Efnahagsráðgjöf Tryggva Þórs árið 2008?

Tryggvi Þór Herbertsson var efnahagsráðgjafi forsætisráðherra árið 2008. Efnahagsstjórnunin gekk út á að reyna að ljúga upp gengi krónunnar og um ástandið í íslenska bankakerfinu. Eftir hrun birtist síðan Tryggvi Þór á skjánum og benti landsmönnum á það að þeir ættu bara að borga Icesave og að staða ríkissjóðs væri nokkuð góð eða að mig minnir í mínus u.þ.b. 200 milljarðar. Hið rétta er að ríkissjóður er í mínus um 1.600 milljarða.

Já Tryggvi Þór fátt virkar eins vel og vel heppnuð lygi...bíddu eða hvað. Hvert hefur lygin fært þetta þjóðarbú.

Í framhaldi að lygaherferð ríkisstjórnar sem lét gengdarlausa þjófnaði viðgangast í bankakerfi sem hún vissi að stefndi í þrot hrundu ekki bara bankarnir heldur fjöldi fyrirtækja og þúsundir manns voru reknir af vinnumarkaði.

Kaupmáttarrýrnun veldur því fyrst og fremst að skattar innheimtast ekki. Þessu ættir þú að átta þig á Tryggvi Þór...Lygaherferðin hefur skilað brotnu samfélagi sem erfitt er að ná saman á límingunum.

Vilja vita hvað varð um skattana

Athugasemdir

[Númi (IP-tala skráð) 9.3.2011 kl. 16:46]

Já hann er einkennilegur fýri þessi Tryggvi Þór ,ekki má gleyma skýrslunni um efnahagshorfur er hann og Miskin,prófessor í peningamálum skiluðu til ríkisstjórnarinnar á haustdögum 2006.Sú skýrsla var algjört skáldverk,og EKKERT stóðst þar þegar til kom,og ríkisstjórnin sem var þá gerði ekkert annað en að vitna í þennan skáldskap Tryggva og Miskins,alltí plati skýrsluna. Þessi Kúlulána-Tryggvi er varasamur þjóðfélaginu,hann minnir mann á Rasputin,hann virðist komast allstaðar inn með sína falsspeki. Og enn heldur þessi vafasami Tryggvi Þór,hinn Íslenski Raspútín, herferð sinni um ráðleggingar í vegferð og hagferð þjóðarinnar.

[Sleggjan og Hvellurinn, 9.3.2011 kl. 18:22]

Er skárra að ríkisstjórnin er að stela skattpeningum en að bankarnir eru að gera það?

[Jakobína Ingunn Ólafsdóttir, 9.3.2011 kl. 18:50]

Þruman málið snýst ekki um að neinn sé að stela skattpeningum. Skattahækkanir eru ekki að skila auknum skatttekjum vegna samdráttar sem stafar af hruninu. Tryggvi Þór ætlar væntalega að halda því fram að samdrátturinn sé vegna skattahækkana.

[Sleggjan og Hvellurinn, 9.3.2011 kl. 20:32]

Samdrátturinn er vegna þess að VG er að halda atvinnulífinu í gíslingu.

Aldrei minni fjárfesting frá upphafi byggðar.

Landsframleiðsla ekki minni síðan 1968.

Skattahækkanir er eitt en að flækja skattkerfið einsog VG hefur gert er annað.

[Sleggjan og Hvellurinn, 9.3.2011 kl. 20:33]

Og ég held að almenningur er mjög sáttur við auknar álögur á bensín, tóbak og áfengi sem hækka lánin okkar uppúr öllu valdi. Hækkandi VSK bætti ekki stöðuna.

Takk Steingrímur.

[Jakobína Ingunn Ólafsdóttir, 9.3.2011 kl. 21:21]

Ég tek undir það að skattkerfið hefur verið gert að einni allherjar flækju.

 Það átti að setja á ofurskatta strax eftir hrun á þá sem eru með yfir 1.200.000 og leggja auðlindaskatt á stóriðjuna. Forðast skatta sem bitna beint á atvinnustigi og atvinnusköpun.

Ég held að Alþjóðagjaldeyrissjóðurinn (hverra tilvist er rækilega þögguð niður) hafi bannað skattlagningu af þessu tagi.

[Sleggjan og Hvellurinn, 9.3.2011 kl. 22:08]

Það var SA og ASI sem barðist gegn þessum sköttum í seinasta stöðugleikasáttmála og á móti hækkaði Steingrímur tryggingagjaldið. AGS kom ekki nálægt.

[Jakobína Ingunn Ólafsdóttir, 9.3.2011 kl. 23:09]

Álversforstjórarnir sáust laumast í heimsókn til AGS um það leyti sem unnið var að því að setja á auðlindaskatta. Svo kom yfirlýsing frá yfirvöldum sem aldrei vilja kannast við að vera leppar Alþjóðagjaldeyrissjóðsins.

[Sleggjan og Hvellurinn, 9.3.2011 kl. 23:44]

já svaka heimild hjá þér Jakobína

Það var ASI og SA sem stóðu gegn auðlindaskatti

http://eyjan.is/2009/11/10/sa-vill-haekkun-atvinnutrygging-argjalds-frekar-en-nyja-orku-og-audlindaskatta/

ekki AGS... enda ráða AGS engu hér.

[Jakobína Ingunn Ólafsdóttir, 10.3.2011 kl. 00:41]

Hvorki ASÍ né SA segja ríkisstjórninni fyrir verkum það gerir Alþjóðagjaldeyrissjóðurinn hins vegar.

[Sleggjan og Hvellurinn, 10.3.2011 kl. 13:26]

Hvernig værir að þú mundir koma með heimildir fyrir því?

Í stað fullyrðinga uppí loftið.