Nei við Icesave er stórt NEI við valdnýðslu!

Það er ömurlegt að hlusta á slakan málflutning Jóhönnu og Steingríms sem ber vott um að þau hugsi ekki áður en þau tala.

Nú segja þau að það sé peningaeyðsla að stofna til þjóðaratkvæðagreiðslu ef aðrir samningar nást. Gildir ekki þá það sama um ESB? Er það ekki peningaeyðsla að fara í samningaviðræður þegar meirihluti þjóðarinnar er á móti ESB?

Lögin um RÍKISÁBYRGÐ fjalla um það hvort að íslenskir skattgreiðendur eiga að bera ábyrgð á skuldum Björgólfs Thors. Það er það sem Bretar og Hollendingar vilja ekki að þjóðin fái að hafa neitt um að segja og það er óþverralegt að sjá Jóhönnu og Steingrím taka afstöðu með þeim.

Þessi lög verða ekki felld úr gildi nema að þjóðin felli þau úr gildi. 

Halda Jóhanna og Steingrímur að Íslendingar kunni ekki að hugsa?

Nei við Icesave er NEI við valdníðslu fjármálakerfisins á skattgreiðendum

Fjármálakerfið hefur fundið sífellt nýja vasa til þess að seilast í

Það er búið að berja niður skuldara og næsta vígi eru skattgreiðendur

Talsmenn félagshyggju og mannréttinda berjast gegn Icesave

Án samráðs við stjórnarandstöðu

Athugasemdir

[Anna Sigríður Guðmundsdóttir, 2.3.2010 kl. 17:41]

Jakobína Ingunn. Voru bankarnir löglega einkavæddir? Mér finnst margt benda til að svo hafi ekki verið? Þjóðin á rétt á að sjá undirskrifaða afsalið til einka-eigendanna!!!

Skora á DV að birta afsalið undirskrifað! Þeir standa sig betur en lögreglu-dómskerfið á Íslandi!Hugsið ykkur hvað réttarríkið Ísland er orðið rotið

DV heldur uppi réttarkerfinu á Íslandi á meðan dómsstólar sekta DV fyrir sannan og óhlutlausan fréttalutning?

Það sem fékk mig til að hætta að styðja Jóhönnu og Steingrím var þeirra ó-ábyrgð í verki að stoppa ekki afskriftir skulda svika-þjófanna, færa þeim svo svikafyrirtækin til baka, á sama tíma og heiðarlegt vinnandi fólk er hrakið úr landi ef það vill fá að borða og sleppa við Íslensku gjaldþrota-grýluna!!!

Þjóðin, forseti Íslands og heimurinn allur veit að næsta skref er þjóðar-atkvæðagreiðsla!!! Við skulum bara gera okkur grein fyrir því, óháð flokks-stöðu.

Flokkar í Íslenskri pólitík er alvarlegasta mein Íslensks sjálfstæðis og réttlætis.                                                                                                                                                        

Að vera að tuldra eitthvað ofan í bringuna um tilgang og ekki tilgang þjóðar-atkvæðagreiðslu er út úr kortinu því það er búið að ákveða þetta.!

Hvers konar vinnubrögð og hugsunargangur er eiginlega í gangi hjá þeim sem gera lítið úr ákvörðun forseta Íslands, að vísa þessu máli til þjóðarinnar? Ég hef oftar en ekki haft trú á Ólafi Ragnari Grímssyni. Hann er ekki í alkaklíkunni eins og ég kalla embættis-svikara Íslands. Hann ber núna ábyrgð á þessari tilvísun til þjóðarinnar. Ólafur er víðsýnn, skynsamur og er giftur mjög heilbrigt hugsandi og réttlátri konu sem er meira hlynnt réttlæti en svikum. Hún er einnig meiri talsmaður Íslands en margur Íslendingurinn ?

Það er ekki allt í lagi hjá þeim sem tala gegn ákvörðun forseta-valdsins á neyðarstundu! Ég vorkenni fólki sem skilur það ekki.

Er stjórnarskrá Íslands einungis ætluð sem skeinipappír? Fyrirgefið orðalagið og vanvirðinguna fyrir Íslensku stjórnarskránni! En við höfum ekki neitt annað til að vinna eftir í augnablikinu! Eða hvað? Á bara að svíkja og fara á bak við stjórnarskrána? Aftur?

Nei takk. Nóg er nú ruglið samt! Nú er mál að spillingunni linni! M.b.kv. Anna