Hvers vegna var gjaldeyrisvaraforðanum forðað úr landi í haust?

Jöklabréfaútgefendur endurfjárfestu í íslensku ríkisskuldabréfum til þess að tryggja sér krónur til endurgreiðslu á jöklabréfum sem endurgreidd skyldu í krónum. Við þetta safnaðist fyrir gjaldeyrisvaraforði en annar gjaldeyrir virðist vart hafa verið til í landinu.

Rétt fyrir hrun var nánast allur gjaldeyrisvaraforði 520 milljarðar lagðir inn á Kaupþing. Sögur herma að fjárglæframennirnir hafi flúið með fullar ferðatöskur af gjaldeyri úr landi um svipað leyti og einnig hafa verið fréttir að hundrað milljarða millifærslu úr Kaupþing til Kaupþing í Luxemburg.

Leynd hvílir yfir því nú hverjir eru eigendur jöklabréfanna og hver ríkisstjórnin af fætur annarri hefur farið með völd án þess að stynja upp hverjir þessir lánadrottnar jöklabréfaútgefendanna eru en jöklabréfaútgefendurnir eiga síðan kröfu á Íslenska ríkið.

Einhverra hluta vegna hefur verið ákveðið að eyða púðrinu í Ólaf Ólafsson en Björgólfur Thor er innan skjaldborgarinnar eftir því sem best verður séð.

Ekki er ljóst hvort Ólafur Ólafsson hafi verið að  plata hinn ágæta sjeik Mohamed Bin Khalifa Al-Thani frá Katar en heyrt hef ég þó að sjeikinn hafi tapað á þessum viðskiptum og sé reiður Ólafi. En gjörðir Björgólfs Thors hafa einungis bitnað á skattgreiðendum hér á landi. Reyndar tel ég að Bretar og Hollendingar eigi líka að borga skatt hér á landi þar sem þeir telja sig eiga rétt á þjónustu ríkissjóðs Íslands.

Forseti Íslands er í ágætu vinvengi við emírinn af Katar og fór til hans nýlega í opinbera heimsókn en heimsókn hans er sögð hafa skilað víðtækum árangri. Í viðræðum forseta og emírsins af Katar,
Sheikh Hamad Bin Khalifa Al Thani, kom fram eindreginn vilji þjóðarleiðtoga Katars til að kanna rækilega möguleika á náinni samvinnu við Íslendinga á sviði banka- og fjármála, heilbrigðismála og rannsókna í læknavísindum, nýtingu hreinnar orku, háskólamenntunar og rannsóknaásamt því að þróa samræður um hvernig smærri ríki eins og Ísland og Katar gætu í sameiningu haft áhrif á stefnur og strauma á alþjóðavísu. 

Í viðræðum forseta Íslands og emírsins af Katar og á fundum iðnaðarráðherra Össurar Skarphéðinssonar og orkumálaráðherra Katars var farið yfir fjölmörg verkefni sem íslenskir bankar og fyrirtæki, háskólar og rannsóknastofnanir gætu komið að.

Leitað á heimili Ólafs

Alvarlegur doði í Ríkisstjórn

Atburðarrásin frá kosningum vekur upp spurningar hvort ekki sé brýn þörf fyrir neyðarstjórn. Gamlir jálkar í stjórnmálum hafa tekið völdin og hafa engan skilning á mikilvægi þess að takast á við þær hörmungar sem blasa nú við fjölskyldum í landinu.

Forseti Íslands, forsætisráðherra, fjármálaráðherra og utanríkisráðherra eru allir gamlir atvinnupólitíkusar. Enginn þessara aðila er þess megnugur að horfa út fyrir þröngt sjónarsvið klíkustjórmála og hagsmunapots.

Atvinnupólitíkusar eru samdauna þeirri venju að segja eitt og gera annað. Orð og gjörðir fara ekki saman. Ráðaleysið birtist í orðræðu þeirra sem felur í sér að almenningur sé ekki að skilja ástandið en í raun skilja þeir það ekki sjálfir og eru ekki innréttaðir til þess að koma auga á raunveruleg úrræði.

Framsóknarmenn í afneitun

Er ekki nokkur maður með viti í stjórnsýslunni?

Frétt á Eyjunni:

Útiræktun á umdeildu erfðabreyttu byggi á vegum líftæknifyrirtækisins ORF-Líftækni hefst að líkindum í landi Landgræðslu ríkisins á Rangárvöllum í sumar.

Til hvers....jú, ræktunar mannaprótíns!

Erfðabreyttur gróður hefur valdið miklum vandamálum víða um heim. Þau halda sig ekki á tilteknum afmörkuðum svæðum heldur fjúka fræin og menga náttúrulegan gróður. Menn hafa áhyggjur af langtímaáhrifum erfðabreyttra matvæla fyrir manninn.

Er Ísland að verða ruslakista fyrir starfsemi sem þykir víða óæskileg?

Og svo telja sjálfstæðismenn í Kópavogi ekkert athugavert við framferði Gunnars Birgissonar.

Og svo ætlar borgin að fjármagna draumóra Björgólfs með lífeyrissjóðum okkar

Fyrir hvern vinnur þetta fólk?