Andskotast frekjan í þessum krökkum

Heimta mat, föt og húsaskjól. Skilja þeir ekki að breskir aðalsmenn og áhættufíklar þurfa að ganga fyrir?

Krakkaskammirnar verða bara að skilja að menn þurfa að halda völdum og geta lifað við þær vellystingar sem þeir eru vanir. Það þýðir ekkert fyrir þau að tala um að þau þurfið að borða eða séu með tannpínu. Við höfum ekkert efni á því lengur.

Hækkar um 37 milljarða árlega

Hvert fóru Icesavepeningarnir?

Ekki lítur út fyrir að styrktaraðilar samfylkingar þurfi að borga Icesave. 

Sjöhundruð milljarðar gufa ekki upp. Reyndar er spurning hvort upphæðin sé ekki yfir 1000 milljarðar. Fréttaflutningur af málinu er óskýr og oft villandi. Helstu hönnuðir þessa óskapnaðar sem Icesave og Kaupþing edge lifa þó í vellystingum.

Björgólfur Thor á fína snekkju eins og myndir bera með sér.

 

 

 

 

 

 Margir þeir sem sagðir eru vera gjaldþrota lifa nú með glæsibrag í útlöndum. Kristinn Björnson á fínt hús í Flórída sem hann lét fyrirtæki sitt sem er á hausnum kaupa og selja sjálfum sér fyrir spottprís skv. DV.

Það vefst ekki fyrir stjórnmálamönnum hver á að borga skuldir þessara manna.

 

 

Milljón á ári á hvern vinnandi mann

Það er skuldbindingin sem Ríkisstjórnin hefur gengist undir gagnvart Bretum næstu sjö árin.

Ríkisstjórnin er að láta Brusselvaldið ráðskast með sig og fórnar velferð almennings til þess að fá aðgang að valdabatteríinu í Evrópu.

Ert þú tilbúin til þess að greiða eina milljón á ári til þess að uppfylla drauma þeirra sem ætla að fá að taka þátt í að arðræna þjóðina?

 

Hvað er geðveiki?

Yfir hundrað milljónir á dag. Það er vaxtakostnaðurinn sem Ríkisstjórnin ætlar að leggja á herðar þjóðarinnar vegna Icesave. Eftir sjö ár verður höfuðstóll skuldarinnar komin yfir 1000 milljarða samkvæmt einföldum útreikningum, þ.e. miðað við að vextir leggist við höfuðstól ár hvert.

Fólkið í stjórnarráðinu, sem hefur framtíð fólks sem þarf á samfélagsþjónustu að halda í sínum höndum, virðist ekki þess megnugt að lesa texta eða leggja saman tölur hvað þá heldur að beita dómgreind við ákvarðanatöku.

Geðveikt far í bæinn

Kreppan rakin til glóbalismans

Græðgi fjármálaaflanna hefur leitt til undirmálslána og markaðsmisnotkunar.

Fjármálastarfsemi undanfarin ár hefur átt meira skilt með glæpastarfsemi en fagmennsku.

Stækkunarárátta ESB hefu leitt minni og fátækari þjóðríki í ógöngur.

Efnahagkerfi Lettlands hugsanlega að hrynja þrátt fyrir að þeir hafi verið í ESB síðan 1. maí 2004 eða í 5 ár og allan þann tíma unnið að því að taka upp evruna. Gjaldmiðill Letta, latið, er tengt við gengi evrunnar. Alþjóðagjaldeyrissjóðurinn var beðinn um að aðstoða landið um svipað leyti og Ísland. Það sem er helzt að drepa Letta núna er tengingin við evruna sem þýðir að latið er alltof hátt skráð. Þeir þurfa að fella gengið og slíta á tenginguna en Evrópusambandið er á móti því enda óttast það þá að önnur ríki sambandsins fari að hugsa sinn gang. En efnahagsástand Lettlands er orðið það alvarlegt að hrun þar gæti hæglega haft keðjuverkun um allt Evrópusambandið.

Er ekki áróður Evrópusambandssinna að ef við hefðum verið í ESB hefðum við ekki lent í bankahruninu sl. haust??

Niðurstaða eða ekki

Hugsa bara um #%#$#% á sjálfum sér...

...sagði maður við mig í vetur um stjórnmálaelítuna.

 Nú er ríkisstjórnin að koma því þannig fyrir að misgjörðir þeirra og getuleysi vegna Icesave fari ekki að brenna á almenningi fyrr en hún er búin að koma málum sínum í höfn.

Ríkisstjórnin gengur fram með rangfærslur og villandi upplýsingar og treystir því að almenningur skilji ekki hvaða þýðingu þessi nauðungarsamningur hefur fyrir þjóðina.

Skuldbindingin er upp á 900 milljarða á næstu 7 árum. Allir aðrir þættir málsins eru í óvissu.

Miðað við þá stjórnvisku sem ríkti í Landsbankanum má gefa sér að eignir hans séu nánast verðlausar.

Björgólfur Thor lifir nú í vellystingum í Bretlandi umvafin skjaldborg flokkseigendaklíkunnar.

Það er dapurlegt að horfa upp á sóðaskapinn í stjórnarráðinu.

Steingrímur fær fullt umboð

Föðurlandssvik

Þá hefur samfylkingin í eitt skipti fyrir öll sýnt að afkomendur okkar eru í þeirra augum bara tuskur sem hún ætlar að nota til þess að þurrka upp skítinn eftir útrásarvíkinganna.

Samfylkingin veit nákvæmlega hvað hún er að gera. Vaxtakostnaður af þessu sem þeir kalla lán en er í raun fjárkúgun eru tæplega 40 milljarðar á ári. Það kostar 34 milljarða að reka landspítalann. Þetta er ekki pólitík heldur glæpastarfsemi. 

Framganga ríkisstjórnarinnar í öllu þessu ferli er á hæsta máta undarleg.

Hvers vegna var Svavar Gestsson sendur einn til Bretlands til þess að semja?

Ef framgangur málsins hefði verið eðlilegur og velferð þjóðarinnar í fyrirrúmi hefðu Bretar komið til Íslands með sendinefnd og túlk og viðræðurnar farið fram á íslensku og án leynimakks.

Það verður að koma þessum föðurlandssvikurum frá völdum!

 

Engin Icesave-greiðsla í 7 ár

ESB ER ÞEGAR BÚIÐ AÐ LEGGJA ÍSLAND UNDIR SIG?

ESB ER ÞEGAR BÚIÐ AÐ LEGGJA ÍSLAND UNDIR SIG - Í HUGANUM

Evrópusambandið á engin landssvæði sem liggja að norðurheimsskautinu en hefur hins vegar mikinn áhuga á að gera sig gildandi á svæðinu vegna hinna miklu náttúruauðlinda sem talið er að þar sé að finna og þá ekki sízt olía og gas sem sambandið þarf nauðsynlega að tryggja sér aðgang að. Hlýnandi veðurfar og bráðnun á norðurskautinu hefur aukið mjög líkurnar á að hægt verði að nýta þessar auðlindir. En til þess að tryggja stöðu sína í þeim efnum þarf Evrópusambandið að eiga landfræðilega aðkomu að svæðinu og þar kemur til sögunnar stóraukinn áhugi sambandsins á ná yfirráðum yfir Noregi og Íslandi.

Það er engin tilviljun að nýr sendiherra Evrópusambandsins gagnvart Íslandi og Noregi er sérfræðingur í deilunni um nýtingu hafssvæða við norðurheimskautsbaug og lykilmaður í mótun utanríkisstefnu sambandsins í þeim efnum. Í huganum eru ráðamenn í Brussel greinilega þegar búnir að leggja Ísland og Noreg undir sig.

http://sveiflan.blog.is/blog/sveiflan/entry/890518/

http://www.mbl.is/mm/frettir/erlent/2009/06/04/nyr_sendiherra_esb_a_islandi/