Efnahagsráðgjöf Tryggva Þórs árið 2008?

Tryggvi Þór Herbertsson var efnahagsráðgjafi forsætisráðherra árið 2008. Efnahagsstjórnunin gekk út á að reyna að ljúga upp gengi krónunnar og um ástandið í íslenska bankakerfinu. Eftir hrun birtist síðan Tryggvi Þór á skjánum og benti landsmönnum á það að þeir ættu bara að borga Icesave og að staða ríkissjóðs væri nokkuð góð eða að mig minnir í mínus u.þ.b. 200 milljarðar. Hið rétta er að ríkissjóður er í mínus um 1.600 milljarða.

Já Tryggvi Þór fátt virkar eins vel og vel heppnuð lygi...bíddu eða hvað. Hvert hefur lygin fært þetta þjóðarbú.

Í framhaldi að lygaherferð ríkisstjórnar sem lét gengdarlausa þjófnaði viðgangast í bankakerfi sem hún vissi að stefndi í þrot hrundu ekki bara bankarnir heldur fjöldi fyrirtækja og þúsundir manns voru reknir af vinnumarkaði.

Kaupmáttarrýrnun veldur því fyrst og fremst að skattar innheimtast ekki. Þessu ættir þú að átta þig á Tryggvi Þór...Lygaherferðin hefur skilað brotnu samfélagi sem erfitt er að ná saman á límingunum.

Vilja vita hvað varð um skattana

Fitna á einokun og okurstarfsemi

Það verður ekki séð að viðskiptalífinu hafi farið fram frá hruni. Einokun og samráð er þjófnaður af viðskiptavinum. Þetta hafa olíufélögin og þetta hafa grænmetisframleiðendur stundað. Matvöruverslun á Íslandi er einnig langt yfir þeim mörkum hlutdeildar sem leifð eru erlendis.

Fréttir úr bönkunum herma að þeir fitni vel á lánakerfi sem hvergi þekkist nema á Íslandi. 

Margir bölva verðbótunum en það eru ekki verðbæturnar einar og sér sem valda gífurlegum kostnaði við húsnæðislán. Eins og menn þekkja þá leggjast verðbæturnar við höfuðstól og veldur það margfeldi í vaxtaráhrifum. 

Verðbæturnar fela líka í sér að öll áhættan leggst á lántakandann en lítil á bankann. Það hefur sýnt sig að bankarnir hafa ofmetnast og fyllst kæruleysi þegar þeir horfa á peningamaskínurna sem verðtryggingin er. Bankarnir virðast aftur vera að fitna og fyllast af græðgi.

Það má kannski minna á að einhverjir aðilar keyptu skuldabréf í bönkunum á uppboði fyrir u.þ.b. 2-4% af nafnvirði bréfanna eftir hrun. Engin veit hverjir þessir kaupendur eru sem urðu síðan kröfuhafar og fengu bankanna nánast gefins. 

Það er sjálfsögð krafa íslenskra skattgreiðenda og viðskiptavina að upplýst sé hverjir eigendurnir eru sem nú hagnast feitt á bönkunum. 

19 starfsmenn handteknir