Stjórnmálamenn þurfa að íhuga ábyrgð sína

Gríðarleg slys eru að gerast í samtímanum og þau eru á ábyrgð Steingríms J og Jóhönnu Sigurðardóttur.

Þessi maður í fréttinni harmar sölu til útlendinga en hann á þátt í því að svona hefur farið.

Ábyrgð Jóhönnu og Steingríms er þó öllu meiri því þau geta ekki borið því við að þau hafi ekki fengið aðvaranir.

Hárbeitt skrif hafa verið viðvarandi allt síðastliðið ár vegna þess sem í stefnir á Íslandi. 

Þjóðin er á góðri leið með að verða að leiguliðum í eigin landi. Þetta hefur gerst á vakt sjálfstæðisflokks og samfylkinar og nú á vakt samfylkingar og vinstri grænna.

Harmar sölu til útlendinga

Betri glæpir á fínum gangstéttum?

Árni Sigfússon hefur af órtrúlegri staðfestu keyrt bæjarfélagið Reykjanesbæ í þrot. Gríðarleg félagsleg vandamál sem speglast í hárri glæpatíðni hafa grafið um sig í bæjarfélaginu. Bærinn er skuldugur og eignarlaus en Árni Sigfússon ætlar að ná endurkjöri með því að flagga því hvað það eru fínar gangstéttir í Keflavík.

Árni hefur hyglt að verktökum með byggingu mannvirkja sem á engan hátt þjóna því að draga úr félagslegum vandamálum bæjarfélagsins eða auka á öryggi íbúanna. Árni virðist telja það til bóta ef glæpir eru framdir á fínum gangstéttum. 

Sala auðlinda á Suðurnesjum endurspegla bæði vanhæfni stjórnenda í Reykjanesbæ, vanhæfni stjórnenda Orkuveitu Suðurnesja og vanhæfni hinnar svokölluðu vinstri stjórnar. Ríkisstjórnin sefur á verði um hagsmuni framtíðarsamfélagsins. Þessi Ríkisstjórn hyglar að úrrásarvíkingum og alþjóðafyrirtækjum sem eru í eigu manna sem auðgast hafa á vafasömum viðskiptum. Landið er að falla í eigu fjárglæfarmanna sem munu svífast einskis gagnvart almenningi eins og reynslan hefur sýnt. 

Magma eignast 98,53% í HS Orku