsótt.

Á Íslandi hefur þróast mesta mismunun sem þekkist í hinum vestræna heimi í aðgangi að veraldlegum gæðum. Óréttlátur aðstöðumunur telst sjálfsagður og honum viðhaldið með leyndarhyggju og þöggun.

Það er fyrst og fremst á ábyrgð okkar sjálfra að berjast og rísa upp gegn þessu. Meðan almenningur tekur gagnrýnilaust á móti forheimskutali stjórnmálamanna mun þjóðin heftast í þroska.

Aukin þroski þjóðar og siðmenning vex með opinni umræðu, gangsæi, virðingu fyrir merkingu hugtaka, virðingu fyrir sköpun þekkingar og eflingu skilnings á samfélagsgerð. Þátttaka almennings í mótun samfélagsins er grundvöllur að betra samfélagi.

Bendi á ágætan pistil hér

Turist attraction

Hugmyndir eru uppi um að gera fangelsi úr turninum í Borgartúni. Það má fylla hann af útrásarvíkingum og selja túristum aðgang til þess að skoða þetta sérstaka fyrirbæri sem er afsprengi langlundargeðs þjóðarinnar og spillingar í fjórflokknum.

það mætti flokka þá í álmur út frá því hvort þeir tengist kvótaspillingu, bankaspillingu eða orkuspillingu nú eða bara almennri græðgispillingu.

Auglýsir eftir húsnæði undir fangelsi

Þetta kemur ykkur ekkert við...

....Þegiði og borgið skuldir Björgólfs Thors...

Myndinni stolið af bloggi postdoc

NYT um viðbrögð vegna fyrirvara