AGS að knésetja íslenskt samfélag

Alþjóðagjaldeyrissjóðurinn kann ekki að meta íslenska menningu, skynjar ekki dýrmæta sögu Íslands og hefur litla samúð með þjóðinni.

Vald.org skrifar um alþjóðagjaldeyrissjóðinn á Íslandi:

Landshöfðingi Alþjóðagjaldeyrissjóðsins á Íslandi getur slakað á því eyðilegging hagkerfisins er komin í fastann farveg og kerfið sér sjálft um að koma auðlindum landsins á brunaútsölu. Vinnubrögð AGS koma ekkert á óvart—stofnunin hefur endurtekið þennan leik út um allan heim í marga áratugi—en vanhæfni íslenskra stjórnvalda virðist vera furðu takmarkalaus.

Nýi kommissarinn á svörtuloftum er bókstaftrúarmaður sem dýrkar hagfræðikenningar sem aldrei hafa skilað árangri í okkar litla hagkerfi. Þetta er gamla geðveikin sem Einstein lýsti, að endurtaka sömu mistökin í sífellu en búast í hvert skipti við nýjum árangri. Fljótandi dvergkróna, okurvextir, óréttlát verðtrygging og ólögleg gjaldeyristrygging lána—öll þessi mistök eru tilvísun á algjört hrun.

Lesa meir hér

Vill Davíð Oddson vera vinur minn?

Ég var að biðja Davíð Oddsson um að vera vin minn á Facebook.

Ég tel að Davíð Oddsson myndi hafa gott af því að vera vinur minn og fylgjast með því sem ég hef að segja honum þótt ég telji hann reyndr tregan til lærdóms á borð við þann sem að ég vil að hann nemi.

Björgvin G tapaði mannorði sínu og trúverðugleika vegna frammistöðu sinnar sem viðskiptaráðherra.

Ég hef aldrei heyrt neitt um kvennafar eða bankaskuldir Björgvin G heldur er álit mitt á honum byggt á frammistöðu hans sem viðskiptaráðherra.

Ef hann vill bæta mannorð sitt ætti hann að hafa dug til þess að segja af sér þingmennsku og snúa sér að öðru en stjórnmálum.

Trúverðugleiki hans sem stjórnmálamanns er rúinn ekki vegna nafnlausra bloggara heldur frammistöðu hans sjálfs.

Björgvin G.: „Ný vídd í nafnlausu níði“

Segir AGS rukkara erlendra kröfuhafa

Upplýsingar sem einstaklingar hafa eru gríðarlega mikilvægur þáttur í að ákveða hegðun viðkomandi. Aðstöðumunur hvað varðar aðgang að upplýsingum og áhrif hefur á undanförnum áratugum haft mikil áhrif á lífsgæði einstaklinga og leitt til mismununar.

Fjármálakerfið hefur þróað með sér þá aðferðafræði að gefa almenningi rangar upplýsingar til þess að hafa áhrif á hegðun hans.

Handrukkari fjármálakerfisins hefur beitt fyrir sig ráðherrum og fræðimönnum undanfarna mánuði til þess að hræða almenning og þvinga hann til þess að taka á sig skuldir annarra.

Hver kannast ekki við frasa eins og :

Við glötum trausti alþjóðasamfélagsins

Við okkur mun blasa upplausn

Þá kemur upp hryllings sviðsmynd

Menn skulu bara gera sér grein fyrir því hvað við þá blasir

Býð ekki í afleiðingarnar af því að ef því yrði hafnað

Steingrímur hefur verið framvörður hræðsluáróðurs ásamt útsendurum samfylkingarinnar.  "Dómsdagspredikun prófessorsins" og "Hræðsluáróður andskotans" og Steingrímur hræðir öreiganna og Steingrímur hræðir hér

Hér er líka smá sýnishorn af skrumi valdhafanna:

Kúpa Norðursins

Einangrun frá alþjóðasamfélaginu

Alþjóðasamfélagið (=erlendir lánadrottnar, áhættufjárfestar, alþjóðafyrirtæki, stóriðja, ESB-Brusselvaldið og AGS)

Trú alþjóðasamfélgsins eykst við umsókn að ESB (mælingar hafa sýnt annað)

Erlend fjárfesting (sala auðlinda og arðrán)

AGS og ESB er nauðsynlegt til að laða að erlenda fjárfestingu

Endurreisn efnahagskerfisins (=nauðung þjóðar)

Ónafngreindir sérfræðingar hafa tjáð okkur (=slúður)

Ég trúi því að .....(og svo kemur þvælan=

.....á grundvelli þess ég tel vera líklegt (og þvæla=

Ónafngreindir sérfræðingar hafa tjáð okkur (=slúður)

"vinaþjóðir okkar"

Segir AGS standa sig betur hér

Eins og morkið fúatimbur eftir 18 ára valdatíð Sjálfstæðisflokksins

Sjálfstæðisflokkurinn hefur skilið eftir sig sviðna jörð í efnahagslífi, menningu og sálarlífi þjóðarinnar.

Forysta stjálfstæðisflokksins vanhelgaði Alþingi Íslendinga og gerði það stimpilsjoppu Viðskiptaráðs Íslands, hún svívirti dómsvaldið með klíkuráðningum og hún stefndi fullveldi og sjálfstæði landsins í voða með því að færa fjármálastofnanir, ríkisfyrirtæki og auðlindir í hendur glæpamanna og krosstengslamafíu.

Sjálfstæðisflokkurinn er martröð þeirra sem láta sér annt um sjálfstæði og fullveldi þjóðarinnar.

Hvert sem litið er blasir sorinn við sem sjálfstæðisflokkurinn skildi eftir sig. Stoðir samfélagsins eru eins og morkið fúatimbur eftir langa valdatíð flokksins.

Enn halda þeir uppteknum hætti og eru í fararbroddi, með dyggri aðstoð samfylkingar, við að selja auðlindirnar úr landi.

Heimska þeirra og sóðalegt framferði hefur kallað einhverja verstu pest sem hugsast getur yfir þjóðina, en það er hinn alræmdi Alþjóðagjaldeyrissjóður. Þessi ádrepa leysir samfylkinguna og Steingrím J Sigfússon engan veginn undan þeirra ábyrgð en þau halda nú áfram á sömu braut og fyrirrennarar þeirra. Forysta fjórflokksins og forseti Íslands eru hluti af rotnu kerfi sem umlykur sig valdamúrum með skipulagi og stjórnarskrá sem er löngu úr sér gengið og þjónar varla öðru en að viðhalda rányrkju og kúgun.

Dominique Strauss-Kahn skýrir vel tilgang Alþjóðagjaldeyrissjóðsins þegar hann segir í nýlegri ræðu:

Ein stærsta ögrun (AGS) er að takast á við málefni sem varða landamæri. Við verðum að halda áfram að þrýsta á (þjösnast áfram) -vegna þess að í fjarveru samþykkta um hvernig eigi að tækla vandamál sem ná yfir landamæri er hætta á að hagsmunir þjóða verði teknar fram yfir hagsmuni alþjóðasamfélagsins.

Skýrara getur það varla verið.

Markmið Alþjóðagjaldeyrissjóðsins er að laga mannkynið að þörfum hinna ríku.

Alþjóðagjaldeyrissjóðurinn er á Íslandi til þess að verja alþjóðasamfélagið (sem er í raun um 5% íbúa jarðar sem á helming alls auðmagns) og sjá til þess að það verði íslenska þjóðin sem verður undir í baráttunni. Íslenska þjóðin sem þarf að taka á sig byrðarnar af glannaskap erlendra áhættufjárfesta til þess að þeir haldi sínu. Alþjóðagjaldeyrissjóðurinn mun engu eira í viðleitni sinni. Samfylkingin og Steingrímur J Sigfússon hafa beygt sig undir þetta vald og það skýrir hvernig allar ákvarðanir ríkisstjórnarinnar miða að því rústa því litla sem sjálfstæðisflokkurinn skildi eftir sig.

Ríkisstjórn Íslands heldur uppteknum hætti og svívirðir Alþingi Íslands með ofbeldi gegn réttkjörnum fulltrúum fólksins

 

Fjölgun fer illa með niðurskurði