Þetta er gjörsamlega að ganga fram af manni

Hvað er þetta fólk eiginlega að gera í vinnunni með heilu ráðuneytin til liðs við sig.

Gera þau sér enga grein fyrir alvöru þessa máls?

Bráðabirgðaálit hans er að óvíst sé hvort fyrirliggjandi fyrirvarar hafi gildi samkvæmt breskum lögum. Slík afgreiðsla málsins beri því í sér mikla áhættu fyrir Íslendinga.

Sé það raunin að fyrirvarar Alþingis hafi ekki gildi samkvæmt breskum lögum eru Alþingismenn í raun að samþykkja Icesave samningana óbreytta, samninga sem meirihluti þjóðarinnar og þingmanna telur óviðunandi.

Vilja að ríkisábyrgð verði skoðuð betur

Þjóð í fjötrum heimsku

Ég heyrð Þórólf Matthíasson í fréttum útvarps tala um þá sem haldi því fram að Icesave muni draga "okkur aftur til steinaldar." Ég hef ekki heyrt neinn segja að Icesave muni færa okkur aftur í steinöld en tek ekki afstöðu til þess hvað þeir spjalla prófessorarnir uppi í Háskóla þegar þeir eru ekki að ræða um væntanlega styrki frá ESB. Kannski ræða þeir hryllingssviðsmyndina sem Þórólfur spáir ef Icesave verður ekki samþykkt, spádómsgáfu hvors annars og gildi þess að hafa ESB stimpilinn á rassinum.

Össur Skarphéðinsson sagði í fréttum í gær að hann hefði skapandi hugsun. Hann sagði líka fyrir bankahrun að við byggjum við traust bankakerfi og í dag segir hann að fyrirvararnir við Icesave muni halda.

Steingrímur sagði að hann hefði landað góðum samningum við Breta. Bretum finnst það örugglega enda er Icesave-samningurinn gullnáma fyrir breskt efnahagskerfi.

Svavar gekk að því að greiða Bretum margfalt þann skaða sem færa má rök fyrir að hafi hlotist af Icesave. Bretar greiddu þarlendum bætur sem renna inn í efnahagskerfi Breta en ALLS EKKI út úr því. Hvorki innistæðurnar í Icesave né heldur bæturnar til innistæðueigenda hafa horfið úr bresku efnahagskerfi og því er skaði ríkissjóðs Breta ekki nema hluti af þeim 732 milljörðum sem Steingrímur vill skrifa upp á. Fjármagnið er nefnilega enn í Bretlandi og í vinnu fyrir Breta. Skilar sér á endanum í breskan Ríkissjóð.

Íslenska efnahagskerfið á sem sagt að bæta bresku efnahagskerfi skaða sem það hefur ekki orðið fyrir. Þess krefst Icesave samningurinn af íslendingum.

Allt útlit er fyrir að fávitavæðing undanfarinna ára hafi skilað sér vel inn í stjórnarráðið og háskólann

Veitti ekki heimild í ríkisstjórn

Er Baugur í eignasafni Landsbankans?

Bara vangaveltur

233 milljarða skuld á Íslandi

Segið nei við Icesave

Þennan samning verður að fella.

Vanburðir ríkisstjórnarinnar og lamaðrar sendinefndar færði íslendingum samning sem mun hafa í för með sér átakanlegar afleyðingar fyrir þjóðina.

Verði fólksflóttinn á Íslandi svipaður og í Færeyjum munu þeir sem núna halda uppi velferðakerfinu, þ.e. þeir sem greiða nettó skatt í ríkissjóð og eru burðarvirki atvinnulífsins flýja land.

Ég ber alveg gríðarlegt vantraust til ríkisstjórnarinnar.

Málflutningur í ofsastíl sem dregin er úr samhengi við eðlilega skynsemi er ekki til þess fallinn að vekja traust.

Steingrímur J leitaði á náðir kirkjunnar og fékk að halda þar ræðu.

Í ræðunni segir hann eftirfarandi:

..."þess vegna verð ég að segja það, góðir áheyrendur, að það særir mig og mér finnst það óviðeigandi, þegar að staða okkar nú, þó við höfum orðið fyrir þessu áfalli, er borin saman við ógæfusöm, bláfátæk þróunarlönd sem eiga ekkert af því sem við eigum, þau eiga ekki einu sinni vatn til að drekka, varla nokkra gróðurmold eftir til að yrkja, litlar eða engar orkuauðlindir; eiga fátt nema blásna sanda og brennandi sól, erfiða sögu átaka og kúgunar og iðulega í klóm gerspilltra valdhafa eða harðstjóra nema hvorutveggja sé. Ólæs almenningur og börn sem deyja umvörpum vegna skorts á mat, lyfjum mannsæmandi húsnæði og heilnæmu umhverfi þetta er okkur fjarlægur veruleiki. Fólk á vergangi eða í flóttamannabúðum milljónum saman, jafnvel kynslóð fram af kynslóð þar sem engin framtíð bíður, þar sem reiðin og hatrið, ofstæki og örþrifaráðin finna frjóan jarðveg. Það er ennþá og óháð öllu krepputali gæfa að fæðast Íslendingur. Hér er og skal áfram verða gott að lifa og starfa, eldast og deyja."

Ekki kannast ég við að staðan á Íslandi hafi verið borin saman við fátæk þróunarlönd nema þá helst í hræðsluáróðri yfirvalda.

Staða Íslendinga hefur hins vegar verið borin saman við stöðu annarra og nálægari landa. Sjálfur hefur Steingrímur borið sig saman við fyrrum fjármálaráðherra Finna sem hlaut þar miklar óvinsældir vegna þess hvaða leið hann valdi út úr kreppunni.

Finnska kreppan leiddi af sér fólksflótta, ótímabæran dauða og innleiða varð skólamáltíðir í skólum fyrir börn sem ekki fengu mat heima hjá sér. Sködduð kynslóð óx upp í Finnlandi en Finnar eru enn að takast á við það vandamál sem það skapar.

Steingrímur hefur sagt "við ráðum við skuldbindingarnar vegna Icesave" en ég spyr hverju er Steingrímur tilbúin til að fórna.

Samningurinn við Breta og Hollendinga mun draga allt að 1000 milljarða út úr íslensku hagkerfi og af því skapast margfeldisáhrif. Fjármunir sem hverfa úr landi munu ekki fara í að byggja upp íslenskt atvinnulíf né afla tekna fyrir þjóðarbúið. Tugþúsundir Íslendinga munu flýja land og framtíðin mun festast í vítahring sem hinn ógæfusami fjármálaráðherra neitar að horfast í augu við.

Þegar talað er um hvort við ráðum við skuldbindingar verðum við einnig að spyrja okkur hvaða fórnir þarf að færa til þess að ráða við skuldbindingarnar.

Erum við tilbúinn til þess að fórna menningu okkar, fallegri náttúru og sjálfstæði til þess að hlíta blekkingum Alþjóðagjaldeyrissjóðsins.

Krafa Breta er fleiri milljarðar umfram það sem færa má rök fyrir að sé skaði Breska ríkisins. Alþjóðagjaldeyrissjóðurinn er verkfæri Breta í viðleitni þeirra til þess að þvinga landið af afkomendum okkar.

Markmið Alþjóðagjaldeyrissjóðsins eru ekki velferð íslenskrar þjóðar. Markimið Alþjóðagjaldeyrissjóðsins er gróði og vöxtur alþjóðafyrirtækja sem nærast á minni þjóðríkjum. Það er hagur alþjóðafyrirtækja að skapa á Íslandi láglaunasvæði og nægilega neyð til þess að þau geti komist yfir auðlindir og fært arð úr landinu. Meðan Alþjóðagjaldeyrissjóðurinn hefur landshöfðingjann staðsettan hér virðast ráðamenn ætla að hlýða fölskum ráðum hans.

Munum tala eins lengi og þarf

Heimskir íslenskir stjórnmálamenn eru gullnáma fyrir Breta

 Ég velti eftirfarandi upp á Smugunni í dag.

Í kjölfar bankahrunsins hefði verið eðlilegt að setja af stað viðamikla rannsókn á ferli þeirra fjármuna sem lagðir voru inn á Icesave-reikningana og gera tilraun til þess að staðsetja áfangastað þeirra.

Þetta skiptir verulegu málið þegar skoðað er hvernig skaðinn af bankahruninu dreifist á aðila.

Bretar greiddu innistæðueigendum út bætur vegna taps þeirra við hrun Landsbankans. Efnahagsleg áhrif þessa bótagreiðslna eru í eðli sínu svipuð fyrir Breta og þegar Íslendingar greiða út bætur á Íslandi. Bæturnar skila sér út í hagkerfið og að hluta aftur í ríkiskassann t.d. sem virðisaukaskattur.

Sé sá grunur minn réttur að þeir fjármunir sem Landsbankinn náði inn með Icesave hafi aldrei yfirgefið Bretland heldur settur í ýmis fyrirtæki þar í eigu Íslendinga og Breta eru þessir fjármunir í vinnu í Bretlandi Bretum til hagsbóta. Fjármunirnir eru þá að auka atvinnustig í Bretlandi, skapa verðmæti og skila sköttum í ríkissjóð Breta.

Það má því með góðu móti halda því fram að skaði Breta takmarkist vegna þess að þeir hafa ekki þurft að greiða bæturnar út fyrir efnahagskerfi Bretlands.

Ef Íslendingar þurfa hins vegar að greiða Bretum að fullu útgjöld ríkissjóðs Breta vegna Icesave reikninganna mun það hafa í för með sér innspýtingu í breskt hagkerfi sem breskt efnahagskerfi hefur ekki þurft að afsala neinu á móti. Efnahagskerfi Breta hefur ekki beðið skaða per sei vegna Icesave en það er innbyggt í nauðungarsamninginn að slíkur skaði sér bættur.

Það má því færa fyrir því góð rök að fyrir utan vaxtamun sem mun færa Bretum hundrað milljarða gróða er samningurinn gullnáma fyrir breskan ríkissjóð vegna efnahagslegs samhengis og afmörkun efnahagssvæða. Innspýting í efnahagskerfi Breta úr Íslensku efnahagskerfi.

Íslenska efnahagskerfi mun ofþorna af þessum sökum. Það þolir ekkert hagkerfi að greiða "lán" af þessari stærðargráðu sem aldrei hefur komið inn í hagkerfi viðkomandi lands.

Norska ríkisútvarpið fjallar um Ísland

Þarf þá að prenta krónur

Steingrímur ætlar í mál við Kjartan Gunnarson og reyna að ná út úr honum peningum. Nú er stóra spurningin hvort að hæstiréttur geti dæmt Kjartan Gunnarsson til þess að greiða skaðabætur með útlenskum peningum.

Vandi Steingríms er jú að finna útlenska peninga til þess að greiða Icesave "lánið" sem er í raun nauðungasamningur.

Það segir reyndar í lögum að greiða megi út innistæðurnar í íslenskum krónum en Bretar greiddu innistæðueigendur bætur án þess að fá leyfi hjá Íslendingum lögnu áður en frestur tryggingarsjóðs til þess að afgreiða málið rann út.

Bretar greiddu innistæðueigendum langt umfram lágmarsskyldu þeirra sem er um 20.000 evrur eða upp að 100.000 og ætla að reyna að ná allri fjárhæðinni af Íslendingum. Gott væri ef Kjartan ætti útlenska peninga sem ekki er of djúpt á.

Ef ég væri ekki svona bláeygð myndi ég telja að Gordon Brown hefði verið búin að skipuleggja löngu fyrir hrun að krækja í það sem Ísland hefur upp á að bjóða með þessum framgangsmáta.

Ríkið í mál vegna Icesave

Betra ef hann skilaði laununum

Ekki unnið fyrir þeim augsýnilega

 

Biðst afsökunar fyrir Straum

Efnahagslegt samhengi Icesave: bréf til þingmanna

Ég hef velt því fyrir mér hvort það geti verið að þingmenn og ráðherrar skilji ekki efnahagslegt samhengi Icesave málsins. Ég hef tekið það sem sjálfsagðan hlut að þingmenn og ráðherrar skildu efnahagslegt eðli skaðans af bankahruninu eins og það lýtur að Bretum.

Ég hef verið nokkuð grimm í gagnrýni minni á stjórnvöld en spyr mig nú hvort það geti verið að þau hafi ekki forsendur til þess að skilja skaða Breta sem er mun minni, vegna efnahagslegs samhengis, en ætla mætti.

Til þess að einfalda málið ætla ég eingöngu að tala um breska samninginn.

Ég hef dregið þá ályktun að fjármunirnir sem lagðir voru inn á innlánsreikninga Icesave hafi aldrei borist til Íslands. Þetta hefur aldrei verið upplýst en er mjög þýðingarmikið fyrir mat á skaða Breta.

Þessum fjármunum var aldrei hleypt inn í íslenskt efnahagskerfi og hafa þess vegna ekki verið í neinni vinnu á Íslandi almenningi til hagsbóta.

Mín ályktun er að þessir fjármunir séu í vinnu í bresku hagkerfi í umboði þeirra sem voru í aðstöðu til þess að taka lán í Landsbankanum.

Það liggur fyrir að ríki mega ekki veita tryggingarsjóðum innlána ríkisábyrgð skv tilskipun ESB.

Icesave samningur Breta er kallaður "loan agreement" og er samningur um lán til tryggingarsjóðsins en ekki til ríkisins. Gott og vel en Bretar gera kröfu um að ríkisábyrgð sé á þessu láni.

Jóhanna Sigurðardóttir kallar það sem Bretar kalla "loan agreement" "compensation" í bréfi sínu til Financial Times.

Þá komum við að kjarna málsins: hvert er eðli skaða hins breska ríkissjóðs?

Ef Icesave innistæðurnar eru í vinnu í Bretlandi eins og ég get mér til er skaði breska ríkisins ekki nema brot af þeim útgjöldum sem það hefur þurft að standa undir vegna bóta til innistæðueigenda þar í landi einfaldlega vegna þess að peningarnir hafa runnið út í hið breska hagkerfi og eru að skila sköttum og gjöldum þar, auka atvinnustig og gera annað sem peningar gera í hagkerfum. Upphaflegar innistæður runnu út í hið breska hagkefri og bæturnar til innistæðueigenda gera það líka.

Fyrir utan það að samningurinn sem Bretar vilja kalla "loan agreement" gerir ráð fyrir að Bretar muni hagnast á vaxtamun mun breska ríkið hagnast á því að auknu fjármagni er spýtt inn í þeirra hagkerfi frá Íslandi.

Það þarf því að hafna þessari ríkisábyrgð og kanna betur forsendur fyrir skaða breska ríkisins. Það er grundvallaratriði að upplýst sér hvert fjármagnið streymdi og hvaða efnahagslögsaga er með þessa fjármuni í vinnu.

Bestu kveðjur

Jakobína Ingunn Ólafsdóttir

Fyrirvararnir standast ekki bresk lög

Fyrir dómstólum í Bretlandi yrði fyrirvörunum hnekkt en ríkisábyrgðin myndi standa.

Engan asa ágætu þingmenn.

Það er ábyrgðarhluti að dæma afkomendur okkar í margar kynslóðir til fátæktar vegna æsings við að komast inn í ESB

Fjármunirnir sem lagðir voru inná innlánsreikninga Icesave komu aldrei inn í íslenskt efnahagskerfi

Icesavepeningarnir eru í vinnu í bresku efnahagskerfi.

Er betra að borga skuldir Björgólfs Thors með fyrirvara?

Nei

Ég ætla ekki að borga skuldir Björgólfs Thors

Ég læt ekki niðurlægja börnin mín með kröfu um að þau borgi skuldir Björgólfs Thors.

Þeir fjármunir sem voru lagðir inn á innlánsreikninga Icesave komu aldrei til Íslands né heldur inn í Íslenskt hagkerfi

Bankarnir lánuðu til alþjóðafyrirtækja í eigu manna ekki bara íslenskra heldur einnig erlendra aðila.

Fjármunirnir sem lagðir voru inn á Icesave fóru inn í Breskt efnahagskerfi

Ef Alþingi samþykkir ríkisábyrgð á Icesave með eða án fyrirvara flyt ég og fjölskylda mín úr landi.

Ég hef sent þingmönnum tölvupóst og sagt þeim þetta og einnig bent þeim á að margir munu grípa til þeirra ráða.

Ég hvet þá sem ekki sætta sig við að þeir og börnin þeirra séu niðurlægð með kröfu um að borga skuldir Björgólfs Thors að senda þingmönnum tölvupóst og láta vita af því

Tölvupósta þingmanna er að finna hér

Ræddi við Fogh um Breta