Mútur voru ólöglegar árið 2006

Samkvæmt frétt á Vísi

Félög tengd Jóni Ásgeir Jóhannessyni og feðgunum Björgólfi Guðmundssyni og Björgólfi Thor Björgólfssyni styrktu Samfylkinguna um ríflega fjörtíu milljónir króna á árinu 2006.

Félög tengd Björgólfsfeðgum styrktu Samfylkinguna um sextán milljónir árið 2006 en félög tengd Jóni Ásgeiri Jóhannessyni styrktu flokkinn um tuttugu og fimm milljónir.

Ég vil ekki að flokkur sem er kostaður af útrásarvíkingunum sitji hér við völd. Ég verð bara tortryggin. Ég hugsa líka til aðgerða Samfylkingar í haust þegar að bankarnir hrundu og ég spyr

Hvers vegna er ekkert komið upp á yfirborðið um Landsbankann?(Björgólfsfeðga)

 

Fyndin króna

Það er hlegið af krónunni um heim allan segir Guðmundur Ólafsson. Ég veit ekki hvað fólk í útlöndum er að gera í dag en kannski eru peningabrandarar vinsælir núna.

Það þarf að koma stöðugleika á krónuna áður en önnur mynt er tekin upp.

Margir hagfræðingar mæla fyrir einhliða upptöku erlends gjaldmiðils en samfylkingin þorir því ekki vegna þess að þá muni ESB refsa Íslendingum. Skemmtilegir vinir það eða hitt þá heldur.

Það er útlit fyrir að ESB séu að þvinga Íslendinga í ESB ef marka má það sem sagt er. Ekki fannst mér þó fyndið að Guðmundur Ólafsson skyldi bera fram hræðsluáróður fyrir inngöngu í ESB á RUV.

Almenna reglan hvað?

Það er vel þekkt að stjórnsýsla og ríkisfyrirtæki eru víða skipuð undirmálsfólki sem hefur fengið stöður vegna klíkuskapar yfirvalda. Vinnubrögð að þessu tagi hafa leitt þjóðin í ógöngur og verður enginn stjórnmálaflokkur undanskilinn aðkomu að svona vinnubrögðum og þá allra síst sjálfstæðisflokkurinn.

Hvað þýðir "almenna reglan er". Jú það þýðir að stjórnvöld geta bara gert það sem þeim sýnist.

Það virðist vera algjörlega vonlaust að Ríkisstjórn og Alþingi hér á landi taki upp starfshætti siðaðs samfélags.

Enn eru oligarkarnir við völd. Þeir eru eins og rottur í stjórnmálaflokkunum og afætur á þjóðinni.

Almenna reglan að auglýsa störf

Vilja að við borgum skuldir útrásarvíkinganna

Jóhanna hefur tekið að sér verkefni sem hún ræður ekki við og hefur engan skilning á.

Allt sem hún og hennar ríkisstjórn hefur tekið sér fyrir hendur hef leitt þjóðina í enn meiri ógöngur. Tryggð þessarar ríkisstjórnar er við alþjóðafyrirtæki en ekki þjóðina.

AGS sér um að setja ríkisstjórninni fyrir aðgerðir sem draga úr getu almenning til þess að sjá sér farborða.

Á Vísi segir

Samkvæmt heimildum Fréttastofu beinist óánægja AGS einkum að þeim seinagangi sem orðið hefur á að koma helstu atriðum fyrrgreindrar áætlunar til framkvæmda

Aðgerðir Ríkisstjórnarinnar miða að því að nota auðlindir þjóðarinnar til þess að borga skuldir fjárglæframanna.

Það er verið að rústa lífsskilyrðum barna okkar í þessu landi

Viljum við það?

Fyrstu umræðu um ESB-tillögu lokið

AGS dregur þá á asnaeyrunum

Spár sérfræðinga og Nóbelsverðlaunahafa um framgang AGS eru að rætast.

Nóbelsverðlaunahafinn Joseph Stieglitz, Naomi Klein, Michael Hudson og fleiri hafa varað við sviðinni jörð sem þessir aðilar (AGS) skilja eftir sig.

Hvaða öfl eru það á Íslandi sem sífellt koma í veg fyrir að unnið sé að hag þjóðarinnar en ekki að hag alþjóðafyrirtækja. Hver er á mála hjá alþjóðafyrirtækjum.

Hvers vegna var ekki hægt að koma í gegn stjórnarskrárbreytingum í gegn fyrir kosningar til þess að tryggja eignarhald þjóðarinnar á auðlindunum? Voru þar einungis sjálfstæðismenn að verki?

Hvaða Arabar voru það sem samfylkingin seldi vatnsréttindi í Hafnafirði fyrir slikk?

Hvers vegna er Árni Sigfússon búin að selja Keflavík?

Hvers vegna er áhersla lögð á að auka innflutning á kostnað framleiðslu í landinu (atvinnu fyrir Íslendinga)?

Hvers vegna á að byggja tónlistahöll og flytja inn vinnuafl til þess að gera það?

Hvers vegna á að byggja nýja grunnskóla í stað þess að bæta þjónustu við grunnskólabörn?

Hvers vegna er vinur og fyrrum aðstoðarmaður Össurar Skarphéðinssonar ráðinn í starf sem ekki er auglýst?

Hvers vegna er hið opinbera nánast hætt að auglýsa störf?

Ísland stendur undir skuldum

Skrítin frétt á RUV í kvöld...kenningar um jöklabréf

Sagt var í viðtali í kvöldfréttum RUV að líklega væri búið að kaupa upp flest jöklabréfin á svörtum markaði erlendis og að þrýstingur vegna þeirra á krónuna væri hverfandi.

Ég heyrði þetta svona í framhjáhlaupum.

Ef þrýstingur á krónuna vegna jöklabréfanna hefur minnkað þá þýðir það líklega að þau hafa skipt um eigendur og að nýir eigendur vilji komast yfir eitthvað sem þeir telja falt innanlands.

Ég velti því fyrir mér hvort að einhver stóriðjan hafi verið að kaupa jöklabréfin af útrásarvíkingunum og ætli að nota þau til að komast yfir Landsvirkjun. Kannski er leynimakkið þess vegna.

Ef þessi kenning er rétt og stjórnmálamenn eru með puttana í einhverju leynimakki eru þeir ekkert annað en bölvaðir svíðingar. Þetta eru málefni sem eru þess eðlis að það er grafalvarlegt mál að vera í leyniviðræðum við einkaaðila og halda þjóðinni í myrkrinu.

Leyndarhyggjan hefur verið ríkjandi meðal aðila innan samfylkingar og ekki skrítið að vöngum sé velt yfir því hvað valdhafarnir eru að makka.

Er það t.d. ekki furðulegt að forsetinn hefur ekki fengist til þess að mynda þjóðstjórn?

Þeir hanga eins og hundur á roði við völdin þeir sömu og leiddu hrun yfir þjóðina.