Gott að vera búin að fá einhverja vitsmuni í samninganefndina

Það hefur verið strategía Breta og Hollendinga frá upphafi að senda villandi upplýsingar í fjölmiðla. Icesave-deilan er ein allsherjar áróðursherferð farin í því skyni að hafa fé af íslenskum skattgreiðendum.

Fjölmargir bankar hafa farið í gjaldþrot víða um lönd en aldrei hefur verið ráðist á þjóð með þessum hætti. 

Fjórflokkurinn hefur verið of mikil liðleskja til þess að sjá við þessu.

Það átti að setja sérfræðinga í málið í upphafi en í stað þess þá voru embættis- og stjórnmálamenn sem eru illa að sér í málum sem þessum sendir af örkinni.

Dæmi um fólk sem hefur hrist penna til þess að koma þjóðinni í ánauð Breta og Hollendinga:

Árni Matthiesen

Baldur Guðlaugsson

Álaug Árnadóttir

Indriði Þorláksson

Svavar Gestsson

Áslaug Árnadóttir hefur verið sérlega iðinn við að koma þjóðarbúinu á hausinn. Hún fór fyrir nefnd sem átti að innleiða undanþágur vegna lögaðila sem áttu innistæður í Icesave. Hún átti að skila af sér verkefninu í september 2007 en það fórst víst fyrir hjá henni.

Síðan hefur Álaug átt það til að ljúga að Hollendingum sem þykjast nú eiga kröfu á hendur Íslendinga vegna þess að þessi kona tók að sér það verkefni að gefa loforð sem hún gat alls ekki átt innistæðu fyrir. En svo segir á Vísi:

fyrra bréfinu, sem Áslaug Árnadóttir skrifstofustjóri viðskiptaráðuneytisins undirritar, er áhyggjum Breta af innistæðutryggingasjóðnum svarað. Þar segir að ríkið myndi styðja við sjóðinn eins og ábyrg stjórnvöld myndu gera færi svo að hann gæti ekki staðið við skuldbindingar sínar. Svo er bætt um betur og sagt að ríkið myndi að auki styðja við sjóðinn fjárhagslega til þess að hann gæti tryggt lágmarksupphæð innistæðueiganda.

Nú svo eru fréttir af því í DV að blessuð konan hafi fengið bréf frá rannsóknarnefnd Alþingis.

Þrátt fyrir endalaus klúður konunnar valdi Steingrímur J Sigfússon hana í Svavarsnefndina en sú nefnd tók við af Baldurs Guðlaugssonarnefndinni. 

Sögusagnir fara af því að Jón Sigurðsson hafi fengið bréf frá rannsóknarnefndinni en hann nýtur eindæma traust ríkissjónarinnar en honum var falið af ríkisstjórninni að sitja í Svarsnefndinni en að auki nefnd sem var send af örkinni til þess að sníkja erlend lán en hefur að því er ég best veit ekki skilað neinu. 

Leynifundur um Icesave

Athugasemdir

[Fortíðardraugur (IP-tala skráð) 27.2.2010 kl. 21:03]

Þú hefur ábyggilega rétt fyrir þér í þessu. Svo var verið að ýja að því í fréttum í dag, að ástæðan fyrir stöðu Grikkja núna - og reyndar spánverja líklega einnig - væri sú, að vogunarsjóðir með stuðningi ríkisstjórna Breta og Dana hefðu tekið stöður gegn þessum þjóðum.

[Jakobína Ingunn Ólafsdóttir, 27.2.2010 kl. 21:06]

Já Bretar eru komnir í nýjan nýlenduhernað.

[Jón Óskarsson (IP-tala skráð) 27.2.2010 kl. 21:12]

Og við hlótum að óska Ögmundi og Liljunum til hamingju með að koma Sjálfstæðisflokknum aftur til valda með því að eyðileggja þessa fyrstu  tilraun hreinnar félagshyggjustjórnar

Þessi greining á ástandinu hjá Jóhanni Haukssyni í DV er alveg rétt.

og þessi  og þetta er áhugavert líka

 

[Ásdís Sigurðardóttir, 27.2.2010 kl. 21:59]

[Jakobína Ingunn Ólafsdóttir, 27.2.2010 kl. 23:09]

Það eru Jóhanna og Steingrímur sem hafa klúðrað þessari félagshyggjustjórn með því að haga sér eins og örgustu kapítalistar og heimskulega þar að auki.

Merkilegur anskoti að kenna Ögmundi um það

[B.N (IP-tala skráð) 27.2.2010 kl. 23:52]

Það er búið að semja um Icesave fyrir löngu þetta er bara smá leikrit núna í gangi svona handa okkur svo við trúum að okkar menn voru svo klárir að landa þessu svo að þjóðaratkvæðagreiðsla sé óþörf.

Baldvin Nielsen Reykjanesbæ

P.S. Núna kalla fjölmiðlarnir hina útvöldu þetta leynifund.