Tengsl AGS og Icesave

Það er hægt að setja Icesave upp í einfalt ferli. En það er svona:

1. Skref: Davíð Oddson og Halldór Ásgrímsson úthlutiðu ríkisbanka til fjárglæframanna
2. Skref: Ingibjörg Sólrún Gísladóttir og Geir Haarde ferðuðust út um allar koppagrundir og sögðu Icesave eigendum að Björgólfur Thor væri heiðursmaður
3. Skref: Bankarnir fara á hausinn þrátt fyrir ítrekuð ljúfmæli Ingibjargar Sólrúnar og Geir Haarde í garð Björgólfs Thors.
4. Skref: Hryðjuverkalög, skortur myndast á fóðri fyrir grísi og hænsni, byrjað var að skipuleggja slátrun á öllu fiðurfé og grísum í landinu og lyfjaskortur er fyrirsjáanlegur
5. Skref: Sigurjón Árnason tekur nokkra mánuði í að eyða skjölum rússnesku mafíunnar fyrir Landsbankann.
6. Skref: Geir Haarde sendir Baldur Guðlaugsson og fleiri óhæfa einstaklinga til þess að semja um Icesave.  SJÁLFSTÆÐISMENN SKRIFA UNDIR FYRSTA ICESAVE. Lán til tíu ára með 6.7% vöxtum sem skal byrja að greiða af eftir skamman tíma. Samningurinn ber þó ekki ríkisábyrgð þar sem samið er fyrir hönd Tryggingarsjóðs en ekki liggur fyrir samþykki Alþingis um ríkisábyrgð
7. Skref: Alþjóðagjaldeyrissjóðurinn gerir samning við Íslensk stjórnvöld um að helmingur þjóðarinnar verði hrakinn úr landi og hver spræna virkjuð fyrir stóriðju, Icesave verði samþykkt og skuldaklafi lagður á landið sem gerir það að eign stóriðjunnar (Davíð Oddsson og Árni Matthiesen skrifa undir).
8. skref: Þetta er PLAN A en PLAN B sem felur í sér áætlun um að bjarga fjölskyldum og menningu þjóðarinnar er ekki á borðinu.
9. Skref: Búsáhaldabylting
10. Skref: Vinstristjórn sem tekur sér stöðu hrunstjórnar og heldur áfram með PLAN A
11. Skref: Steingrímur sendir Svavar og fleiri óhæfa einstaklinga til þess að semja um Icesave. Þegar Bretar og Hollendingar sá hvers var ákváðu þeir að taka Íslendinga á heimskunni og á kajann mætti Svavar með einhverja mestu samningsómynd sem um getur. Þetta kallaði Steingrímur glæsilegan samning.
12. Skref: Aðildarumsókn að ESB sem er skilyrði Jóhönnu fyrir að samþykkja PLAN A og gefa skít í þjóðina og PLAN B
    
13. Skref: Ríkisstjórn samfylkingar og vinstri grænna samþykkja formlega PLAN A Alþjóðagjaldeyrissjóðsins og Jóhanna gefur út opinbera yfirlýsingu um að ekki sé til staðar neitt PLAN B (Steingrímur J Sigfússon og Jóhanna Sigurðardóttir skrifa undir þennan samning)
14. Skref: LÍÚ og erlend stóriðja arðræna Íslendinga sem aldrei fyrr. Leynilegir orkusamningar við stóriðjuna eru brot á reglum ESB því lágt orkuverð verður ekki túlkað sem annað en ríkisstyrkur (tekið úr vasa Íslenskara skattgreiðenda svona rétt eins og menn hyggjast gera gagnvart skuldum Björgólfs Thors)
15. Skref: Andófið fer aftur að magnast því Íslenska þjóðin vill PLAN B.
16. Skref: Forseti Íslands Herra Ólafur Ragnar Grímsson gengur í lið með þjóðinni og brýtur út af reglum PLANS A með því að hafna því að skrifa undir lög um ríkisábyrgð.
17. Skref: Þjóðin segir NEI við Icesave.

Tugi milljarða ber enn á milli

Athugasemdir

[Ólafur Ingi Hrólfsson, 5.3.2010 kl. 06:49]

Margt rétt - annað rangt

það var EKKERT samkomulag gert af Baldri Guðlaugssyni né neinum öðrum í tíð Geirs og Ingibjargar.

Fyrsti samningurinn var þrælasamningur Svavars -

Sala ríkisbankanna tilkjölfestufjárfesta ( Davíð Oddson barðist fyrir því að um 5% eignarhluti yrði að ræða- dreifð eignaraðild  ) en Halldór og Samfylking voru ósammála og er vert að minna á ummæli núverandi forseta þingsins á þeim tíma -

margt gott skrifar þú en of margir þættir í þessu rangir.

Og svona í lokin - enginn íslenskur stjórnmálaflokkur setti hrunið af stað - það voru vægast sagt stærri og magnaði öfl þar að verki.

 MÆTUM Á KJÖRSTAÐ KJÓSUM - SEGJUM NEI

[Jakobína Ingunn Ólafsdóttir, 5.3.2010 kl. 07:21]

Sæll Ólafur

Fyrsta letter of intent milli AGS og Íslendinga var undriritað af Davíð Oddsyni og Árna Matthiesen. Ég hef séð þetta skjal

Annað skjal var undirritað af Baldri Guðlaugssyni og Ásdísi Árnadóttur en það varðaði Icesave. 

[Gerður Pálma, 5.3.2010 kl. 07:53]

Frábær samantekt og skemmtileg. Áttu samantekt yfir hverjir af okkar ráðamönnum hafa hagnast á kúlulánum, vafningum og svindli, það væri frábært að geta googlað inn hvern fyrir sig þar sem þessum hlutum væri haldið til haga.

Það er hreinlega ekki hægt að muna hver er sekur um hvað lengur því það eru svo margir, og þó að þetta sé vitað mál eru þeir enn í ábyrgðarstöðum eins og ekkert sé.  Svo er verið að gera stórmál þó að smáglæpon taki sér frí frá Litlahrauni í nokkra daga.  Því ekki að leyfa öllum föngum sem þess óska að skreppa til útlanda, one way, það myndi spara okkur geymslugjöldin fyrir þá.

Stórglæpamennirnir þurfa ekki einu sinni að mæta i yfirheyrslu.