Rannsóknarskýrslan yfirklór

Páll Hreinsson sem skipaður var formaður rannsóknarnefndar af góðvini sínum Birni Bjarnasyni hefur þegið margan greiðann (bitlinginn) af Birni í gegn um tíðina og skrifað lögfræðiálit sem hafa verið spilltum valdhöfum þóknanleg.

Fátt verður í skýrslu rannsóknarnefndar sem ekki er þegar vitað.

Alþjóðagjaldeyrissjóðurinn fer með völd á Íslandi eins og ég hef bent á áður. Ég tók viðtal við Franek Razwadowski ásamt vinum mínum Héðni Björns og Helgu Þórðar en þau ættu að vera bloggurum kunn af ágætum skrifum. 

Það kom skýrt fram að Alþjóðagjaldeyrissjóðurinn fer með völdin á Íslandi. Með þeim samningi (viljayfirlýsingu) sem sjálfstæðisflokkur og samfylking og síðan samfylking og vinstri græn gerðu við AGS var völdum afsalað til AGS en ríkisstjórnin fer nú að fyrirmælum sjóðsins.

Ég spái því að útburði fólks vegna vanskila verði nú frestað. Það er nefnilega strategískt plan AGS að ná fyrst Icesave í höfn en að síðan verði byrjað að ráðast inn á heimili fólks. Það logn sem ríkir núna er gerviástand sem haldið er uppi á meðan verið er að sópa skítnum undir teppið og koma fram vilja nýlendu veldanna.

Samfylkingin leikur þennan leik af fullum krafti með AGS ásamt skósveininum.

Ég fann þetta yfirlit á Facebook en ég hitti einmitt Eddu Rós þegar ég fór í heimsókn til Razwadowski en hún er dyggur starfsmaður hans í framhaldi af því að hún stjórnaði deild Landsbankans sem sá um að koma villandi upplýsingum til almennings.

Athugið hverja ríkisstjórnin hefur valið sér til fulltingis:

Ingvi Örn Kristinsson er aðstoðarmaður Félagsmálaráðherra Árna Páls Árnasonar, en hann var framkvæmdastjóri Verðbréfasviðs Landsbankans. Einnig starfar hann sem ráðgjafi Forsætisráðherra.

Benedikt Stefánsson var í Greiningardeild Landsbankans og er núna aðstoðarmaður Gylfa Magnússonar Efnahags- og Viðskiptaráðherra.

Björn Rúnar er skrifstofustjóri í Viðskiptaráðuneytinu. Hann var forstöðumaður í Greiningardeild Landsbankans

Edda Rós er núna fulltrúi Íslands í AGS í gegnum Samfylkinguna. Hún var forstöðumaður Greiningardeildar Landsbankans

Arnar Guðmundsson var í Greiningardeild Landsbankans. Hann er núna aðstoðarmaður Katrínar Júlíusdóttur Iðnaðarráðherra.

Með svo marga bankamenn í farteskinu, og einnig hafandi í huga að fyrir kosningar kom í ljós að Samfó var sá flokkur sem hafði fengið næstmest í gjafafé frá bönkunum og eigendum þeirra; er ekki þá einfaldlega ljóst hverra hagsmuna stjórnendur Samfó, eru að leitast til með að vera?

Áhugavert einnig, að allir þessir aðstoðarmenn, eru fyrrum starfsmenn Björgólfsfeðga.

Gæti þetta hafa eitthvað með málið að gera?:

Meðfylgjandi er yfirlit styrkja til Samfylkingarinnar frá lögaðilum árið 2006 sem voru hærri en 500 þúsund

* Actavis hf. 3.000.000
* Baugur Group hf. 3.000.000
* Eignarhaldsfélag Samvinnutrygginga 1.000.000
* Eimskipafélag Íslands 1.000.000
* Exista ehf. 3.000.000
* Eykt ehf. 1.000.000
* FL-Group hf. 3.000.000
* Glitnir 3.500.000
* Kaupþing 5.000.000
* Ker hf. 3.000.000
* Landsbanki Íslands 4.000.000
* Milestone 1.500.000
* Sparisjóður Reykjavíkur og nágrennis 1.000.000
* Straumur Burðarás fjárfestingabanki 1.500.000
* Teymi ehf. 1.500.000
* Samtals yfir 500.000 36.000.000

Athugasemdir

[Kristinn Pétursson, 13.1.2010 kl. 23:51]

Þetta eru ógeðfelld pólitísk og rætin skrif hjá þér. Þú ættir að skammast þín.  

Björn Bjarnason og Páll Hreinsson eru vandaðir menn.

Þú montar þig með einhverja merkilega "menntun" í einhverri "sænskri stjórnsýslufræði"...   Þú hlýtur að hafa fengið 9,5 í drulluskasti og kommúnistaávarpinu.

[Árni Gunnarsson, 14.1.2010 kl. 00:17]

Hefur pólitísk aðkoma Sjálfstæðisflokksins að rannsókn og eftirliti fyrir og eftir hrun dregið að forystu hans mikið traust þjóðarinnar Kristinn minn?

Ég hef fáa hitt sem hafa viðrað það í mín eyru.

Margir hafa lesið bókina Bræðrabönd og hún er öllum til reiðu á bókasöfnum.

[Jakobína Ingunn Ólafsdóttir, 14.1.2010 kl. 00:58]

Það sem er ógeðfellt við þessi skrif er að þau byggja á staðreyndum t.d. þessum en fram kemur að formaður rannsóknarnefndar skrifaði lögfræðiálit um stöðu stofnfjáreigenda og þeirri spurningu svarað hvort þeim væri heimilt að selja hluti sína á frjálsum markaði.

Björn Bjarnason á heiðurinn af því að hafa rústað réttarríkinu með klíkuráðningum í hæstarétt. 

Ég monta mig ekki af einu né neinu ef ég væri rafvirki þá myndi ég kalla mig rafvikja eða ef ég væri drullukastar myndi ég titla mig þannig. Annars skil ég ekki, Kristinn, þessa fordóma þína gagnvart drullukösturum.

Skrif þín bera hins vegar vott um takmarkað skynbragð.

[Guðmundur 2. Gunnarsson (IP-tala skráð) 14.1.2010 kl. 01:38]

Hvernig hefur meint klíkuráðning í Hæstarétt Íslands komið fram sem spilling í dómum hans? 

Hlutverk Hæstaréttar er að meta dóma héraðsdóms ef og þegar þeim er áfrýjað.  Hvert er þá hlutfall dóma í hæstarétti sem hafa pólitískt verið snúið vegna meintrar spillingar sjálfstæðismanna, sem hlýtur að hafa verið rannsakað miðað við sterkar meiningar um spillingu tengda Sjálfstæðisflokknum og dómstólnum? 

Man í bráð eftir einu pólitísku réttarhneyksli, eða dómsniðurstöðu Baugsmálsins, sem svo sannanlega var ekki sú sem Sjálfstæðisflokkurinn og Björn Bjarna hefðu pantað.

Hvað með spillingu héraðsdómara?  Er ekki þá sama pólitíska Sjálfstæðisflokks spillingin þar á ferð? 

Eru einhverjar rannsóknir eða heimildir til um að vinstrimenn og þá væntanlega flokksbundnir hafa þurft að gjalda fyrir skoðanir sínar í dómsniðurstöðum undir og yfirréttar?

Hefur einhvertímann verið rannsakað hvert hlutfall þeirra sem hafa sótt um dómarastöður er hvað varðar pólitískar skoðanir og eða hvað varðar flokkatengingar? 

Gæti verið að mikill meirihluti slíkra eru Sjálfstæðismenn?

Mbk.

[Jakobína Ingunn Ólafsdóttir, 14.1.2010 kl. 12:34]

Sæll Guðmundur

Klíkuráðningar hafa viðgengist bæði í hæstarétt og héraðsdóm. Það hefur mikið verið fjallað um hversu vissir aðilar hafa sloppið vel frá glæpum sínum og eins virðingarleysi dómstólanna við konur og börn í fjölmiðlum. Ég get nefnt glæpi sem varða verðsamráð og hafa mætt linkind þar sem engum aðila var í raun refsað.

Hvað sagði Björn Bjarnason eftir hrun: "Hvort hér hafi verið um refsiverð athæfi"

Hver ákveður hvað er refsivert?

Jú dómskerfið